मरकुस 4
4
बीज बोयवे बारे किसान कौ दृस्टान्त
(मत्ती 13:1–9; लूका 8:4–8)
1ईसू फिर गलील की झील के किनारे पै परमेस्वर के वचन की सिछा दैवे लगौ। और फिर एक ऐसी भीड़ ईसू के जौरें इकठ्ठी है गई, कै बू झील में एक नाव पै चढ़िकें बैठ गयौ, और सबरी भीड़ झील के किनारे धरती पै खड़ी रही। 2और बू बिनैं दृस्टान्तन में भौत सी बात सिखाबे लगौ, और बानें एक दृस्टान्त में बिनते कही, 3“सुनों! एक किसान बीज बोयबे निकरौ। 4बीज बोते भये कछू बीज रस्ता के किनारे पै गिरे, और चिड़ियन नें आयकें बा बीज कूं चुंग लियौ। 5कछू बीज कंकरीली धरती पै गिरे, मांपै बिनकूं भरपूर मट्टी नांय मिली, और गहरी मट्टी नांय मिलवे पै जल्दी उग आये। 6और जब सूरज निकरौ, तौ बे झुलस गये, और जड़ न पकरबै की बजैह ते सूख गये। 7कछू बीज कटीली झाड़िन में गिरे, और झाड़ियन नें बढ़कें बिनैं दबाय लियौ, और जाके मारे बे फल नांय लाये। 8कछू बीज अच्छी धरती पै गिरे, बे उग आये, और बढ़कें फल दैवे बारे भये, और कोई तीस गुना, कोई साठ गुना, और कोई सौ गुना फल लाये।”
9तब ईसू नें कही, “जाके जौरें सुनवे कान होबें बू सुन कै समझ लैबे।”
सीख दैबे बारे दृस्टान्तन कौ मकसद
(मत्ती 13:10–17; लूका 8:9–10)
10जब ईसू अकेलौ रह गयौ, तौ वाके सुनवे बारेन में ते कछू लोग और वाके बारह भेजे भये चेला ईसू के जौरें आये और जा दृस्टान्तन के बारे में ईसू ते पूछी। 11ईसू नें बिनते कही, “तुम लोगन कूं परमेस्वर के राज के भेदन कूं समझबे की बुद्धी दयी गयी है, बाहर बारेन के काजै सबरी बातें दृस्टान्तों में ही होबै हैं। 12जामारै
“बे देखते भये देखें,
पर बिन्नैं दिखाई ना पड़े।
बे सुनते भये सुनें,
पर नांय समझें।
अगर बे समझ पाते तौ अपने पापन कूं छोड़िकें मनकूं परमेस्वर की ओर लगाबते,
और परमेस्वर बिनें छमा करतो।”
ईसू नें बीज बोयवे बारे दृस्टान्त को मतलब बतायौ
(मत्ती 13:18–23; लूका 8:11–15)
13फिर ईसू नें बिनते कही, “का तुम लोग जे दृस्टान्त नांय समझे? तौ फिर दूसरे सब दृस्टान्त नैं कैसे समझौगे?” 14किसान जो बीज बोते बू परमेस्वर के वचन कूं दिखातै। 15रस्ता के किनारे गिरौ भयौ बीज, बिन लोगन के जैसे हैं, जो वचन सुनते है पर बिनमें ते सैतान आयकें वचन कूं उठाय लै जातै, जो बिनके हृदय में बोयों गयौ है। 16जाई तरैह ते, जो कंकरीली धरती पै गिरौ भयौ बीज, बिन लोगन के जैसौ है, जो वचन कूं सुनतेई बाय खुसी ते अपना लैवे है। 17पर अपने भीतर जड़ नांय रखवे के कारन बे थोड़े ही दिनान के काजै रैवे हैं, जाके बाद जब वचन केमारै बिनपै दुख या अत्याचार होत है, तौ बे बाई समै अपनों भरोसौ खो बैठत हैं। 18झाड़िन में गिरौ भयौ बीज, बिन लोगन के जैसे हैं, जिननें वचन सुनौ है 19पर सांसारिक चिन्तांए, धन कौ लालच और दूसरी चीजन कौ लालच बिनमें घुसकें वचन कूं दाब लैवे है। जाते बे फल नांय ला सके। 20पर कछू लोग बा बीज के समान हैं जो अच्छी उपजाऊ धरती बोयो गयौ, बे बिन लोगन के जैसे हैं, जो वचन सुनते, बाय अपनावें, और फल लाबै हैं, कोई तीस गुनों, कोई साठ गुनों, कोई सौ गुनों।
दीये कौ दृस्टान्त
(लूका 8:16–18)
21 #
मत्ती 5:15; लूका 11:33 ईसू नें बिनते कही, “का दीये कूं जामारै जलाबै हैं कै बू परात या खाट के नीचे रखौ जावें? का जामारै नांय जलाबै के दीबट के ऊपर धरौ जाबै और बाते पूरे घर में उजीतौ है जाये। 22#मत्ती 10:26; लूका 12:2चौंकि ऐसौ कछू छिपौ भयौ नांय, जो उजागर नांय करौ जावेगौ और कछू भी ढको भयौ नांय जो खोलो नांय जाबैगौ। 23यदि जाके जौरें सुनिवे के काजै कान हौंवे बू सुन कै समझ लैवे।”
24 #
मत्ती 7:2; लूका 6:38 फिर ईसू नें बिनते कही, “जौ कछू सुनतौ वाके काजै चौकस रहौ, जैसो बौहार तुम दूसरेन के संग करतौ बैसेई परमेस्वर तुमारे संग करैगौ और बाऊते ज्यादा करैगौ। 25#मत्ती 13:12; 25:29; लूका 19:26चौंकि जाके जौरें हतें बाई कूं और दयौ जावेगौ, और जाके जौरें नांय, बाते बोऊ जो बापै हते लै लियौ जावेगौ।”
बीज कौ उगबौ और बढ़बौ?
