IVA A’A ANU IAKI 10
10
1Italia aiai kaupu unu marevaki, nawi Konelio oroiakei’inave, Kaisaria ai pokoinave.
2U iaa a’a kei’inave, u, una marea a’a uriria ane, Eloi avioinave, la’aruku u veruku ekunave, Eloi awku u nawki‐awkanave panipani ai.
3Lare monou unu pukurua pani ai u awia naonao kei’inave, Eloi inu aivara avaea u ai anemakina, erau voa kurumakina, Konelio e.
4U aivara avaea inamu‐ekiawkavaka’ane u kore kei’inave, erau voa veve’enave ane, Oiana Amua e? U erau voa kurunave, Ni nawki, ni la’aruku ane, Eloi inu paku ai inava’ane euna, kikiriakeia’ane euna ane.
5Iopa ai okaivirira, a’a nawi Simona eu ai arekane, u nawi e Petero oroiakeina.
6Simona leka karikia a’a anu marea ai u pokoina miri ai:
7Aivara avaea ei voa kuruaka’ane, u enavaka’ane, Konelio una aivara a’a rere laea‐elau’unave, iaa aiai a’a ane u oivirioko;
8U ei awku uriria ekiaka’ane, Iopa ai u ekaivirinave.
9Namai lare oro aki‐enamakei’inave, pai’iri arekamu ai anemakei’inave ane, nawki‐awkavai Petero marea i’i ai inanave lare iki pani ai;
10U pei navai‐navaili’inave, pei navai u umu?-?li’inave: oro pei evemakei’?-?inave ane, u awia naonao kei’inave.
11Kaia auakeiaka una paku ai, pei ainau parai peava orau u ai lilimakei’inave, ka’e ai u inamu‐oinave:
12Parai laru ai pani va’au unu urupei e e kei’inave, iara lekuleku vaki, vivima?-?keia vaki ane, pani muku unu naku ane.
13Voa awku u ai anenave, erau voa awkinave, Petero e, la’ane, a’ane, nane ane.
14Petero erau voa kurunave, Ai, Amua e, uku rurupu, upu, pei nai navape.
15Voa, pani rere eire, erau voa kurunave, Petero e, pei Eloi urupu‐eane euna, rurupu pei ni pa oroiai.
16Ei voa pani rere kaiane kuruakei’inave; pei parai ainau pani muku ai moawku ekeakei’inave.
17Petero lai kukupuna ovara kei’inave ane ei avaea awku unu miki eiai, a’a Konelio mere ekaiviriakeiaka Simona anu marea ai paiaka, kikau paku ai oimakei’inave ane,
18Oro laeali’inave, voa veve’enave ane, Simona marea laru ai pokoiane, u ane u nawi Petero oroiakei’inave.
19Petero laikoramakei’inave ane uku avaea awku eiai, Avaea erau voa kurunave, Akoi’i, a’a rere kaiane nivoromakina.
20La’ane, arau ai liline ane, oro kiripai ni enara, kore pa miai: uku nai ekaiviriane euna.
21Petero lilinave a’a ai oro Konelio mere ekaiviriakei’inave; erau voa kuruenave, Akoi’i, noro ivorona; uku oiana noro ei‐anena?
22Oro erau voa kurunave, Konelio, aiai marevaki, iaa a’a, Eloi inu avioia a’a, uru ima mia a’a Isaraela kaki a’a awkono avao ai, i iaa aivara avaea Eloi mere u awkiakei’inave ei marea okaiviriai ni una marea anea’ane‐iai, u ni ane epo mere voa viriane‐iai.
23Marea ikiriai u ekinave. Namai lare Petero oro kiripai enanave, Iopa pirimaroakoa a’a varomo u kiripai enanave ane.
24Neko lare ai oro Kaisaria eiei ikirinave. Konelio aieiaka‐pokoinave, una ovaki airavaki, una a’a e ane, kaupukiai u ekinave.
25Petero anemakei’inave Konelio au‐awkunave, una paku ai are epo ai’inave, avioinave ane.
26Petero uakinave, erau voa awkinave ane, La’ane, nai awku a’a keina.
