Jěnisis 10
10
1Nandi ekadi ndi mbamba ja bana ba Noa; Shěm, na Ham, na Jefěth: o bâ‐ba jadi ndi o bana ba jakudwě, ujambě tombango.
2¶ Bana babamo ba Jefěth; ndi; Gomar, na Megâg, na Medan, na Jevan, na Tubal, na Měshěk, na Tiras.
3Babamo ba Gomar; Ashkenaz, na Rifěth, na Togarma.
4Babamo ba Jevan; Elaisha, na Tarshish, na Kitim, na Dodenim.
5Ekaba ndi ba kabaki nenge ja betomba o behe beabu; moto wěhěpi hohonganěngo na emi ’aju, na ba ndabo jabu, o betomba beabu.
6¶ Bana babamo ba Ham ndi; Kush, na Misraim, na Fut, na Kenean.
7Babamo ba Kush ndi; Seba, na Havila, na Sabta, na Reama, na Sabteka: na babamo ba Reama ndi, Sheba, na Dedan.
8Ka Kush a ja Nimrâd: ka mâ‐a yalě idiya ja moto wa ngudi o he.
9A diyakindi umbeni uněně o boho bwa Jěhova; ovaně ndi o yâ e vânâkudwe, na, Panika Nimrâd umbeni uněně o boho bwa Jěhova.
10Jali ja ivenda jaju i diyakindi Beběl, na Erak, na Akěd, na Kalne, o ehe ya Shainar.
11Oviya ehe těyeně ndi eaju e pumakidi na vala o Asiria, ka mâ‐a longa Niniva, na mboka eněně Rihobâth, na Kela,
12Na Resen, o hanganě ya Niniva na Kela; yâ ndi mboka eněně.
13Ka Misreim a ja Ludim, na Anemim, na Lehebim, na Naftuhim,
14Na Pathrusim, na Kěsluhim, (Felistim ba vakiyendi o ekaba ba jadi) na Kaftorim,
15¶ Ka Kenean a ja njad‘ ’aju Saidân, na Hěth,
16Na ba Jebus, na ba Amor, na ba Gěrgesh,
17Na ba Haivai, na ba Arkai, na ba Sainai,
18Na ba Arvad, na ba Zimor, na ba Hemath; ka, o mbuhwě‐mbuhwě, makaka ma ba Kenean ma hamana.
19Ihuku ja ba Kenean i diyakindi oviya Saidân, oningě o kěkě o Girar, na ’la Geza; oningě o kěkě o Sâdam, na Gomâra, na Adma, na Ziboim, kwanga na ’la Lesha.
20Bana ba Ham nd‘ ekaba, hohonganěngo na mandabo mabu, na hohonganěngo na bemi beabu, o behe beabu, na o betomba beabu.
21¶ Nandi o Shěm a jadi, hangwě ya bana ba Iber běhěpi, mwana‐nyangwě na Jefěth, wa utodu, nd‘ o bana tepě ba jakudwě.
22Babamo ba Shěm ndi; Elam, na Ashur, na Arfaxad, na Lud, na Eram.
23Babamo ba Eram ndi; Uz, na Hul, na Gethur, na Mash.
24Ka Arfaxad a ja Sela; ka Sela a ja Eber.
25Ka Eber a ja bana babale; dina j‘ umbâkâ ndi Pilěg; ikabojana o hwi jaju ndi ja he i pěhěkidi; dina ja mwana‐nyangwě ndi Jâktan.
26Ka Jâktan a ja Almodad, na Selaf, na Hazěrmavath, na Jera,
27Na Hadoram, na Uzal, na Dikla,
28Na Obal, na Ebimeal, na Shiba,
29Na Ofir, na Havila, na Jobab: ekaba běhěpi ndi bana ba Jâktan.
30Idiya jabu i diyakindi oviya Misha, oningě o kěkě o Sefar, ukodi mua mbuhwa.
31Bana ba Shěm nd‘ ekaba, hohonganěngo na ndabo jabu, hohonganěngo na bemi beabu, o behe beabu, na o betomba beabu.
32Ekadi ndi ndabo ja bana ba Noa, na mbamba jabu, o betomba beabu, oviya ekaba ndi o betomba bea he be kabakudwě, ujambě tombango.
Currently Selected:
Jěnisis 10: BNG1895
Highlight
Share
Compare
Copy
Want to have your highlights saved across all your devices? Sign up or sign in
Published by the American Bible Society in 1895, 1926.
