Zaburi Sya Daud 88
88
Domine Deus.
1Bambo, Mlungu wa uyokosi wangu:
Nikugite musi ni nikilo palongolo pako.
2Liluwo lyangu liyingile pa kyene kyako:
Ukayinamise likutu lyako kwa kululuta kwangu.
3Ndawa umi wangu umemite fiwifu:
Nu kulama kwangu kuwandamila panda pa mahoka.
4Niwalangike pamonga na wala wakuselela pa liwumba:
Niyii ngati nngosi ayilepe kya kundekelela mbafu.
5Wakupeleka mwanja pagati pa wakufwa, ngati wala wa waholoseka wakugona pa manyinja:
Wala wenga nakuwakumbukila kawili; pakukita wakeng’endeka patali pa kiwoko kyako.
6Waniwikite pa liwumba lya pasi:
Pandu pa lwisi, pa fina.
7Kuwina mwoyo kwako kuyegemela pa nenga:
Nu uniselise ni mbilingu syako syoha.
8Wawapatulana wala wakunimanya; waniwika kindu kya kuwipila kwa wombe:
Nidindakike nihotola lepe kupita.
9Liho lyangu likita kupi kupi pa lihumbuso:
Nikukemalile Bambo, magono goha, nikutambasulile ngonji syangu.
10Kwa wala wakufwa yaukite fyakupambana:
Pangi wala wa mwandi yawayimi na yawalifumbula lihina lyako?
11Lukolo lwako yaluwalangike pa manyinja?
Kiyitikiso kyako pa Kitagakile?
12Fyakupambana fyako yafimanyike pa lwisi:
Nu kukita malinga umu ukitila pa ndima gwa kuyiwayiwa?
13Koma, Bambo, nukuywawalile:
Nu lukelakela liluwo lyangu yalikukolele pa kipula.
14Ndawa kii, Bambo, utaga umi awangu:
Ndawa kii ufiha miho kwa nenga?
15Niselesike nenga na papipi niselesa roho kitumbulile ukeke gwangu:
Baho nitugula findu fyako fyakuyogofya niyii twee.
16Kuwina mwoyo kwako kulutite panani pa nenga:
Fya kulekela woga fyako finidumwili‐dumwili.
17Finisyungutile ngati machi musi gwoha:
Finiwulwinge pamonga.
18Wawapatulana kutali wakunigana na wakosi:
Na pa lwisi wala wa wanimanya.
Currently Selected:
Zaburi Sya Daud 88: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press