IVA A’A ANU IAKI 16
16
1Derebe ai, Lisetera ai ane, u anenave: pirimaroakoa a’a monou i‐pokoinave, nawi Timoteo oroiakei’inave, Isaraela pirimaroakoa a’e enu mere; a una mekai Heleni a’a kei’inave.
2Pirimaroakoa a’a Lisetera ai, Ikonimia ai ane, voa ima kurunave uku Timoteo eiai.
3Paulo umu‐ulau’unave u kiripai aki‐enavai; uku Isaraela a’a i‐pokoimakei’inave u Timoteo momoa‐ei’inave: uku oro uriria ipali’inave una mekai Heleni a’a kei’inave.
4Pai’iri mere pai’iri ai orere aki‐enamakei’inave, iva a’a, mai‐oro ane, enu revareva voa Ierusalema mere pirimaroakoa a’a orere ekunave.
5Orau Ekalesia a’a anu pirimaroakoa iviri‐eakei’inave, lare kavakava omo kaupu laru ai a’a aila roikiakei’inave ane.
6Pirikia eiei, Galatia eiei ane, orere aki‐enavaka’ane, i Avaea Iaa orere ekiakei’inave Asia ai Iva voa pa omoro kuruai,
7Orere Mikia ai paiaka’ane Bitinia ai ikiriai orere ipia‐mi’inave: Iesu unu Avaea a‐evere’einavea.
8Mikia eiei vimu ai awawpemakei’inave orere Toroa ai ve’enave.
9Kipere pani ai avaea awku Paulo onu paku ai erenave; a’a Makedonia mere i‐oinave, erau voa nanuku‐awkanave ane, Makedonia ai manene, paiakane ane.
10Avaea awku u inamu‐oiaka’ane, Makedonia ikiriai enei emoki ipia‐mi’inave, enei laikoramakei’inave Eloi laea‐alauaka iou ai Iva voa omoro kuruai.
11Toroa mere enei mapea enanave, kapea anana Samotarokia ai enei area‐enanave, namai lare Neapoli ai enei enanave.
12Iou mere enei Pilipi ai enanave, Makedonia anu amua pai’iri ioure, Roma a’a anu eiei, lare varomo enei i‐pokoinave.
13Sabati lare pai’iri mere enei elenave aiara anu ai’inore ai, uku enei laikoranave iou ai omoro marea uakei’inave: ene papa’anave a’ero i‐kaupukiaka oro kiripai enei voa akinanave.
14A’e monou nawi Lidia oroiakei’inave, kapua aro inaea‐lia a’e Taiatira pai’iri mere, ei a’e Eloi avioinave, Una umu Amua auaka, omoro voa Paulo kurunave ei a’e virinave.
15Ei a’e, una avai a’a ane, ere bapatiso‐ekavakei’inave ane, u erau voa nanuku‐akanave, Nomo lai laru ai noro evere’eane euane nai Amua anu pirimaroakoa a’e miki keina, na marea ikiri?-?manene, pokoine ane. Una nanuku eiai enei ikirinave.
16Lare monou enei Eloi nawki‐awkavai enamakei’inave, lapu avaea‐mia paka au‐akunave, una lapu‐voa eiai moni ovara u roikinave una amua a’a eiai:
17Paulo neko mere ai, arekamu ai, ei paka e’e’aka?-?makei’inave, erau voa laealimakei’inave ane, Ei a’a Eloi Epe’epe enu aivara a’a keina, iawka anu kapea oro ipakina.
18Lare aila u orau li’inave. Paulo uku u lai kukunu‐awkavakei’inave u urukinave, avaea erau voa awkinave ane, Iesu Keriso onu nawi eiai paka mere elemaneai nai nikina. U emoki elemanenave.
19Paka anu amua a’a inamu‐oiaka’ane paka anu lapu voa kavani oro pau?-?kiaka, Paulo, Sila ane, oro a’akinave, voa vevea a’a anu paku ai are’ekanave pai’iri kanikara ai,
20Voa vevea a’a anu paku ai oro erau voa kurunave, Ei Isaraela a’a ene pai’iri kukupuna‐awkana,
21Opara awku orere ipekina, opara evere’eiakeiapea ene Roma a’a kamaia‐ekavai.
22A’a aruru mani‐ekavai lala’anave: omo a’a kape uniai, vaki‐emiai, voa vevea a’a ekinave.
23Oro vaki‐emiaka’ane, kipura marea laru ai oro epirinave, ima eiviriai oro polikimani awkinave:
24Uku u ei awkia voa miaka, marea lalava laru ai u epirinave, omo are iri arekapu u epirinave ane.
25Kipere mokono ai Paulo, Sila ane, Eloi nawki‐awkanave, awni awkanave ane: kipura a’a evirinave.
26Pani va’au oioi ovara emoki liakei’inave, kipura marea anu u’uri vanovano liakei’inave: kipura marea kikau uriria auakei’inave, a’a kavakava anu arekapu uniakei’inave.
27Kipura marea anu oiviria vaki awaw mere epe?-?kemakei’inave, kikau auakei’inave u inamu‐eimakei’inave, a’a kavakava anu arekapu uniakei’inave ane, una rawvi u uninave una kape avai, uku u laikoramakei’inave kipura a’a uriria area‐enavaka.
28Paulo voa araro erau voa laeali’inave, Ni kape awkoro pa eiai, Enei uriria eu aku.
29Lamepa mi‐aneai u laeali’inave, u area‐ikirinave, Paulo, Sila ane, paku ai u kape varuvaru ara’anave,
30U iki ai are’ekanave, erau voa kuruenave ane, Oiana nai liai limakina nai i’ikavakeia’ane‐iai?
31Orere erau voa kurunave, Amua Iesu Keriso pirimaroakone, ni inikavakeiakana, ni marea a’a ane.
32Amua anu Iva voa orere kurunave, una marea a’a uriria paku ai ane.
33Kurua kipere pani ai omo kape awkoro u ere kikinave: u, una marea a’a uriria ane, emoki ere bapatiso‐ekavakei’inave ane.
34Una marea laru ai u are’ekavaka’ane, u pei ekunave, u kopai evopoakei’inave, u, una marea a’a uriria ane, Eloi pirimaroa?-?koamakei’inave.
35Pani merea voa vevea a’a ururueai polikimani okaivirinave.
36Kipura marea oiviria vaki Paulo erau voa kurunave, Voa vevea a’a okaiviriane euna ururunaiai. Ou uku eiai norere airu enavai li’ina.
37Paulo erau voa kuruenave, Enere mua‐akavakei?-?ape a’a anu paku ai oro vaki?-?amiane euna, enere Roma a’a, kipura marea laru ai oro apiriane euna ane; oro eai vauavaua ama‐ururu’a’i? Ai, oro anenameki are’akavai iki ai.
38Polikimani ei voa voa vevea a’a ekinave: oro viriaka’ane orere Roma a’a kei’inave, oro kore kei’inave.
39Oro anenave, nanuku‐ekanave ane, iki ai are’ekanave, orere pai’iri ave’eai oro nawki‐ekanave.
40Paulo, Sila ane, kipura marea mere elemanemakei’inave, Lidia anu marea orere ikirinave: orere pirimaroakoa a’a inamu‐eiaka’ane, paiekavaka’ane, orere ave’enave.
Currently Selected:
IVA A’A ANU IAKI 16: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
