Jon 13
13
1An paupan le nauganan te Napitean Iesu hrinatin moma aur tahan reknua moma terapas ten uk lan muan to Remin, an mero in ka ramolkeikei neremim tahan le ten uk, ramolkeikei ilar le naunin.
2An kamemarugan ena, Iaremis reknamehlau pen ita le nekin Judas Iskariot neri Saimon moma teraurai in,
3Iesu neterhinatin moma Remin reknofen petum nar le nelimin, an moma resipe le Wuhgin an terepuan mun to Wuhgin,
4Neterermig le nauganan neterpeakiakin kalkauh tahan an neteros noanveri napen ker metout in;
5An neteruipen nu le nevige nar, netererwowun mamohiapel neliki tan ieremim min mamrai ita le noanveri napen rametout in.
6An neterua to Saimon Piter, Netereni ton, Ieremera, ik tenakohiapel nelikok?
7Iesu neteraram menipen ton, Nar iakamol ik teneshinatinan uk, mero tenefhinatin oatisig le nar min uk.
8Piter netereni ton, Tenepesohiapelan nelikok le nian min petum. Iesu neteraram ton, Takama tiesohiapelan ik tenepesosan noanverin ker tonio.
9Saimon Piter netereni ton, Ieremera, resolan moma nelikok am mero nelimok mun mene takapa mene.
10Iesu netereni ton, Ierem kenohiapel resolkeikeian moma rakohiapel mero in am nelikin, mero kahnapel petum. An kehnapel kamiar, mero resolan moma kamiar etahun.
11Mero in ka rhinatin ierem terepaurai in; le nar uk rameni, moma, Resolan moma kamiar etahun kehnapel kamiar.
12An neterhapel petum nelikin ilar, neteros kalkauh tahan, neterowata meni mun to ilar, Neknarhinatin nar iaknol to kamiar?
13Kamiar nakamani lak, Ietikun, mene Ieremera, an nakamani vi mero in ka io parhien.
14An takama io Ieremera mene Ietikun iamohiapel nelikimiar, kamiar mun tenakaikeikei mahipel nelikimiar min.
15Mero in ka iaknofena nimtatin kam kamiar moma tenaparol mun nar iemarol to kamiar.
16Nuparhien, nuparhien, tiakani to kamiar, iolatkokun nar resetietan le ieremera tahan, an ierem kahnalipa resetietan le ierem rehmalipa in.
17Takama nakarhinatin nar min uk, kamiar nerem keikei takama tenakarol.
18Iesenian nar uk to kamiar etahun. Io Iakhinatin ierem min ieknahmpen ilar; mero moma nawowa terepet, Ierem ramkin bred tahak ramahwapa in tan ulipas kam io.
19An towek tiakani to kamiar aupan in tapol, moma le nian kenol ita tenepani nuparhienan lak moma io parhien.
20Nuparhien, nuparhien, tiakani to kamiar, Ierem teros ierem tiefhalipa, teros io, an ierem teros io, teros ierem rehmalipa io.
21Iesu netereni nar min uk, an nanumun neteramahmapuk an neteramausito in mameni, Nuparhien, nuparhien, tiakani to kamiar moma karena le kamiar terepaurai io.
22Tan ieremim min netakaretagpen maihm ilar min, matiktik am mama rameni nar uk le fe.
23An karena le tan ieremin min, ierem Iesu rolkeikei, neternpen le nekilhi Iesu.
24An Saimon Piter netereunaieu in meni ton, Ani ru moma rameni nar uk le fe.
25An neterenpen maka lan le nekilhi Iesu ma meni ton, Pehe, Ieremera?
26An Iesu neteraram, In un tiepel noanveri bred mofen kam in. An neteros noanveri bred neterel mofen kam Judas neri Saimon Iskariot.
27An oatisig le noanveri bred ka Setan neterukupen lan. An Iesu netereni ton. Nar nakama tenakol ol hwaihwai.
28An resolan moma karena le ilar nerem kamamaiwata rhinatin moma retol rameni nar uk ton.
29An mero in ka Judas ramlul karam, nevin nekin ilar neterho moma Iesu rameni ton, Os nemri nar ker iakarolkeikei to nauganan, wa moma terofen nar ker kam navantat.
30An neteros noanveri bred ma mier hwaihwai am; an reknapinap.
31An in reknier, Iesu neterameni, Towek Neri Ieremim tapol nevitan kam in, an Wuhgin tapol nevitan kam in lan.
32An Wuhgin terepol nevitan lan kam in atu an ihwe am terepol nevitan kam in.
33Kova kova min, nian rerparup am iakamarik to kamiar; tenepaitkogen io, an rolkoma iemeni to Ju min, Iken io tiapuan iken riakis to kamiar moma tenakarua iken, rol mun mok lan tiakani to kamiar towek.
34Nowa vi tiakofena kam kamiar, moma tenakarolkeikei kamiar min; rolkoma io iamolkeikei kamiar, moma kamair mun tenakarolkeikei kamiar min.
35Le nar uk neremim petum teparhinatin mama kamiar tak ieremim min takama nakaros nolkeikeian to kamiar min.
36Saimon Piter netereni ton, Ieremera, ik tenepetuan? Iesu neteraram, Iken tiapuan iken riakis tonik moma tenakoatisig in io towek, mero to nian ker tenepoatisig in io.
37Piter netereni ton, Ieremera, retol riakis tonio moma tiakoatisig in ik towek? Io tiapehlau nemihwan tahak tonik.
38Iesu neteraram, Ik tenepehlau nemihwan taham tonio? Nuperhien, nuparhien, tiakani tonik, Menuk teresakakean meroatis ik tenepapnin io mau kisil.
Currently Selected:
Jon 13: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
