IVA A’A ANU IAKI 9
9
1Saulo iara voa kurumakei’inave Amua anu pirimaroakoa a’a eiai omoro amua a’a anu paku ai u enanave.
2U mere revareva nawki‐awkanave ane Damaseko omoro marea a’a eiai, u pirimaroakoa a’a i‐auiane, vakiro naea, a’ero naea, u epiriane‐iai, Ierusalema ai are’ekava’ane‐iai ane.
3U aki‐enamakei’inave, Damaseko arekamu ai u pai’inave: pani muku mere pamea anu parea evao’evao emoki avikinave:
4Ka’e ai u ara’anave, voa u virinave erau voa kurumakei’inave, Saulo e, Saulo e, uku oiana ni mani?-?ikana?
5U erau voa veve’enave, Ni koana Amua e? Amua erau voa kurunave, Nai Iesu, U ane ni mani‐awkana.
6La’ane, pai’iri ikirine ane, i‐nikiakeiakana iaki ni liai‐limakina.
7A’a u kiripai aki‐enamakei’inave uku varuava oro voa momoa oimakei’inave, oro voa virimakei’inave, a’a oro inamu‐a‐oinavea.
8Saulo la’anave, una inamu u lakavaka’ane a’a u inamu‐a‐oinavea: una eve oro ora’anave, Damaseko ai arekanave ane.
9Lare rere kaiane u inamu‐apua kei’inave, pei, ere ane, u a‐na’anavea.
10Damaseko ai pirimaroakoa a’a monou uarokoanave, nawi Anania oroiakei’inave; i avaea awku Amua erau voa kurunave, Anania e, u erau voa kurunave, Nai eu aku Amua e.
11Amua erau voa kurunave, La’ane, pai’iri inu kapea, nawi Anana, ni enara, Iuda anu marea ai voa veve’era a’a nawi Saulo eiai, u Tareso a’a, u nawki‐awkana ane.
12I avaea awku u inamu‐oiane euna a’a nawi Anania u ai anena, una eve una uku upa mere aina, uku una inamu emai u miane‐iai.
13Anania erau voa kurunave, Amua e, a’a aila mere nai voa viriane euna uku ei a’a eiai, uku Ni iaa a’a u mani‐ekava’ane euna Ierusalema ai:
14Eu ai u iva mi’ina omoro amua a’a mere Ni nawi nawki a’a uriria epiriai.
15Amua erau voa awkinave, Ni enara: uku u ie’ea a’a keina Nai eiai uku Na nawi vakaruai lai unuku a’a ai, amua a’a anu paku ai, Isaraela kiri a’a anu paku ai ane:
16Kukunu awku ovara u miai‐limakina Na nawi eiai Nai ipawkiakana.
17Anania enanave, kurua marea ikirinave ane; una eve rere Saulo uku upa mere aimakei’inave, u erau voa kurunave, Saulo, ovaki e, Amua Iesu, U ane ni paku ai erenave ni aki kapea ai, U ikaiviriane euna uku ni inamu emai miane‐iai, Avaea Iaa ni evopoakeia’ane‐iai ane.
18Una inamu mere awku ukiri orau emoki ara’anave: una inamu emai u emoki mi’inave, u la’anave, ere bapatiso‐awkavakei’inave ane.
19Neko mere ai u pei na’anave, kape venea mi’inave ane. Pani mau’u pirimaroakoa a’a kiripai Damaseko ai u pokoinave.
20Omoro marea laru ai u emoki omoro kurunave uku Iesu eiai, U Eloi inu Mere rokona.
21A’a uriria una omoro voa virinave oro varuavakei’inave, erau voa veve’eimakei’inave, Ei vaki kurua a’a peana Iesu unu nawi nawki a’a Ierusalema ai e?-?avai u ipia‐mi’inave, epiriai ane u eu ai anenave u are’?-?ekava’ane‐iai omoro amua a’a anu paku ai?