26फिर ईसू नें बिनते कही, “परमेस्वर कौ राज्य ऐसौ है, जैसे कोई किसान खेत में बीज बौवे। 27और किसान रात कूं सोतो, और सुबह कूं जागतो, पर किसान कूं जि पतौ नांय चलौ कै बीज कैसे उपजौ, और कब बढ़तौ गयौ। 28धरती अपने आप नाज उपजातै, पहिलें अंकुर, तब बाल, और बालन में दानौं बनतै। 29 जब दानौ पक जातै तब किसान बाई समै हैंसिया ते बाये काटतै, चौंकि काटवे को समै आ गयौ है।”
राई के दाने कौ दृस्टान्त
(मत्ती 13:31–32,34; लूका 13:18–19)
30फिर ईसू नें कही, “हम परमेस्वर के राज्य की बराबरी काय ते करैं? और कौन ते दृस्टान्त ते परमेस्वर के राज्य के बारे में बतायें। 31परमेस्वर कौ राज्य राई के दाने के समान है, जब बू मांटी में बोयो जातै तौ धरती के सबरे बीजन ते छोटो होतै। 32जब राई कौ दानों बोयो जातै तब उपजकै सब साग-पातन ते बड़ौ है जातै, और वाकी बड़ी डारियाँ निकरतें, आकास की चिड़ियाँ वाकी छाया में बसेरौ कर सकतैं।”
33ईसू लोगन नें जा तरैह के भौत ते दृस्टान्त सुनाबतो, बू बिनकी समझ के अनुसार वचन सुनाबत हतो। 34ईसू बिना दृस्टान्तन के लोगन ते कछू नांय कैहत हतो, पर एकान्त में अपने चेलान नैं सब दृस्टान्तन कौ मतलब बताबतो।
ईसू कौ आँधी और पानी कूं डाटबो
(मत्ती 8:23–27; लूका 8:22–25)
35बाई दिना जब सन्जा भई, तौ ईसू नें अपने चेलान ते कही, “आऔ, हम झील के पल्ली पार चलें।” 36और बू भीड़ कूं छोड़िकें अपने चेलान के संग एकई नाव में बैठकै आगे कूं गयौ और वाके संग दूसरी नावें हतीं। 37अचानक भौत जोरन की आँधी आयी और पानी की लहरें नाव पै ऊपर तक आ रयीं हतीं, जाते नाव पानी ते भरीं जा रयी हती। 38पर ईसू नाव के पीछे के हिस्सा में तकिया लगाये सो रयौ हतो। तब चेलान नें ईसू कूं जगायकें बाते कही, “हे गुरू! का तोय चिन्ता नांय, कै हम मरे जा रहै हैं?”
39तब ईसू नें उठकै आँधी कूं डांटौ, और पानी की लहरों ते कही, “सान्त है जा, रुक जा।” और आँधी रुक गई, और चारौ लंग बड़ी सान्ती है गई।
40तब ईसू नें अपने चेलान ते कही, “तुम चौं डरप रयेऔ? का तुमकूं अबई तक भरोसौ नांय।”
41पर चेला भौतई डरप गये, और एक दूसरे ते कहवे लगे, “जि कोए? आँधी और पानी जाकौ आग्या मानें हैं!”
