Luk 18
18
1An netereni hnoa nakaran to ilar moma neremim takaikeikei meihwak le nian min mesaipouan, netereni,
2Ierem ramhwaprai nar ker ramarik le nauanu ker, ierem resagninan Wuhgin meseniapkisan ieremim.
3An beran kamemis etag ker le nauanu ka, an neterua ton mameni, Hwaprai io to tahak tikimer.
4An neterapas ruhu tahman, mero mun ka netereni le nekin, Mero io iesagninan Wuhgin meseniapkisan ieremim,
5Mero beran kamemis etag uk ramol nalkutan kam io, an le nar uk tiafhwaprai in, moma teresuean le nian min mol nemakaikan kam io.
6An Ieremera netereni, Airou nar ierem ramhwaprai mul rameni.
7An resolan moma Wuhgin terhwaprai nerem ramahmpen ilar nerem kamaisak hatigen le nian mene lapin, an nekin remeruk to ilar?
8Tiakani to kamiar moma terefhwaprai hwaihwai ilar, Mero takama Neri Ieremim terua, terepahm nuparhienan le ten uk?
9An netereni mun hnoa nakaran uk to nerem kamaiteta atu le ilar mama karut mesaniapkisan ilar min nevin.
10Ieremim kiu kamuet miavan le nimwa ahwak muoma tukuohwak, ker Farisi mene ker ierem ramos atin nar.
11Farisi neterail mamohwak atu mok lan kam in, Wuhgin, tiakani vivi ik mero in ka io iesolan kama neremim min nevin, nerem kamaikihla, nerem kamarol tehwaga tat, nerem kamoral tehwaga tat le neberavin, wa kama iosatin nar uk mene.
12Iakamemek mamau kiu le nahwakan karena, iakamofen takerin le naremnar min iakamos.
13Mero ierem ramos atin nar neterail isou; an remesolkeikeian moma teretet le neai, mero neteramep nekilhin mameni, Wuhgin, asak in io ioletat.
14Tiakani to kamiar, Ieremim uk neteratite muan le nimwa takan kenol ut, mero resolan moma ierem ka; mero in ka ierem rametiet atu lan tapos iau, mero ierem terol asuas in tapol retiet.
15An netakarpuk marua ton kova min mun mama teriap ilar; mero tan ieremim min netakaihm netakainhiau ilar.
16Mero Iesu neteraunin ilar ton memeni, Pas kova min karua tonio, meseinhiauan ilar, mero in ka niko te Wuhgin taha neremin kama ilar.
17Nuparhien tiakani to kamiar, Ierem teresosan niko te Wuhgin rolkoma kova in terepesuenan lan.
18An ieremera ker netererhapuk ton mameni, Ietikun vi, neta tiapol mos nemihwan lilen.
19An Iesu netereni ton, Retol nakani moma io iakavit? Resolan moma ieremim ker ravit mero in am karena, Wuhgin.
20Ik nakhinatin nowa asul min, tenesolan tehwaga tat le beravin, teneshoa til, tenesakihlean, tenesausitoan in neiwean, teneksiai remam mene inam.
21An netereni, Nar min uk iemamol le nesuasan tahak.
22An Iesu netererou netereni ton, Nar mun ker nesolan; aurai in naremnar min petum taham mofen kam navantat min, an tenepos nauta le neai; an ua maroupa io.
23An netererou nar min uk nekin neteramahma puk, mero in ka ierem nauta tahan ramibor aken.
24An Iesu neterahm in netereni, Riakis to nerem nauta tenilar ribor moma takaruan le niko te Wuhgin;
25Mero in ka remeruk am to kamel teruan le nepag nidel, mero riakis to ierem nauta tahun ribor moma teruan le niko te Wuhgin.
26An nerem kamairou netakani,
27Mero tapos miuh pehe? Mero netereni, Nar riakis to neremim remeruk am to Wuhgin.
28An Piter netereni, Ahm ru, iemaipas naremnar min temar mairoupena ik.
29An netereni to ilar, Nuparhien tiakani to kamiar moma takama ieremim ker rapas nimwa wa nuain wa pian min wa remin mene inen wa nererin to niko te Wuhgin.
30Terepos asul aken le nian uk mene nemihwan lilen le nian terepua.
31An neteriripen ton nerem katilum katilum mekiu netereni to ilar, Ahm ru, netakaret maruan Jerusalem, an naremnar min kamrai le profeta min tapol etahun le Neri Ieremim.
32Mero in ka tepauraipen kam nerem Jentail an tepaiusan lan an tepailekiamta in an tepaihg in;
33An tepahro in marhwapnin, an nian ierem rol kisil terepermig mun.
34An ilar kamesarhinatinan nar min uk ker; an nakaran uk kametkauigen to ilar, an kamesarhinatinan nar min kameni.
35An neterua iwaket to Jeriko, an iemnou ker ramamowata le nikali suatu mametamap.
36An netererou nahuto karua maipikalin lan, an netererhapuk moma neta uk.
37An netakani ton mama, Iesu te Nasareth rua makavan.
38An neterasak apahm mameni, Iesu Neri Devid, asak in io.
39An nerem kamaiupan netakainhiau mama terapas nasakan. Mero neteramasak apahm puk aken, Neri Devid, asak in io.
40An Iesu neterail mameni, moma tikir in kava ton; an neterua iwaket netererhapuk ton,
41Neta nakama tiakol kam ik? An netereni, Ieremera, iakama tiakahm mun nar.
42An Iesu netereni ton, Ahm mun nar; nuparhienan taham reknos miuh ik.
43An ihwe am neterahm mun nar, an neterameroupen in mameni vivi Wuhgin. An neremim petum netakaihm mamani vivi Wuhgin.
Currently Selected:
Luk 18: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
