Luk 4
4
1An Iesu nekin remet le Nanumun Ausim, an neterelelegpa mun mapas Jordan, an Nanumun neterir in leluan le nian 40.
2An Iaremis neterofenofen kam in. An remeskinan nar ker le nian min ka, an netakol naunin neteremek.
3An Iaremis netereni ton, Takama ik Neri Wuhgin, ani to kapiel uk moma terepol bred lan.
4An Iesu neteraram ton, Kamrai moma, Ieremim to repesarikan le bred am.
5An neterir in met, an neterhinhin pen ton niko min le ten uk meu karena am.
6An Iaremis netereni ton, Tiapofena kam ik nesanenan petum uk mene nevitan tenilar; mero in ka kamofa kam io, an tiakofen kam ierem iakolkeikei.
7Mero in ka takama ik tenakahwak le nemrok tapol taham in petum.
8An Iesu neteraram ton meni, Kamrai, Ik tenakahwak kam Ieremera taham Wuhgin, an in pusen am tenepol atkokun nar ton.
9An neterir in muan Jerusalem, an neterehlau in le nuhiefi nar kamol pen le hnagen nimwa ahwak, an netereni ton, Takama ik Neri Wuhgin, alakhiau atu in ik ikenuk.
10Mero in ka kamrai moma, Terepeni ik to agelo min tahan moma takamaihmena ik,
11An, Tepatou ik le nelimin ilar moma tenesautinan nelikam le kapiel.
12An Iesu neteraram menipen ton, Kameni, Ik tenesofenofenan kam Ieremera taham Wuhgin.
13An Iaremis neterol naunin nofenofenan min petum, an neterapas in to nian ker.
14An Iesu netereleleg pen Kalili le nesanenan te Nanumun. An nausitoan in remier le ten min iken min.
15An neterametikun le nimwa ahwak min tenilar, an neremim petum netakamani vivi in.
16An neterua Nasareth, iken ramibor iken, an neteruan le nian ausim le nimwa ahwak, rolkoma nar ramol ena le nian min, an neterail to nahwinan nawowa.
17An netakarofen kam in nawowa te profeta Aiseia, an neteretita, nawowa neterahm iken kamrai iken,
18Nanumun te Ieremera ramarik lak,
Mero in ka ramol kaluk kam io moma tiakausito in nakaran ut to navantat.
Rehmalipa io moma tiakausito in natubalakanin nerem kamelis ilar
Mene naitan kam nerem nemrin ilar rou,
Moma tiakhalita nerem kakahmo ilar tepaivan am,
19Moma tiakausito in nu vit te Ieremera.
20An neteretisun nawowa neterolen kam iolatkokun nar an mowata. An nemri neremim petum le nimwa ahwak neteravan muan ton.
21An netererwowun meni to ilar, moma, Towe nawowa uk reknet le nepagtelegemiar.
22An ilar min netakamani esas lan, an nanumun ilar neterakamuka to nakaran te nevitan ierem remsipe le hnulin; an netakani, Resolan moma in uk neri Josef?
23An netereni to ilar, Nuparhien, tenepani tonio hnoa nakaran uk, Ik ierem nakamol ut til, ol ut atu ik; nar min iemairou mama namol Kaperneam, ol mun ietuk le taham iken.
24An netereni, Nuparhien, tiakani to kamiar moma resolan moma profeta ker kamsiai in le tahan iken.
25Mero nuparhien tiakani to kamiar, neberavin kamemis etag ilar ribor le Israel le nian ka taha Ilaija, le nian kahmarig le neai le nu kisil mene mouk katilum makarena, le nian ka noumus asul ramavan le ten min ka petum;
26An kameshalipenan Ilaija to ker le ilar mero to Sarefath le ten Saidon to beravin kamemis etag ker.
27An neremim ribor kamaremis le leprosi le Israel le nian taha Ilaisha profeta, an kamesolutan ker le ilar mero Neaman am ierem Siria.
28An ilar muka le nimwa ahwak niehma rametkasesan ilar mero in ka kamairou nar min uk;
29An netakairmig maihiliatou in ilua to nauanu, an netakarir in marua le nekilhi towar iken kamahro nauanu iken tenilar mama takailakhiau in.
30Mero in neterua le nekin ilar muan.
31An neteratite muan Kaperneam nauanu Kalili. An neterametikun ilar le nian ausim
32An nanumun ilar neterakamuka to netikunan tahan mero in ka nakaran tahan ramesanen.
33An ieremim ker le nimwa ahwak nanumun te iaremis tat ker ramarik lan an neterasak le nakarapahman,
34Wih, neta to kamar mene tonik, Iesu le Nasareth? Ik neknua tenakataken kamar? Io iakhinatin ik moma ik pehe, Ierem ausim te Wuhgin.
35An Iesu neterenhiau in meni, Asakaran mier lan. An iaremis ka neterelesiau in le nekin ilar, an neterier lan mesolan nar ker lan.
36An nowa nanumun ilar min neterika ton, an netakani to ilar min, mama, Nakaran petuan uk? Mero in ka le neremerean mene nesanenan rameni nowa to nanumun tat min, an kamarier.
37An nausitoan in neterier le nowanverin min iken min.
38A neterermig le nimwa ahwak neteruan le nimwa te Saimon. An uhu Saimon rakamis asul le nelen, an ilar netakamaikeikei kam in ton.
39An neterail pen ton menhiau nelen, an neteruata lan; an ihwe am neterermig mamol atkokun nar to ilar.
40An mit neterivuk an nerem kamaros nerem kamaremis le nemisan pusenpusen min netakariripa ilar ton. An neterehlau nelimin le ilar karena kiten min mamol ut ilar.
41An naremis min netakarier le neremim ribor, netakamaisak mamani, mama, Ik Neri Wuhgin; an neterenhiau ilar mesapasan ilar kaikar, mero in ka karhinatin mama in Kristo.
42An neterhakak an neterier muan to nar leluan; an nahuto min netakamaitkoigen in an netakarua ton, mameinhiau in mama teresapasan ilar.
43Mero netereni to ilar, moma, Io tiakakeikei mausito in nakaran ut te Niko te Wuhgin to nauanu pusen nevin mun, mero in ka kahmalipa io to nar uk.
44An neterametikun le nimwa ahwak min Kalili.
Currently Selected:
Luk 4: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