22Saulo onu iviri la’anave, una ipawkia voa awku Iesu eiai U Keriso keina, Isaraela a’a Damaseko ai lai iakari‐ekanave.
23Lare aila periakei’inave, uku Saulo avai Isaraela a’a voa ipinave.
24Uku omo lai u eiai Saulo awkiakei’inave. Pai’iri inu kikau lare pani ai, kipere pani ai, oro eivirinave Saulo ava’ane‐iai.
25Kipere pani ai pirimaroakoa a’a arekanave, kekai laru ai pai’iri vara upa mere oro ururunave vara iki ai.
26Saulo Ierusalema ai vairuaka’ane, pirimaroakoa a’a kiripai kaupukiai u ipia‐mi’inave, oro uriria kore kei’inave u eiai, oro a‐laikoranavea u pirimaroakoa a’a kei’inave.
27A paiokavai Banaba u ai anenave, iva a’a anu paku ai arekanave ane, ipekinave ane Amua u inamu‐oiaka una aki kapea ai, Amua voa kuruaka ane, Damaseko ai u iviri omoro kuruaka Iesu unu nawi eiai.
28Ou pani mere Saulo omo kaupu a’a kei’inave, pai’iri elemakei’inave, ikirimakei’inave ane.
29Amua Iesu unu nawi u iviri omoro kurunave, Heleni a’a anu ipawkia voa u voa e kevakeva kurunave: u‐avai oro ipia‐mi’inave.
30Aroa a’a uru viriaka’ane ei awku eiai oro arekanave Kaisaria ai, Tareso ai okaivirinave ane.
31Iudea eiei ai, Galilaia eiei ai, Samaria eiei ai ane, ekalesia uriria airu miaka, avaea awku eiai oro la‐eka?-?vakei’inave ane; Amua anu avioia rokoamakei’inave, Avaea Iaa anu paioka ane, oro aila‐eiakei’inave.
32Petero aki‐enamakei’inave mako‐mako ai, Eloi inu a’a ai, Luda ai, u kinunave.
33A’a nawi Enea u i‐auinave, ei a’a una kile upa mere aumeia 8 varuvaru maia keiaka.
34Petero erau voa kurunave, Enea e, Iesu Keriso aukarinikana: la’ane, ni kile vovokane. U emoki la’anave.
35Luda anu a’a uriria, Sarona a’a ane, inamu‐oinave, Amua ai oro urukinave ane.
36Iopa pai’iri ai pirimaroakoa a’e monou uarokoanave, nawi Tabita oroiakei’inave, kurua nawi inu miki Dorikasi: ei a’e enu rokoa iki awkuakei’inave a’a e paie?-?kavai.
37Ei pani ai u maia kei’inave, imunave ane: una kape oro ere kikiriaka’ane, marea anu lalava upa mere oro ai’inave.
38Uku Luda pai’iri Iopa pai’iri arekamu ai kei’inave, pirimaroakoa a’a viriaka Petero ipokoinave, a’a rere u ai oro ekaivirinave, awkiai oro ai aneai.
39Petero la’anave, oro kiripai enanave ane. U paiaka’ane oro arekanave marea anu lalava upa mere laru ai: a’e kepea uriria u arekamu ai oimakei’inave, vikirimakei’inave ane, a’a kape ipekimakei’inave Dorikasi karikiaka.
40Oro uriria eleai Petero ekinave, u are epo ai’inave, nawki awkanave ane; kape ai urukinave, erau voa kurunave, Tabita, la’ane. Una inamu u laka’anave: u Petero inamu‐oiaka’ane u pa’anave.
41Una eve a’e u awkunave, la’avai paiokanave ane, u iaa a’a, a’e kepea ane, laea‐elauaka’ane, a’e rokoa u ekunave.
42Ei awku Iopa pai’iri iki ipaliakei’inave; a’a aila Amua pirimaroakoanave ane.
43Simona leka karikia a’a kiripai Iopa pai’iri ai Petero lare aila i‐pokoinave.
Currently Selected:
IVA A’A ANU IAKI 9: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
