Luk 19
19
1An neteruan mamavan le Jeriko.
2An ahm ru ieremim ker netigen Sakias, in ieremera le nerem kamaros atin nar, an nauta tahan ramibor.
3An ramolkeikei moma terahm Iesu moma in pehe, an remiakis ton mero in ka nahuto, mero in ka in ierem arparup.
4An neterai aupan met le nik ker moma terahm in, mero in ka in terepuan mapikalin iken.
5An Iesu neterua iken neteretaget mameni ton, Sakias, atite hwaihwai, mero in ka towe tiapakeikei marik le nimwa taham.
6An neteratite hwaihwai, mir in le nagienan.
7An ilar min netakaihm netakamaiwoia ton mamani, Reknuan mamarik ilau ieremim tat.
8An Sakias neterail mameni to Ieremera, Ahm ru, Ieremera, tiapofen takeri naremnar tahak kam navantat, an takama iamevita nar to ieremim ker tiapofen tain mau kuer.
9An Iesu netereni ton, moma, Towe nemihwan reknua to nimwa uk, mero in ka in mun neri Ebraham.
10Mero in ka Neri Ieremim rava moma teratkoigen mos miuh nar ramelue.
11An ilar netakairou nar min uk, an netereni mun hnoa nakaran to ilar mero in ka reknua iwaket to nar Jerusalem, an nekin ilar neterakahmo noma niko te Wuhgin terepier pen hwaihwai.
12An netereni, Ierem asul ker ravan le ten isou ker moma teros neremerean ton meplelegpa mun.
13An neteraunin nolatkokun nar tahan katilum katilum, neterofen kam ilar paund katilum katilum, mameni to ilar, Amarol naremnar meroatis nian tiapua.
14Mero nereman kamaimakin in, an netakahiloatisig neremim nevin mamani, Iesarolkeikeian mama wus uk tereremera le kamar.
15An neteros neremerean tahan melelegpa mun, an netereni moma takaunin pen nolatkokun nar ka karua ton ierem min ramofen mani kam ilar, moma terhinatin nar kamaros le nauraian.
16An ierem aupan neterua ton mameni, Ieremera, paund taham reknol mun paund katilum katilum.
17An netereni ton, Ravit, ik iolatkokun ut nar, mero in ka ik nemesanen le nar ierem iresuas, aremera le nauanu katilum katilum.
18An ierem rol kiu neterua meni, Ieremera, paund taham reknol paund katilum.
19An netereni mun to ierem ka, Ik mun aremera le nauanu katilum.
20An ker mun neterua meni, Ieremera, ahm ru paund taham ierem iamos mehlau le napen.
21Mero in ka iemagnin ik, mero in ka ik ierem iakis; nakamosit nar nemesehlauan, mamerai nar nemesususan.
22Netereni ton, Le nar remsipe le hnulam tiafhwaprai ik, ik iolatkokun tat nar; ik nemhinatin moma io ierem iakis, iakamosit nar iemesehlauan, mamerai nar iemesususan?
23An retol nemesofenan mani tahak kam nerem kametain mani? An io tiapua mos mun ilau tain.
24An netereni to nerem kamailil iwaket, Arevita paund ton marofen kam ierem ramos paund katilum katilum.
25An netakani ton, Ieremera, in ramos paund katilum katilum.
26Tiakani to kamiar moma ierem ramos tapofen kam in, mero ierem resosan tepevita ton nar ramos.
27Mero ariripa tikimer min tahak nerem kasarolkeikeian mama tiakaremera le ilar, an marhwapnin ilar le nemrok.
28An neterenita nar min uk neteraupan met muan Jerusalem.
29An neterua iwaket to nar Bethpej mene Bethani le towar ka netigen Towar le Oliv min, an neterhalipen tan ieremim mil kiu mameni,
30Iavan le nauanu etuatu to kamilau; an takama nikiavan iken tenepuahm neri as kameruatin, ierem ieremim ker remesowatean lan, iarisin miair miava.
31An takama ieremim ker tererhapuk to kamilau, Retol nakamiarisin? Nukuani mok, Ieremera rolkeikei in.
32An ierem mil kahmalipen ilau netikiavan muahm kama in ka rameni to ilau.
33An netikiarisin neri as, an neremera tahan netakani to ilau, Retol nakamiarisin neri as?
34An ilau netukuani, Ieremera rolkeikei in.
35An netikiair miava to Iesu, an netakaihlaupen nar kamarviu ilar in letui neri as mahituk pen Iesu lan.
36An neteramavan an ilar netakareipin nar kamarviu ilar in le suatu.
37An neterua iwaket le hnuli Towar le Oliv min, an nahuto etahun le tan ieremim min netakarwowun mamaigien mamani vivi Wuhgin le nakarapahman to nesanenan min kamaihm,
38Mamani,
Ieremera keikei ierem rakava
Le netigen Ieremera;
Nemelinuan le neai
Mene nevitan iles aken.
39An Farisi min nevin le nahuto netakani ton, Ietikun, anhiau taham min neremim.
40An neteraram meni, Tiakani to kamiar, takama neremim uk kaipnapin am, kapiel min tepaisak apahm.
41An neterua iwaket neterahm nauanu neteramasak ton mameni,
42Takama ik mun nemhinatin le nian uk taham nar to nemelinuan, mero towe kenetkauigen to nemram.
43Mero in ka nian terepua tonik taham tikimer min tepati nipai alaualau in ik, an tepailelau lam an tepasigatin ik relelau milipun.
44An teparos iau ik mene nererum lam, an tepesarpasan lam kapiel ker rowatatin ker; mero in ka nemeshinatinan nian te nuean tonik.
45An neteruan le nimwa ahwak netererwowun hmaliatou nerem kamaiura mameni to ilar,
46Kamrai, An nimwa tahak tapol nimwa ahwak in, mero kamiar nemarol in kama nepag te nakihla.
47An ramametikun le nian min le nimwa ahwak; mero neremera le nuhwasigenan mene nerem kamatikun netakamarol to hnoan in, ilar nerem asul le neremim.
48An netesaihman mama teparol neta ton, mero in ka nahuto etahun netakamarpuitipen hmahma lan mamaiteleg in.
Currently Selected:
Luk 19: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
