Zaburi Sya Daud 90
90
Domine, refugium.
1Bambo, wenga pandu pitu pakuwela:
Pa kilogosi ni kihogosi.
2Palongolo fidunda nu kuhogoleka lepe, wigolwile golwile lepa nu ndima ni mondo:
Haka kitumbulile mumu pela kitamile wenga Mlungu.
3Ukiliusa kamundu kwa lufumbi lwa kukanyika:
Nu ukita, Mukilaukaye waana wa adam:
4Ndawa miaka elf pa miho gako ngati ligono lya golo baho lilutite:
Na ngati lukumbi lwa kulindililana ni kilo.
5Uwakuka, wayii ngati lugono:
Lukelakela wayii ngati kimela kya kumela.
6Lukelakela kisatambuka, ni kimela:
Kimihi kikecheka, ni kiyuma.
7Ndawa tihomeke nu kudada kwake:
Na pakuwina mwoyo kwako tiyambanike.
8Ugu wikite upulupulu witu palongolo pako:
Na fyakufihifika fitu pa lulangalali lwa kyene kyako.
9Ndawa magono gitu goha galutakise ngani pa kulutila kwako:
Timalike magono gitu ngati lisumu.
10Magono ga miaka yitu sabwini, haka kigosi kitu themanini:
Koma kwinywaga kwawe matata ni fya waka; ndawa kukimbila kiyumbatakile na tiguluka.
11Nna amanya mbafu sya kudada kwako:
Nu kulutila kwako umu ngauyagopike?
12Utimanyise kuwalanga magono gitu:
Titolele mwoyo gwa luhala.
13Kiliuka, Bambo, mpaka lili?
Ukuwawulane na wombe pa muhalo gwa wakuhengela wako.
14Utitupalise lukela‐kela nu lukolo lwako:
Takalulute na takahekelele magono gitu goha.
15Utihekelese kwa ndingo gwa magono bahu watiselesa:
Ni miaka umu tifiwonile fiwifu.
16Fila wafikite fiwoneke kwa wakuhengela wako:
Na kapambiko kako panani pa wana wawe.
17Ni fya neema fya Bambo Mlungu witu fitame pa tenga:
Ukafipimbise fila mawoko gitu gafikita; ena, ukafipimbise fila gafikita mawoko gitu.
Currently Selected:
Zaburi Sya Daud 90: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press