IVA A’A ANU IAKI 11
11
1Iva a’a, aroa a’a ane, Iudea eiei ai rokoamakei’inave uru virinave lai unuku a’a awku Eloi inu Iva voa pirimaroakoaka.
2Petero Ierusalema ai vairuaka’ane, momoa‐eia a’a voa kamukamu kurunave u eiai,
3Oro erau voa kurunave, Lai unuku a’a anu marea ni ikirinave, oro kiripai pei na’anave ane.
4Ei uru unu voa uku awku uriria pinai pani mere Petero ipekinave.
5U erau voa kurunave, Nai Iopa pai’iri ai i‐pokoimakei’inave, nai nawki‐awkamakei’inave ane, nai awia naonao kei’inave ane avaea awku nai inamu‐oinave, Pei ainau, parai peava orau, pani muku mere kinunave, na paku ai kei’inave ane:
6Nai kurua parai inamu‐ekiaka’ane parai laru ai pani va’au unu urupei nai inamu‐ei’inave, iara lekuleku vaki, vivia vaki ane, naku ane pani muku mere.
7Voa awku nai virinave erau voa kuruimakei’inave, La’ane, Petero e, e‐a’ane, nane ane.
8Nai erau voa kurunave, Ai, Amua e: uku pei rurupu, upu ane, nai navape.
9Voa kaia mere moawku erau voa kuruinave, Kurua pei Eloi urupu‐eane euna, pei upu ni pa oroiai.
10Pani rere kaiane ei opara liakei’inave: neko mere ai peipei uriria kaia ai ekeakei’inave.
11Akoi’i, a’a rere kaiane na pokoia marea ai paiaka, Kaisaria mere nai ai oro ekaiviriakei’inave.
12Oro kiripai enavai Avaea ikinave. Ei aroa a’a 6 ane nai kiripai enanave, amua a’a anu marea enei ikirinave ane.
13U ipakinave aivara avaea una marea laru ai u inamu‐oiaka, u una paku ai oiaka, erau voa kuruaka ane, A’a Iopa ai ekaivirira, Simona, nawi e Petero, eu ai aneai awkira;
14Uku voa u ipanikiakana, i kurua voa ni, ni marea a’a uriria ane, iekavakeiakana.
15Ei voa awku Petero erau voa kurunave, Nai omoro kuruai awkamakei’inave Avaea Iaa oro upa mere pa’anave, orau U ene upa mere pa’anave pinai pani ai.
16Amua anu voa U erau voa kurunave nai laikora?-?ikinave, Ioane ere bapatiso li’inave kapoi; a noro Avaea Iaa bapatiso‐ekavakeia?-?kana.
17Eloi kurua la’aruku ekuane euane U akunave, Amua Iesu Keriso enei pinai pirimaroakoaka’ane, nai koana Eloi inu lai eiai?
18Oro ei voa viriaka’ane oro voa eria kei’inave, Eloi avioinave ane, erau voa kurumakei’inave, Lai unuku a’a awku Eloi rokoa anu lai urukia ekuane euna.
19Ekalesia a’a lai‐ekavakei’inave Seteve enu mani‐mia pani ai oro aki‐enanave Penekia ai, Kupero ai ane, Anitioka ai ane, Iva voa omoro kurumakei’inave uku Isaraela a’a e eiai.
20Omo a’a varomo Kupero mere, Kurene mere ane, oro Anitioka ai aneaka’ane Heleni a’a oro ipekinave uku Amua Iesu eiai.
21Amua anu iva oro kiripai kei’inave: a’a aila pirimaroakoanave, Amua ai urukinave ane.
22Ei awku unu uru ekalesia a’a virinave Ierusalema ai: Anitioka ai oro Banaba okaivirinave.
23U i‐paiaka’ane u kopaili’inave la’aruku inamu‐oiai Eloi ekuaka, oro uriria u nanuku‐ekanave umu iviri miai, oro Amua anu a’a miki keia’ane‐iai.
24Uku u ima a’a kei’inave, Avaea Iaa, pirimaroakoa ane, u evopoakei’inave: Amua anu pirimaroakoa a’a aila evere’eiakei’inave.
25Saulo voroai Banaba Tareso ai enanave:
26U auiaka’ane Anitioka ai u arekanave. Aumeia monou orere i‐pokoinave, ekalesia a’a kiripai kaupukinave ane, a’a aruru aila ipekinave ane. Anitioka ai pirimaroakoa a’a nawi ekalesia pinai oroiakei’inave.
27Ei pani ai laikorava a’a Ierusalema mere Anitioka ai anenave.
28Ei laikorava a’a anu a’a monou, nawi Akapu, oinave, i Avaea anu ipawkia voa u laikorava voa omoro kurunave uku pei oea ovara aneliviai anelia pani va’au iki ai: una voa evere’eakei’inave amua Kalaudiu Kaisara anu pani ai.
29Pirimaroakoa a’a lai monou mi’inave uku omo a’a kavakava una aru‐mia orau u paioka okaiviriai aroa a’a eiai Iudea eiei ai:
30Orau oro li’inave, omo paioka i Banaba, Saulo ane, mai‐oro ai oro okaivirinave.
Currently Selected:
IVA A’A ANU IAKI 11: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
