Jěnisis 16
16
1Nandi Sera, mwad‘ ’a Ebream, au jaka mâ bana; ndi a diyakindi na uhayi mua mwajo, wa Ijipt, dina na Hegar.
2Ka Sera a vâ na Ebream, na, Yěněkěte, Jěhova a himbiděngo ’mba ijadi: mbi hâhâlâkiděnd‘ âvě, na, ngakiya na uhayi muamě mwa mwajo, ipě mbi ka pahiya bana na ju. Ka Ebream a yoka joi ja Sera.
3Ka mwada wa Ebream, Sera, a nângâ Hegar, uhayi muaju mua mwajo, wa Ijipt, ka mâ‐a vě mâ mom‘ ’aju Ebream na a diyake mwad‘ ’aju, ovaně Ebream a bě jomu ja mepuma o ehe ya Kenean.
4¶ Ka mâ‐a ngia na Hegar, ka mâ‐a kaha: o mâ‐a yěni na a kahindi, ka a duwě mâ a pějwě o mihâ maju.
5Ka Sera a vâ na Ebream, na, Njuke ’amě e diyake o âvě o jadi: umba‐mbi věkidi uhayi mwamě mua mwajo o ngonga ’vě; o mâ‐a yěni na a kahindi, mbi pějudwěndi o mihâ maju: Jěhova a yěkěkidě o hanganě ’ahu na nâvě.
6Jâ ndi ja Ebream ja vâ na Sera, na, Yěněkěte, uhayi muâvě mua mwajo a ndi o enâ ’âvě: hakate mâ nyanga e di bwamu o mihâ mâvě. O Sera a tamuwi na ju na bokolo boitě, ka mâ‐a kweya oviya o boho bwaju.
7¶ Ka enjěl ya Jěhova ya duwa mâ baka na tongo ya miba o nginga, o tongo o njea e kěkě o Shur.
8Ka mâ‐a vâ, na, Hegar, uhayi mua Sera mua mwajo, wa viya lě na ove? Na nâvě wa ’la lě na ove? Ka mâ‐a vâ, na, Mbi kweyakandi oviya o boho bwa jaie Sera.
9Ka enjěl ya Jěhova ya vâ na ju, na, Timbaka o nyangwě a jadi, na nâvě wa bâbiyě nyol‘ ’âvě o enâ ’aju.
10Ka enjěl ya Jěhova ya vâ na ju, na, Mbi ka vuhěndi ibângâ jâvě nangudi, na jâ‐ja langaniye na bwinge.
11Ka enjěl ya Jěhova ya vâ na ju, na, Yěněkěte, o na jemi, o ka ji mua‐momo, o ka vangakidě mâ dina, na, Ishmeěl; ikabojana Jěhova a yokindi itukwě jâvě.
12A ka diyi moto wa ’hiki o ngalakabo ya bato; enâ ’aju e ka yani na moto wěhěpi, na enâ ya moto wěhěpi e ka yani na ju; a ka diyandi o pwanja ya bana ba hangwě běhěpi.
13Ka mâ‐a tuba dina ja Jěhova e kalaki na ju, na, Âve Anyambě e yěněkě: ikabojana a vâki, na, Mbi tamuwendi tepě okava a yěněkě ’mba.
14Ovaně nd‘ o idango tědině i tubakudwě, na, Bir‐laharâi; umbwakiyate, i nd‘ o hanganě ya Keděsh na Berěd.
15¶ Ka Hegar a ja Ebream mua‐momo: ka Ebream a vangidě mwan‘ ’aju, wa Hegar a jakidi, na, Ishmeěl.
16Ebream a diyakindi a bě mabo ma mepuma logwambi na mepuma utoba utodu, o Hegar a jakidi Ebream, Ishmeěl.
Currently Selected:
Jěnisis 16: BNG1895
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1895, 1926.
