IVA A’A ANU IAKI 12
12
1Ei pani ai Heroda amua ekalesia a’a varomo epirinave u mani‐ekava’ane‐iai.
2Iakobo, Ioane enu ovaki u a’anave, una uku u ei’inave.
3Uku u inamu‐oinave ei opara Isaraela a’a kopai‐ekanave, Petero awku piriai u evere’enave. Ei pani veila ika eria pei pani ai.
4U Petero piriaka’ane, kipura marea laru ai u ai’inave, aiai a’a 4, kaupu kaupu 4, Petero oiviriai u ekinave; una lai Pasova purai pani neko ai Petero a’a aruru unu paku ai u arekavakana.
5Petero kipura marea laru ai oiviriakei’inave: ekalesia a’a Eloi nawki‐awkanave panipani ai u eiai.
6Heroda kipura marea mere Petero arekavai awkamakei’inave ane, kurua kipere ai Petero aiai rere mokono ai awawkeimakei’inave, arekapu rere u piriakei’inave ane, aiai oiviriai kikau iki ai oimakei’inave ane.
7Akoi’i, Amua anu aivara avaea u ai anenave, pamea anu parea kipura marea laru ai akuruli’inave: u Petero akane ai nekenave, la‐okanave ane, erau voa kurunave ane, Roko‐roko la’ane. Arekapu una eve mere ara’anave.
8Aivara avaea erau voa kurunave, A’a kape luki?-?nimi’ine, rawre‐are awku ni pirine. A’a kape va’au avi?-?nikine, e’e’ikane ane, U li’inave.
9U elenave, aivara avaea e’e’okanave ane; u lai iakari kei’inave ei awku eiai aivara avaea limakei’inave; u laikoranave aiaro onu avaea awku u inamu‐oinave.
10Orere piria eiei rere e’epeaka’ane orere auri kikau ai anenave pai’iri kapea ai; ei kikau verukua au’unave: orere elenave, pai’iri kapea monou orere kiripai enanave; ei mako ai aivara avaea Petero ave’enave.
11Petero lai pamea miaka’ane, u erau voa kurunave, Eai nai ipali’ina kapoi, Amua Una aivara avaea okaiviriane euna, Heroda anu eve mere U i’ikava’ane euna, Isaraela a’a anu lai mere ane.
12Ei awku u ipiaka’ane, Maria Ioane enu mei inu marea ai u anenave, ei Ioane nawi Mareko oroiakei’inave; ei marea laru ai a’a aila kaupukiakei’inave, nawki‐awkamakei’inave ane.
13Petero marea kikau vakimakei’inave ane, paka nawi Roda uku viriai kikau laru ai anenave.
14U Petero onu voa ipalimakei’inave, uku kopai ovara u kikau a‐au’unavea, lalava u area‐ikirinave, a’a ekinave Petero kikau iki ai oimakei’inave.
15Oro erau voa kurunave, Ni avuavu keina. U iviri kurunave una voa miki kei’inave. Oro erau voa kurunave. Aivara avaea naea.
16Petero kikau vakioko vakioko: oro kikau auaka’?-?ane, inamu‐oiaka’ane, oro varuavakei’inave.
17Oro eiekavai una eve u oiokanave, u ipekinave orau Amua arekavaka kipura marea mere. U erau voa kuruenave, Ei awku Iakobo, aroa a’a ane, ipekiai noro enara. U ave’enave, mako e enanave ane.
18Merea pani ai kukupuna ovara kei’inave aiai awkono avao ai uku Petero onu keia mako eiai.
19Heroda voroaka’ane, auiakape ane, aiai oiviria a’a u voa veve’einave, e‐avai u awkinave ane. Iudea mere Kaisaria ai u ve’enave, i?-?pokoinave ane.
20Uku Tura eiei a’a, Sidona eiei a’a ane, Heroda ia’ia kei’inave: Balaso Heroda anu paioka a’a oro lai kekepa‐awkanave u paie?-?kave’ane‐iai Heroda anu paku ai, uku airu miai iva a’a Heroda ai oro ekaivirinave; uku omo eiei pei mi’inave amua anu eiei mere.
21Kurua lare evere’eakeiaka Heroda amua anu a’a kape luki‐awmiakei’inave, amua pakara ai pa’anave, omoro kurunave ane a’a anu paku ai.
22A’a aruru voa araro nana laeali’inave, erau voa kurumakei’inave, Ei voa eloi voa aku, a’a anu voa peaku.
23Amua anu aivara avaea emoki maia‐awkanave, uku u Eloi a‐avioinavea: i ano u na’avakei’inave, u imunave ane.
24Eloi inu Iva voa la’anave, pirimaroakoa a’a aila evere’eiakei’inave ane.
25Banaba, Saulo ane, orere enu iaki orere oailiaka’ane, Ierusalema mere orere vairunave, orere kiripai orere Ioane arekanave, u ane u nawi Mareko oroiakei’inave.
Currently Selected:
IVA A’A ANU IAKI 12: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
