Luk 5
5
1An nahuto kamarhiu in mamairou nakaran te Wuhgin, an in neteramail le nikali nisiu Kenesareth;
2An neterahm bot kiu kamuail le nikali nisiu, mero nerem kamaiusam kenarier le ilau mamaiuhiapel nekupun.
3An neteruan le bot mil ka ker, ierem taha Saimon, an neterhapuk ton moma teremeltata tahman to ten, an neterowata le bot mametikun nahuto min ibat.
4An reknakar ita netereni to Saimon, Ier le tehe ipai mosiau nekupun temiar to nusan.
5An Saimon neteraram meni, Ieremera, Iemailekut petum lapin mesarosan nar ker, mero le nowam io tiaposiau nekupun.
6An netakarol nar uk an netakarviafugen nahuto ribor le nam, an nekupun tenilar rahmapu agsien.
7An netakamaiunaiev neutain ilar min le bot pusen mama takarua maisitu le ilar. An netakarua marevarum le bot kiten mil iwaket am kuamunum.
8Mero Saimon Piter neterahm neteram le nouli Iesu mameni, Uan isou tonio, Ieremera, mero in ka io ieremim tat.
9Mero in ka nanumun neterika mene nerem kamairoupen in to nahuto le nam ilar kamarus.
10An Jems mene Jon, neri Sebedi mil, kamiaol mun nar karena, ilau neutai Saimon mil. An Iesu netereni to Saimon, Asaginan; in uk towe mene tenepus neremim.
11An netakaruibat bot mil, an netakaipas naremnar min mairoupen in.
12An in netaramarik le nauanu ker an ahm ru ieremim ker leprosi ramolapnin; an neterahm Iesu neteram le nemrin mamehrapuk ton meni, Ieremera, takama nakolkeikei ik nakasanen to hnapelan io.
13An neterhwatuin nelimin miap in mameni, Iakolkeikei, pas khapel ik. An ihwe am leprosi neteruata lan.
14An netereni tumutum ton moma teresenian to nar ker, Mero uan mhinhin atu ik to ierem le nuhwasigenan, mol nofenan to hnapelan ik rolkoma nar Moses rameni to nausitoan in to ilar.
15Mero nausitoan in ravenuan tahman, an nahuto min ribor netakarhwafugen mama takairou an moma tokol ut ilar le nemisan min tenilar.
16Mero in neteruan to nar leluan mamohwak.
17An le nian ka ker in neterametikun, an Farisi min mene nerem kamatikun nowa asul kamaiwata, nerem kamasipe le nauanu min Kalili mene Judia mene Jerusalem; an nesanenan te Ieremera ramarik lan to nolutan.
18An ahm ru neremini netakaros marua le nihmawa ierem rakamis le palsi, an netakamaitkoigen iken takaros marua iken meihlau le nemrin.
19An kamesaihman iken takaros marua iken mero in ka nahuto, an netakaret maruan le hnagen nimwa, an netakaruatevata lan le nihmawa le hnagen nimwa ratite ilukan le nemri Iesu.
20An neterahm nuparhienan tenilar netereni, Sas apa, tehwaga tat taham kenosita lam.
21An nerem kamatikun mene Farisi min netakarwowun mameikar, mamani, Pehe uk rameni nakartetan le Wuhgin? Pehe resanen to nositean tehwaga tat mero Wuhgin pusen am?
22Mero Iesu neterhinatin nakaran min tenilar neteraram menipen to ilar, Neta nar nekimiar rakahmo?
23Ir meruk takani, Tehwaga tat taham kenosita lam, wa takani, Armig maliwak?
24Mero to nakarhinatin mama Neri Ieremim ramos nesanenan le ten uk to nositean tehwaga tat, rameni to ierem rakamis le palsi, Tiakani tonik, armig, mosit nihmawa taham muan le taham nimwa.
25An ihwe am neterermig le nemrin ilar min, an neterosit nar ramakamel lan muan le nimwa tahan, mameni vivi Wuhgin.
26An ilar min petum nanumun ilar neterakamuka, an netakamani vivi Wuhgin; an naginan ramibor le nekin ilar, netakamani mama, Iaknaihm nar pusupus towe.
27An nar min uk neterua muan neterier mahm ierem ramos atin nar ker netigen Livai ramowata le nimwa te nosatinan nar, an netereni ton, Aroupa io.
28An neterapas naremnar min neterermig mameroupen in.
29An Livai neterol nauganan asul kam in le nimwa tahan. An nahuto ribor le nerem kamaros atin nar mene nevin mun nerem kamaiwata was le nauganan.
30An Farisi min mene nerem kamatikun tenilar netakamaitkauga kam tan ieremim min mamani, Retol nakamarugan mamaramnum was kamiar nerem kamaros atin nar mene noletat.
31An Iesu neteraram menipen to ilar, Nerem kamarmiuh kasarolkeikeian ierem ramol ut til mero nerem kamaremis.
32Iemesuean moma tiakaunin nerem tehwaga tenilar ravit mero nerem tehwaga tenilar retat to nelelegan.
33An ilar netakani ton, Neremim min taha Jon kamaimek le nian min mameihwak, an neremim taha Farisi min kamarol mun maka, mero taham min kamarugan mamaranmum.
34An Iesu netereni to ilar, To nakarol taniel ieroe min kaimek takama ieroe ramarik ilar min?
35Mero nian terepua an ieroe tapirita to ilar an tepaimek loanian ka.
36An neterakahmo mun nakaran lan kam ilar moma, Ieremim ker tereshapuitean nowanveri nar ituga vi metilpen le nar ituga oas; mero in ka to rhapu irvi, an nowanverin le ierem irvi resaukeran in iroa.
37An ieremim ker teresuipen an wain vi le nevige nar oas; mero in ka to wain vi rhapu nevige nar an repaihatou, an nevige nar kapetaken.
38Mero wain vi takakeikei kuipen le nevige nar vi.
39An resolan moma ierem ramamnum iroas rolkeikei irvi, mero in ka rameni, Ierem iroas ravit.
Currently Selected:
Luk 5: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
