Jon 14
14
1Pas nekimiar resolan tipil. Nakamani nuparhienan le Wuhgin, ani mun nuparhienan lak.
2Nimwa te Tata nihmawa ribor lan; takama resolan mama nuparhienan, to iakani to kamiar, mero in ka tiakuan moma tiakolita nihmawa temiar.
3An takama tiakuan molita nihmawa temiar, tiaplelegpa mun an mepir kamiar tonio, moma iken io tiakamarik iken, kamiar mun tenapairik iken.
4An iken tiakuan iken, nakarhinatin suatu.
5Tomas netereni ton, Ieremera, Iakatiktik am mama tenakatuan; tiakaitua marhinatin suatu?
6Iesu netereni ton, Io suatu mene nuparhienan mene nemihwan. Ieremim ker to resueatuan to Tata mero in am ka lak.
7Takama nemarhinatin io, teneparhinatin mun Tata. Le nian uk towe mene nakarhinatin in meknaihm.
8Filip netereni ton, Ieremera, atikun kamar le Remam, an naunin to kamar.
9Iesu netereni ton, Nanuhu aken kama maivan katar min io an nakamatiktik ena io, Filip? Ierem reknahm io, reknahm mun Tata; nakametueni moma, Atikun kamar le Remam?
10Ik nesenian nuparhienan lak moma io le Tata an Tata ramarik lak? Nakaran min iakameni to kamiar iakaseniatuan; mero Tata ramarik lak mamol nolan min tahan.
11Ani nuparhienan lak, moma io le Tata an Tata ramarik lak; wa takama nakaipas, ani nuparhienan lak mero in ka nolan min.
12Nuparhien, nuparhien, tiakani ro kamiar, ierem tereni nuparhienan lak, nar iakamol min in mun terepol, an terepol nar iribor le ierem min uk, mero in ka io tiakuan to Tata.
13An takama neta tenakaihrapkin le netigok tiapol, moma Tata terepos nevitan le Nerin.
14Takama nakaihrapkinpa nar ker le netigok io tiapol.
15Takama nakarolkeikei io, amarol nowa min tahak.
16An io tiapehrapkin to Tata, an terepofena kam kamiar Ierem Terasitu ker mun, moma teramarik to kamiar le nian min petum.
17Namumun te nuparhienan, ierem ten uk to resosan mero in ka resahman metiktik in. Kamiar nakarhinatin in mero in ka ramarik to kamiar an terepamarik le kamiar.
18Tiepesapasan pusenam kamiar, tiapua to kamiar.
19Nian rerparup am ten uk terepesahman mun io, mero kamiar tenakamaihm io; mero in ka io iakamarik, kamiar mun tenepamairik.
20Loanian ka teneparhinatin mama io le Tata an kamiar lak an io le kamiar.
21Ierem teros nowa min tahak mamol ilar, in uk ierem rolkeikei io; an ierem rolkeikei io tapolkeikei mun in le Tata, an io tiapolkeikei in, an tiafhinhin atu io ton.
22Judus, ierem resolan moma Iskariot, netereni ton, Ieremera, neta kamol moma tenefhinhin atu ik to kamar mero resolan to ten uk?
23Iesu neteraram menipen ton, Takama ieremim ker rolkeikei io in terepol nakaran tahak, an Tata terepolkeikei in, an tiapiava ton miaol nihmawa temlau lan.
24Ierem resolkeikeian io resolan nakaran min tahak. An nakaran nakamairou resolan moma tahak, mero taha Tata ierem rehmalipa io.
25Nar min uk iakneni to kamiar loanian iakamarik to kamiar.
26Mero Ierem Terasitu, Nanumun Ausim ierem Tata terefhalipa le netigok, in terepetikun kamiar le naremnar min, an terepol nekimiar rakahmo naremnar min iemameni to kamiar.
27Tiakahlau nemelinuan kam kamiar, nemelinuan tahak tiakofena kam kamiar; resolan kama ten uk terofena, io tiakofena, kam kamiar. Pas nekimiar resolan tipil mesaginan.
28Neknairou mama iemeni to kamiar, Io tiakuan an tiapua to kamiar. Takama nakarolkeikei io, tenepaigien mero in ka tiakuan to Tata, mero in ka Tata in iribor lak.
29An towe iaknameni to kamiar aupan tapol, moma takama tapol kamiar tenepani nuparhienan lak.
30Io teisenian mun nar ribor to kamiar, mero in ka ieremera te ten uk rakava; an resosan noanverin lak.
31Mero moma ten uk terhinatin moma io iakolkeikei Tata, an rolkoma Tata ramofa nowa kam io, rol mok lan io iakamol. Airmig, pas karier to nar ikenuk.
Currently Selected:
Jon 14: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
