زبور ۷۶
۷۶
شپږ اویایم زبور
خدای فاتح دی
(د سرود ویونکو د مشر دپاره: د موسیقۍ د تار لرونکو آلو سره یوه سندره او هم د اساف زبور)
1 خدای مشهور دی یهودا کې
نوم یې عظیم په اسراییلو کې دی
2 په اورشلیم کې ده خېمه د هغه
استوګنځی یې د صهیون په غره کې
3 تاوده غشي یې کړل مات په هغه ځای کې
هم یې سپرونه، تورې او ټولې وسلې ماتې کړې
4 ته څومره ډک یې له جلاله او له نوره خدایه!
څومره له برمه ډک یې
زیات له تلپاتې غرو نه
5 د دښمن زړور خلک ټول تالا شول
د مرګ په خوب باندې ویده شول هغوی
نور یې نه لرله وسه چې لاسونه جګ کړي
6 د یعقوب خدایه، تا چې کله ورټل هغوی
د دوی اسونه او سواره شول په مرګ ویده
7 یوازې ستا نه وېرېدل په کار دي
کله چې ته په قهر یې
څوک درېدلی شي د ستا په مخکې؟
8 تا خپل قضاوت کړ د اسمان نه اعلان
نو ځمکه وېرېدله او شوه خاموشه هغه
9 کله چې ته خدایه راپورته قضاوت ته شولې
چې د دنیا ټول مظلومان وژغورې
10 د انسانانو قهر ګرځي سبب ستا د ثنا
څوک چې ژوندي شول پاتې ستا له غضب
هغوی به تا لره جشنونه نیسي
11 خپل څښتن خدای ته ومنئ نذرونه او هغه ورکړئ
خپل سوغاتونه راوړئ
ای ټولو خلکو، چې اوسېږئ شاوخوا د هغه
هغه دپاره چې دی ډېر هیبتناک
12 ماتوي هغه غرور د واکمنانو
په پاچاهانو د نړۍ راولي سخته وېره
Currently Selected:
زبور ۷۶: APB
Highlight
Share
Copy
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from the Holy Bible in Afghan Pashto,
Copyright © 2023 UBS. Used by permission. All rights reserved.