Luk 6
6
1An le nian ausim ker neteramavan le neki korn, an tan ieremim min netakamahl akmakam nowa korn mamarkin mameiwai le nelimin ilar.
2An Farisi min nevin netakani, Retol nakamarol nar resmatuan le nian ausim?
3An Iesu neteraram to ilar mameni, Nemesaihwinan nar ka Devid ramol loanian ramemek, in mene nerem kamairoupen in?
4Moma ravan le nimwa te Wuhgin mos bred kamhwasig in mamkin, mamofen kam nerem kamairoupen in, mero nar resmatuan to nikinan mero nikin am nerem le nuhwasigenan.
5An netereni to ilar, Neri Ieremim reremera mun le nian ausim.
6An le nian ausim ker mun neteruan le nimwa ahwak mametikun; an ieremim ker iken nelimin matu ravava.
7An nerem kamatikun mene Farisi min nemrin ilar neteramail hmahma lan mama terol ut le nian ausim, mama takaihm nar takaitat lan.
8Mero neterhinatin nar nekin ilar rakahmo an netereni to ierem nelimin ravava, Armig, mail atou ilukan. An neterermig mamail.
9An Iesu netereni to ilar, tiakahrapuk to kamiar, rematu tokol ut nar le nian ausim wa tokol nar retat, tokos miuh nar wa takataken?
10An nakanemrin neteravanavan le ilar min petum an netereni ton, Hwatuin nelimam. An neterol maka, an nelimin kenol ut.
11An niehma rametkasesan ilar, an netakaikar kam ilar min mama tepaitol an Iesu.
12An le nian ka neterier muan le towar moma terahwak, an ramamohwak kam Wuhgin lapin rian.
13An neterhakak neteraunin tan ieremim min, an neterahmpen katilum katilum mekiu le ilar, an neterhin netigen ilar moma apostelo min,
14Saimon, ierem rehmin netigen mun moma Piter, mene Andru nohran, mene Jems mene Jon, Filip mene Bartholomiu,
15Mathiu mene Tomas, Jems neri Alfias mene Saimon ierem netigen Selotes,
16Judas neri Jems mene Judas Iskariot ierem ramaurai in.
17An neteratite ilar min mamail iken repin iken, ilar nahuto ribor le tan ieremim min mene nahuto ribor le nerem kamasipen iken min le Judia mene Jerusalem mene le nikali tehe Tair mene Saidon.
18Nerem karua to netelegan in, an moma tokol ut ilar le netetan min tenilar; an nerem kamaros netetan le nanumun tat kenol ut ilar.
19An neremim le nahuto min kamailekut to niapan mero in ka nesanenan remier lan mamol ut ilar min.
20An netereitet mahm tan ieremim min, mameni, Kamiar nerem keikei, kamiar navantat min, mero in ka Niko te Wuhgin temiar.
21Kamiar nerem keikei, kamiar nerem nakamaimek towe mene, mero in ka teneparhepus Kamiar nerem keikei, kamiar nerem nakamaisak towe mene, mero in ka tenepalhiel.
22Kamiar nerem keikei, takama neremim tepaimakin kamiar an takama tepahiliatou kamiar an tepameitat kamiar an tepahiliatou netigemiar mama retat mero in ka to Neri Ieremim.
23Aigien loanian ka mamailip, mero in ka ahm ru nemrin temiar ribor le neai; mero in ka ripun ilar min kamarol nar karena le profeta min.
24Mero awe to kamiar nerem le nauta asul min, mero in ka neknaros nakarvian temiar.
25Awe to kamiar nerem nakamarhepus towe mene, mero in ka tenepaimek. Awe to kamiar nerem nakamalhiel towe mene, mero in ka tenepaisak mamareau.
26Awe to kamiar takama neremim petum takamani vivi kamiar, mero in ka ripun ilar min kamemarol nar karena to profeta aiwa min.
27Mero io tiakani to kamiar, nerem nakamairou, Arolkeikei tikimer min temiar, arol nar ut to nerem kaimaikin kamiar.
