IVA A’A ANU IAKI 14
14
1Ikonimia ai Isaraela a’a anu omoro marea orere ikirinave, omoro kurunave ane, uku omo omoro voa Isaraela a’a, Heleni a’a ane, a’a aruru ovara, pirimaroakoanave.
2Inaka‐lia Isaraela a’a lai unuku a’a iara‐ekanave, omo lai ia’ia‐ekanave aroa a’a orere eiai.
3Pani va’au orere i‐pokoinave, iviri omoro kurumakei’inave, Amua pirimaroa?-?koamakei’inave ane, U ionelimakei’inave Una Iva voa anu la’aruku eiai, iva veia, momo’ore awku ane, orere liai U evere’eimakei’inave.
4Pai’iri inu a’a aruru koravakei’inave: kaupu monou Isaraela a’a anu voa paiokanave, kaupu mo iva a’a anu mekai pokoinave.
5Lai unuku a’a, Isaraela a’a ane, pai’iri inu amua kiripai lala’avaka’ane mani‐ekavai, rawre‐epakiai ane,
6Orere ei mani awku ipali’inave, Lisetera ai, Derebe ai ane, orere area‐enanave Lukaonia eiei ai?-?eiei arekamu ai ane:
7Iou ai Iva voa orere omoro kurunave.
8Lisetera ai are minaia a’a uarokoanave, una kinia pani mere u are minaia keiaka, are rokoakape:
9Ei a’a Paulo onu omoro voa viriaka’ane, Paulo inamu‐ekiawkamakei’inave, ipalimakei’inave ane, ei a’a pirimaroakoa miaka u aukarikavakeiakana,
10Paulo voa araro erau voa awkinave, Kape anana la’ane. U area‐la’anave.
11A’a aruru inamu‐oiaka’ane ei iva veia Paulo liaka, Lukaonia voa oro voa araro erau voa kurunave, eloi a’a anu avaea orau enei ai kinuna.
12Banaba nawi Iupita oro oroinave; Paulo nawi Merekurio oro oroinave, uku u omoro vaki miki kei’inave.
13Iupita anu omoro marea pai’iri inu kikau ai, Iupita omoro a’a bove, apakoro ane, kikau ai mi‐anenave, a’a aruru kiripai u iva a’a epie pei avieiai umuli’inave.
14Banaba, Paulo, ane, voa viriaka’ane ei opara eiai, omo a’a kape orere kokoranave, a’a aruru awkono avao ai orere area‐enanave, erau voa laealimakei’inave,
15Amua a’a e, uku oiana noro ei opara limakina? enere awku a’a keina orau noro awku a’a keina; Iva voa enere mi‐anena noro ai uku noro ei avuavu opara mere urukiane‐iai Eloi rokoa i, U ane, pani va’au, pani muku ane, ere aura ane, urupei, inapei ane, U ei’inave;
16Eni pani ai kaki a’a uriria U ave’einave omo lai liai orau oro umuli’inave.
17Una umu veruku unu ione ipawkiakei’ane euna, U ima li’inave, kaia mere lai U nakunave, iri uru meria pani ane, nomo umu pei, kopai ane, ekunave.
18Ei voa a’a aruru virinave, a omo lai laru ai avieiai oro umuli’inave.
19Isaraela a’a Anetioka mere, Ikonimia mere ane, i‐anenave, a’a aruru oro iara‐ekanave iva a’a orere eiai; oro Paulo rawre awpakiaka’?-?ane, pai’iri iki ai lakiaka’ane, oro laikoramakei’inave u imuaka.
20Pirimaroakoa a’a avi?-?kiaka’ane u la’anave, pai’iri ikirinave: Banaba kiripai namai lare u Derebe ai enanave.
21Kurua pai’iri ai orere Iva voa omoro kuruaka’ane, a’a aila ipekiaka’ane, Lisetera ai, Ikonimia ai ane, Anetioka ai ane, orere vairunave.
22Makomako ai pirimaroakoa a’a orere iviri‐ekanave, nanuku‐ekanave ane pirimaroakoa a’akiai, erau voa ipekinave ane, I lai kukupuna ovara Eloi inu eiei enei ikiriai limakina.
23Ekalesia a’a kaupu kavakava mere orere a’a ie’einave mai‐oro evere’eiane‐iai, orere nawki‐awkavaka’ane, pei lariliaka’ane, mai‐oro orere Amua awkunave, U ane oro pirimaroakoanave.
24Orere Pikikia anu eiei vimu ai awawpeaka’ane, Pamapilia ai orere anenave.
25Orere Iva voa Perekia ai omoro kuruaka’ane, Atalia ai orere ve’enave.
26Anetioka ai orere mapea area‐enanave, iou ai orere ekuakeiaka Eloi inu la’aruku miai orere iaki liane‐iai orere liaka.
27Orere paiaka’ane, ekalesia a’a kaupukiaka’ane, awku uriria Eloi orere kiripai liaka orere upurukinave, voa awku uku pirimaroakoa anu kikau Eloi auaka lai unuku a’a eiai.
28Pirimaroakoa a’a kiripai pani va’au orere i‐pokoinave.
Currently Selected:
IVA A’A ANU IAKI 14: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
