HOSEA 14
14
1Isreěl‐O! timbaka o Jěhova Anyambě ’âvě A jadi; jambojana o kwendi na ibeva jâvě.
2Nângâkâ ndaga na nâvě, wa timba o Jěhova A jadi: vâkâ na Mâ, na, Věngěkidě ibeva jěhěpi, Wa kaha e jadi bwamu: nonaně‐nd‘ o hwě‐ho ka tinganě enambo ya belěbu beahu, ka besope bea meomi mea nyati.
3Ashur à yongě hwě; hwà bapame o kabala; naa hwě‐hwa vâye pě na behavu bea benâ beahu, na, Inyěni ndi beanyambě beahu; jambojana Âvě ndi wa nyuwe a duwanakě ibya.
4¶ Mbi ka yongěndi itimba jabu ja mbuhwa, Mbi ka tândi bâ botândâkâ mětě: jambojana malingwa mamě ma vonguwendi oviya o mâ‐a jadi.
5Mbi ka diyandi o Isreěl a jadi ona maupa; a ka lângândi ona jaanga, na a ja metamba meaju ona Lěbanân.
6Melabe meaju me ka yanjandi, na elang‘ ’aju e ka diyandi ona ele ya oliv, na unâvi muaju ona Lěbanân.
7Ba diyakě o ’dingih‘ ’aju ba ka timbandi; ba ka vavuwandi ona poti, na lângâ ona ukâdi‐mu‘‐ivě: hombo ’aju e ka diyandi ona ivě ja Lěbanân.
8Ifreim a ka vwi, na, Mbi hake lě pě nde na megano? Mbi timbwanindi, na Mbi ka tangini mâ; Mbi nd‘ ona ele ya fir ebehu; oviya Umb‘‐’i jadi ndi o ebuma ’vě e duwanakiyě.
9A lě nja a di n‘ iyowě, na mâ‐a ka bweyakidě belombo těkabe? bokěngu, na mâ‐a ka yowakě beâ? jambojana myala mea Jěhova me de, na bayamu ba ka tamuwi na meâ; ndi bapuli ba ka kwand‘ omě.
Currently Selected:
HOSEA 14: BNG1895
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895, 1926.