Currently Selected:
मरकुस 4: BRAJ
Highlight
Share
Copy
Want to have your highlights saved across all your devices? Sign up or sign in
NonCommercial-NoDerivatives 4.0 International (CC BY-NC-ND 4.0)
मरकुस 4
4
बीज बोयवे बारे किसान कौ दृस्टान्त
(मत्ती 13:1–9; लूका 8:4–8)
1ईसू फिर गलील की झील के किनारे पै परमेस्वर के वचन की सिछा दैवे लगौ। और फिर एक ऐसी भीड़ ईसू के जौरें इकठ्ठी है गई, कै बू झील में एक नाव पै चढ़िकें बैठ गयौ, और सबरी भीड़ झील के किनारे धरती पै खड़ी रही। 2और बू बिनैं दृस्टान्तन में भौत सी बात सिखाबे लगौ, और बानें एक दृस्टान्त में बिनते कही, 3“सुनों! एक किसान बीज बोयबे निकरौ। 4बीज बोते भये कछू बीज रस्ता के किनारे पै गिरे, और चिड़ियन नें आयकें बा बीज कूं चुंग लियौ। 5कछू बीज कंकरीली धरती पै गिरे, मांपै बिनकूं भरपूर मट्टी नांय मिली, और गहरी मट्टी नांय मिलवे पै जल्दी उग आये। 6और जब सूरज निकरौ, तौ बे झुलस गये, और जड़ न पकरबै की बजैह ते सूख गये। 7कछू बीज कटीली झाड़िन में गिरे, और झाड़ियन नें बढ़कें बिनैं दबाय लियौ, और जाके मारे बे फल नांय लाये। 8कछू बीज अच्छी धरती पै गिरे, बे उग आये, और बढ़कें फल दैवे बारे भये, और कोई तीस गुना, कोई साठ गुना, और कोई सौ गुना फल लाये।”
9तब ईसू नें कही, “जाके जौरें सुनवे कान होबें बू सुन कै समझ लैबे।”
सीख दैबे बारे दृस्टान्तन कौ मकसद
(मत्ती 13:10–17; लूका 8:9–10)
10जब ईसू अकेलौ रह गयौ, तौ वाके सुनवे बारेन में ते कछू लोग और वाके बारह भेजे भये चेला ईसू के जौरें आये और जा दृस्टान्तन के बारे में ईसू ते पूछी। 11ईसू नें बिनते कही, “तुम लोगन कूं परमेस्वर के राज के भेदन कूं समझबे की बुद्धी दयी गयी है, बाहर बारेन के काजै सबरी बातें दृस्टान्तों में ही होबै हैं। 12जामारै
“बे देखते भये देखें,
पर बिन्नैं दिखाई ना पड़े।
बे सुनते भये सुनें,
पर नांय समझें।
अगर बे समझ पाते तौ अपने पापन कूं छोड़िकें मनकूं परमेस्वर की ओर लगाबते,
और परमेस्वर बिनें छमा करतो।”
ईसू नें बीज बोयवे बारे दृस्टान्त को मतलब बतायौ
(मत्ती 13:18–23; लूका 8:11–15)
13फिर ईसू नें बिनते कही, “का तुम लोग जे दृस्टान्त नांय समझे? तौ फिर दूसरे सब दृस्टान्त नैं कैसे समझौगे?” 14किसान जो बीज बोते बू परमेस्वर के वचन कूं दिखातै। 15रस्ता के किनारे गिरौ भयौ बीज, बिन लोगन के जैसे हैं, जो वचन सुनते है पर बिनमें ते सैतान आयकें वचन कूं उठाय लै जातै, जो बिनके हृदय में बोयों गयौ है। 16जाई तरैह ते, जो कंकरीली धरती पै गिरौ भयौ बीज, बिन लोगन के जैसौ है, जो वचन कूं सुनतेई बाय खुसी ते अपना लैवे है। 17पर अपने भीतर जड़ नांय रखवे के कारन बे थोड़े ही दिनान के काजै रैवे हैं, जाके बाद जब वचन केमारै बिनपै दुख या अत्याचार होत है, तौ बे बाई समै अपनों भरोसौ खो बैठत हैं। 18झाड़िन में गिरौ भयौ बीज, बिन लोगन के जैसे हैं, जिननें वचन सुनौ है 19पर सांसारिक चिन्तांए, धन कौ लालच और दूसरी चीजन कौ लालच बिनमें घुसकें वचन कूं दाब लैवे है। जाते बे फल नांय ला सके। 20पर कछू लोग बा बीज के समान हैं जो अच्छी उपजाऊ धरती बोयो गयौ, बे बिन लोगन के जैसे हैं, जो वचन सुनते, बाय अपनावें, और फल लाबै हैं, कोई तीस गुनों, कोई साठ गुनों, कोई सौ गुनों।
दीये कौ दृस्टान्त
(लूका 8:16–18)
21 #
मत्ती 5:15; लूका 11:33 ईसू नें बिनते कही, “का दीये कूं जामारै जलाबै हैं कै बू परात या खाट के नीचे रखौ जावें? का जामारै नांय जलाबै के दीबट के ऊपर धरौ जाबै और बाते पूरे घर में उजीतौ है जाये। 22#मत्ती 10:26; लूका 12:2चौंकि ऐसौ कछू छिपौ भयौ नांय, जो उजागर नांय करौ जावेगौ और कछू भी ढको भयौ नांय जो खोलो नांय जाबैगौ। 23यदि जाके जौरें सुनिवे के काजै कान हौंवे बू सुन कै समझ लैवे।”
24 #
मत्ती 7:2; लूका 6:38 फिर ईसू नें बिनते कही, “जौ कछू सुनतौ वाके काजै चौकस रहौ, जैसो बौहार तुम दूसरेन के संग करतौ बैसेई परमेस्वर तुमारे संग करैगौ और बाऊते ज्यादा करैगौ। 25#मत्ती 13:12; 25:29; लूका 19:26चौंकि जाके जौरें हतें बाई कूं और दयौ जावेगौ, और जाके जौरें नांय, बाते बोऊ जो बापै हते लै लियौ जावेगौ।”
बीज कौ उगबौ और बढ़बौ?
