JONA 4
4
1Ndi e numbakiděndi Jona sasě mětě, na mâ na lingwaka.
2Ka mâ‐a kaliya Jěhova, na vâkâ, na, Jěhova‐O!, mbi kalakiyand‘ Âvě, ekavi via bu diyakate ivadi viamě, o umba‐mbi diyakidi mbi ngite o ’hiki ’amě? Ovaně‐nd‘ umba‐mbi hadivakidě ka kweya na‐’la o Tarshish: ’kabojana mbi diyakite yowěngo, na, O ndi Anyambě ya ehekwě, ti na ipogina, unyângâ o ilinguwa, na bwinge o mabya, na O timbakě ulema oviya iha ja njuke.
3Nandi oviya‐’vaně, Jěhova‐O!, mba hâhâliděnd‘ Âvě, věngěkidě ’mba eměnâ ’amě; ikabojana e bwamu na mbi waka, wa pě na mbi diyaka.
4¶ Ka Jěhova A vâ, na, O hakate bwamu ka âvě‐o lingwakě?
5Jâ ndi ja Jona ja puma oviya mboka, na diyaka o pěpěkě ya mboka ya madiki, na omě nd‘ o mâ‐a haki ehapala, na diyaka yâ o ibomako o edingihě, kwanga na o mâ‐a ka yěně e ka hamě o mboka.
6Na Jěhova Anyambě na kenjakě ibâkě, ka Mâ‐a panga jâ i betaka oba ya Jona, na‐na ovaně‐nd‘ o jâ‐i ka diyě edingihě oba ya molo muaju, ka patuwa mâ oviya ikaana jaju ibe. Jona a yěněki mbya mětě nonaně, ikabojana o pělě ya ibâkě.
7Ndi Anyambě A kenjakiděndi ukuju, o ubwa mua buhwa bopakwě bo yakidi, ka mâ‐mua pika ibâkě, na jâ na vivilanakiya.
8Na yâ na běkě o joba i pumidě, na Anyambě na kenjakě upupě mua ’hiki mua ubidibidi, ka vyohi via panyiya o molo mua Jona, na mâ na hovakiya, na uwaka o pělě ya nyolo ’aju na a wake, ka mâ‐a vâ, na, E bwamu na mbi waka wa na mbi diyaka.
9Ka Anyambě A vâ na Jona, na, O hakate bwamu ka âvě‐o lingwakě o pělě ya ibâkě? Ka mâ‐a vâ, na, Mbi lingwakate bwamu, tombekete na o iwedo.
10Ka Jěhova A vâ, na, O poginakandi ibâkě, ijâvě i ha hakid‘ ehavu, tombe ò tombudě jâ; i pumakiděte o bulu, na jâ‐ja pelate o bulu;
11Na te Mbu pogina Niniva, mboka tě ’něně yâ‐ně; e jadi omě wa na kama pâkâ na mabo ma tâjeni ja bato mabale ba ha yâlâkě o batě na o enâ ’abu eyomi na enâ ’abu ya ’měngwě; tepě na njângâ ya bembe?
Currently Selected:
JONA 4: BNG1895
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895, 1926.