27Orere voa kurumakei’inave marea ikirinave, a’a aila kaupukiaka u auienave ane.
28U erau voa kuruenave, Noro ipali’inake Isaraela a’a eiakeina lai unuku a’a kiripai kaupukiai naea, una marea ai pokoiai naea; a Eloi ipaikiane euna a’a e rurupu, upu ane, pa oroiai.
29Ou uku eiai voa eria nai emoki anenave nai ikaiviriakei’inave ane; ou uku eiai nai vevenaina uku oiana noro okaivirinave nai eu ai aneai?
30Konelio erau voa kurunave, Lare rere kaiane eni pani ai nai nawki‐awkamakei’inave na marea laru ai, Akoi’i, a’a a’a kape akuru luki‐awmiakei’inave na paku ai emoki oinave,
31U erau voa kurunave, Konelio e, ni nawki viriakeia’ane euna, ni la’aruku kikiriakei a’ane euna Eloi inu paku ai.
32Iopa ai okaivirira, Simona, u nawi Petero oroiakeina, eu ai aneai ni awkira; Simona leka karikia a’a anu marea ai u pokoina miri ai: u anea’ane u ipanikiakana.
33Ou uku eiai nai emoki okaivirinave, nai kopai‐nikana ni anea’ane euna. Ou uku eiai enei uriria eu ai kaupukina Eloi inu paku ai, uku voa uriria viriai Eloi nikina.
34Petero erau voa kurunave, Nai inamu‐oina kapoi Eloi lai e e miape a’a e e eiai:
35Kaki kavakava anu a’a Eloi avioina, opara anana li’ina ane, kurua a’a Eloi mere paioka mi’ina.
36Iva voa Eloi okaivirinave Isaraela a’a eiai, i Iesu Keriso airu omoro kurumakina (U a’a uriria anu Amua keina):
37Kurua Iva voa noro ipali’inake, kurua voa Iudea eiei iki upurukiakei’inave, pinai Galilaia eiei mere Ioane enu bapatiso omoro pani neko mere ai;
38Kurua voa ipawkina Eloi Iesu, Nasareta a’a, Avaea Iaa, iva ane, iaa?-?awkanave, U mako‐mako ai enanave, umu iaki limakei’inave, avaea lipi‐mia a’a U aukariekamakei’inave, uku Eloi Iesu kiripai uarokoanave.
39Enei ione a’a keina uku awku uriria U li’inave Isaraela a’a anu pani va’au ai, Ierusalema ai ane. Iri keoa upa mere oro a’anave ane.
40Lare rere kaiane periakei’inave ane Eloi kurua Iesu la‐okanave imua mere, a’a anu paku ai U ereai Eloi evere’enave ane;
41A’a aruru uriria anu paku ai peo, a ione a’a anu paku ai, a’a i Eloi ie’eia?-?keiaka, enei paku ai, enei U kiripai pei navaka U imua mere la’avaka’ane.
42Omoro kuruai a’a aruru paku ai U akinave, ioneliai ane i Eloi U evere’eakeia’ane euna Voa Vevea Amua rokoa a’a eiai, imua a’a ane eiai.
43U eiai laikorava a’a uriria ioneli’ina, ipawkina ane, i Una nawi mere a’a kavakava pirimaroakona una namea paue‐emiakeina.
44Petero ei voa kurumakei’inave, voa viria a’a uriria Avaea Iaa avikinave.
45Isaraela pirimaroakoa a’a Petero kiripai aneaka oro varuavakei’inave, uku Avaea Iaa la’aruku awkuakei’inave lai unuku a’a eiai.
46Uku voa e e kurunave oro virinave, Eloi kepoinave ane.
47Petero erau voa veve’einave, Koama‐kuru’i ei a’a ere bapatiso pa ekavai, uku oro, enei orau, Avaea Iaa mi’ina?
48Oro Amua anu nawi ere bapatiso‐ekavai u ekinave. Oro kiripai lare varomo pokoiai oro nawki‐awkanave.
Currently Selected:
IVA A’A ANU IAKI 10: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