26फिर ईसू नें बिनते कही, “परमेस्वर कौ राज्य ऐसौ है, जैसे कोई किसान खेत में बीज बौवे। 27और किसान रात कूं सोतो, और सुबह कूं जागतो, पर किसान कूं जि पतौ नांय चलौ कै बीज कैसे उपजौ, और कब बढ़तौ गयौ। 28धरती अपने आप नाज उपजातै, पहिलें अंकुर, तब बाल, और बालन में दानौं बनतै। 29 जब दानौ पक जातै तब किसान बाई समै हैंसिया ते बाये काटतै, चौंकि काटवे को समै आ गयौ है।”
राई के दाने कौ दृस्टान्त
(मत्ती 13:31–32,34; लूका 13:18–19)
30फिर ईसू नें कही, “हम परमेस्वर के राज्य की बराबरी काय ते करैं? और कौन ते दृस्टान्त ते परमेस्वर के राज्य के बारे में बतायें। 31परमेस्वर कौ राज्य राई के दाने के समान है, जब बू मांटी में बोयो जातै तौ धरती के सबरे बीजन ते छोटो होतै। 32जब राई कौ दानों बोयो जातै तब उपजकै सब साग-पातन ते बड़ौ है जातै, और वाकी बड़ी डारियाँ निकरतें, आकास की चिड़ियाँ वाकी छाया में बसेरौ कर सकतैं।”
33ईसू लोगन नें जा तरैह के भौत ते दृस्टान्त सुनाबतो, बू बिनकी समझ के अनुसार वचन सुनाबत हतो। 34ईसू बिना दृस्टान्तन के लोगन ते कछू नांय कैहत हतो, पर एकान्त में अपने चेलान नैं सब दृस्टान्तन कौ मतलब बताबतो।
ईसू कौ आँधी और पानी कूं डाटबो
(मत्ती 8:23–27; लूका 8:22–25)
35बाई दिना जब सन्जा भई, तौ ईसू नें अपने चेलान ते कही, “आऔ, हम झील के पल्ली पार चलें।” 36और बू भीड़ कूं छोड़िकें अपने चेलान के संग एकई नाव में बैठकै आगे कूं गयौ और वाके संग दूसरी नावें हतीं। 37अचानक भौत जोरन की आँधी आयी और पानी की लहरें नाव पै ऊपर तक आ रयीं हतीं, जाते नाव पानी ते भरीं जा रयी हती। 38पर ईसू नाव के पीछे के हिस्सा में तकिया लगाये सो रयौ हतो। तब चेलान नें ईसू कूं जगायकें बाते कही, “हे गुरू! का तोय चिन्ता नांय, कै हम मरे जा रहै हैं?”
39तब ईसू नें उठकै आँधी कूं डांटौ, और पानी की लहरों ते कही, “सान्त है जा, रुक जा।” और आँधी रुक गई, और चारौ लंग बड़ी सान्ती है गई।
40तब ईसू नें अपने चेलान ते कही, “तुम चौं डरप रयेऔ? का तुमकूं अबई तक भरोसौ नांय।”
41पर चेला भौतई डरप गये, और एक दूसरे ते कहवे लगे, “जि कोए? आँधी और पानी जाकौ आग्या मानें हैं!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
NonCommercial-NoDerivatives 4.0 International (CC BY-NC-ND 4.0)