28Aikar vi kam nerem takaitat kamiar, aihwak kam nerem kamarol tehwaga tat le kamiar.
29Takama ieremim ker terep nikapum hwin mun neutain, an takama ierem rosita napen ilua taham tenesenhiauan mun ierem imwa.
30Ofen kam ierem tererhapkinpena tonik, an takama ieremim ker terosita nauta taham, teneserhapkinan mun.
31An nar nakarolkeikei moma neremim takarol to kamiar, tenakarol mun nar karena to ilar.
32An takama nakarolkeikei nerem karolkeikei kamiar, nevitan neta to kamiar? Mero in ka noletat mun karolkeikei nerem karolkeikei ilar.
33Mero in ka takama tenakarol vi nerem kamarol vi kamiar, nevitan neta to kamiar? Mero in ka noletat mun kamarol nar karena.
34An takama tenakarofen apnapin nar kam nerem nekimiar rakahmo moma teneparos mun tain to ilar, nevitan neta to kamiar? Mero in ka noletat mun kamarofen apnapin nar kam noletat mama takaros mun tain.
35Mero arolkeikei tikimer min temiar marol tehwaga ut mamarofen apnapin am nar nekimiar reshoan tain; an nemrin temiar terepibor, an tapol kamiar nereri Ierem Iles aken, mero in ka in rasak in nerem kasaniapkisan in mene neremim tat.
36Pas nekimiar rasak in til rolkoma Remimiar mun ramasak in til.
37An tenesarhwapraian til, an tepeshwapraian kamiar. An nekimiar tereshoan nar retat, an neki til repeshoan nar retat le kamiar. Aitubalakin an kapatubalak le kamiar.
38Arofen, an tapofena kam kamiar; nahmankerutan, kenerkatin, kenalkinalkin an riknevaia teparuaipen le karam temiar. Mero in ka le nahmaukeran ierem kamiar nakamaiuker lan tepahmauker mun tain to kamiar.
39An neterakahmo mun nakaran lan kam ilar, To iemnou rir iemnou? Resolan moma ilau min tepuam pen le nimil?
40Ieremim kametikun ena resetietan le ietikun tahan, mero ierem kenetikun petum terepol kama ietikun tahan.
41An retol nakamahm nemusmusin le nemri piam mero nesahman nowanveri nik le taham nemram?
42Tenakatua meni to piam, Piak, pas iakosita nemusmusin le nemram, mero ik nesahman nowanveri nik le taham nemram? Ik iausit, osita paupan nowanveri nik le taham nemram, an tenepahm ut moma tenakosita nemusmusin le nemri piam.
43Mero in ka resolan moma nik ut ker ramarik ierem ramowa in nowa nik tat, an resolan mun moma nik tat ker ramarik ierem ramowa in nowa nik ut.
44Mero in ka nik pusen pusen min kamhinatin le nowan ilar min. Mero in ka neremim kasahlan nowa nihm le nul kasik, an kasahlan nowa vain le nar rol nihlin.
45Ieremim ut le nauta vit le nekin ramosiatou nar ut, an ieremim tat le nauta tat le nekin ramosiatou nar retat. Mero in ka nar rakamet le nekitil hnulitil rameni.
46Retol nakamaiunin io mama, Ieremera, Ieremera, an mesarolan nar io iakameni?
47Ierem terua tonio mamerou nakaran tahak mamol, io tiapetikun kamiar lan moma in rolkoma pehe.
48In rolkoma ierem ramol nimwa ierem remil muan ipai mamep nelimi nimwa le kapiel; an iapiwan neterua, an nu neterakamep nimwa ka, an resesanenan to nekiukiuan in mero in ka in kametikhiu ut in.
49Mero ierem tererou mesolan in rolkoma ierem ramol nimwa le nemapten nelikin rika, an nu neteramep, an ihwe am ramam, an nikalaluan te nimwa ka ramibor.
Currently Selected:
Luk 6: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
