IVA A’A ANU IAKI 15
15
1A’a varomo Iudea eiei mere kinuaka aroa a’a erau voa ipekiaka, Noro momoa?-?eiakeiape liane, Mose enu opara orau, noro inakavakeiapea.
2Ei a’a kaupu, Paulo, Banaba ane, voa e kevakeva ovara kurunave, anea’anea oro kuruei voa kuruane uku Paulo, Banaba ane, aroa a’a varomo ane, Ierusalema ai inavai limakina, iva a’a kiripai, mai‐oro ane, voa ipiane?-?iai ei voa e kevakeva eiai.
3Oro ave’enave, aki kapea mau’u paiekavai ekalesia a’a varomo oro kiripai enanave; Penekia eiei, Samaria eiei ane, oro awawpemakei’inave, lai unuku a’a anu lai urukia uru oro upurukinave: kopai ovara oro eanave pirimaroakoa a’a uriria awkono avao ai.
4Oro Ierusalema ai paiaka’ane, i ekalesia, Iva a’a ane, mai‐oro ane, oro umu?-?aiakei’inave, awku uriria Eloi oro kiripai liaka oro upurukinave.
5A’a varomo oro Parisea a’a keiaka, a eai oro pirimaroakoa a’a kei’inave, oro lala’anave kaupukia a’a anu paku ai, erau voa kurunave ane, Lai unuku a’a momoa‐eiakeiai limakina, Mose enu vupu oro kamaialiai limakina.
6Iva a’a, mai‐oro ane, ei voa ipiai kaupukinave.
7Oro voa e kevakeva kuruaka’ane, Petero la’anave, erau voa kuruenave ane, Ovaki airavaki e, Noro ipali’inake eni pani ai ene a’a kaupu mere Eloi ie’i’inave uku lai unuku a’a Iva voa viriane‐iai na ane epo mere, oro pirimaroakoane‐iai ane.
8Eloi ane, U umu uriria ipa‐elauna, Una ione oro eiai U liaka U Avaea Iaa ekuaka’?-?ane, orau U akuaka;
9Uku enei, oro ane, opara e U liakape, i pirimaroakoa omo umu U urupu‐eiaka.
10Uku oiana noro Eloi aili’ina pirimaroakoa a’a anu ke ai vupu eokavai, vupu ene mai‐oro, enei ane, vakaruai a‐li’inavea?
11Enei pirimaroakona i Amua Iesu Keriso onu la’aruku mere enei, oro awku, i’ekavakeiakana.
12Kaupukia a’a uriria eiekavakei’inave Banaba, Paulo ane, viriai, uku iva veia, momo’ore awku ane, Eloi orere kiripai liaka lai unuku a’a awkono avao ai.
13Orere voa oailiaka’ane, Iakobo erau voa kurunave, Ovaki airavaki e, na voa virine:
14Simeona ipawkiane euna Eloi pinai lai unuku a’a umu‐ekanave, oro mere a’a lai‐ekavai i Una nawi oro eroiakeia’ane‐iai.
15Laikorava a’a anu voa ei voa evere’eina; erau voa kuruna ane,
16Neko mere ai Nai vairuakana, Davida anu komo marea Nai moawku la‐okavakana, kurua komo marea aravakeina. Kurua komo marea anu kakai Nai roikiakana, la‐okavakana ane:
17Uku pani va’au unu a’a e Amua voroane‐iai, lai unuku a’a uriria i Na nawi eroiakeina. Orau Amua kuruna, U ane U ei awku uriria ipekiane eumakina eni pani mere.
18I Eloi Una evepawki uriria ipaliakeina pani va’au unu ea pani mere.
19A’a lai unuku a’a awkono avao ai Eloi ai uru?-?kava’ane euna, na lai eire, enei kukupuna pa ekavai:
20Enei revareva kikiri?-?namaki ekiai imunu opara lariliai, eiri opara oro pa liai, pei awku ke keroro?-?awkava avakeina oro pa navai uku oia laru ai aro uakeina.
21Uku Mose enu omoro a’a pai’iri kavakava ai, eni pani mere, pokoiane euna, una ipawkia voa sabati kavakava oro oraiane euna omoro marea laru ai.
22Ekalesia a’a uriria Iva a’a, mai‐oro ane enu lai, evere’einave uku a’a oro mere ie’eiai, Paulo, Banaba ane, kiripai Anetioka ai ekaiviriai. Iuda nawi Barasaba oroiakei’inave, Sila ane, lai evera a’a aroa a’a awkono avao ai, orere ie’eiakei’inave.
23Ei revareva oro mi‐enanave, Iva a’a, mai‐oro ane, aroa a’a ane, kepoia voa okaivirina lai unuku unu aroa a’a eiai Anetioka ai, Suria ai ane, Kilikia ai ane:
24Uku enei viriane euna a’a varomo enei mere enava’ane euna, oro lai kukupuna?-?nakava’ane euna, oro erau voa ipanakiane euna, Noro momoa‐eiakeiai limakina, vupu kamaialiai limakina ane: voa orau ipanakiai enei a‐ekinavea:
25Enei lai monou mi’ina uku ima a’a ie’eiai, ene naumuki a’a Banaba, Paulo ane, kiripai ekaiviriai noro ai,
26Omo rokoa orere ekuane euna ene Amua Iesu Keriso onu nawi eiai.
27Iuda, Sila ane, enei ekaiviriane euna, ei revareva anu voa ane epo mere orere ipanakiakana.
28Avaea Iaa, enei ane, laikorana opara ima peo ei voa e nakiai;
29Epie pei imunu ekuakeina noro pa navai, oia awku aro mi’ina noro pa navai, pei awku ke keroro awkava avakeina noro pa navai, eiri opara noro pa liai; ei awku mere noro lai?-?nakiane, opara ima noro liakana. Oaio!
30Aki a’a revareva miaka’ane Anetioka ai oro anenave: oro pirimaroakoa a’a uriria kaupukiaka’ane, oro revareva ekunave.
31Oro revareva oraiaka’ane oro kopaili’inave umu voa eiai.
32Uku Iuda, Sila ane, laikorava a’a kei’inave, aroa a’a voa aila orere ipekinave, omo pirimaroakoa ivirienave ane.
33Orere pani mau’u i?-?pokoiaka’ane kepoia voa aroa a’a mere orere mi’inave, iva a’a ai orere vairunave ane.
34Sila Anetioka ai pokoiai umuli’inave.
35Paulo, Banaba ane, Anetioka ai pokoinave, a’a aila kiripai Amua anu Iva voa orere ipekimakei’inave, omoro kurumakei’inave ane.
36Neko mere ai Paulo Banaba erau voa kurunave, Enere aki enanamaki aroa a’a au‐ekuai pai’iri kavakava ai Amua anu Iva voa enere omoro kuruane euna, omo opara enere inamu‐oiane‐iai.
37Ioane Mareko orere kiripai oravai Banaba umuli’inave,
38Paulo Banaba anu lai a‐evere’enavea uku Ioane ave’einave Pamapilia ai, orere kiripai a‐enanavea.
39Uku orere lai e e kei’inave orere laiekinave: Banaba Mareko mi’inave, orere mapea Kupera ai area‐enanave.
40Paulo Sila ie’enave u kiripai enavai, aroa a’a Eloi nawki‐awkavaka’ane orere enu aki eiai,
41U Kuria eiei, Kilikia eiei, vimu ai, awawpenave, ekalesia a’a iviri‐ekamakei’?-?inave ane.
Currently Selected:
IVA A’A ANU IAKI 15: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
