JONA 3
3
1Ka ndaga ya Jěhova ya pâ o Jona a jadi njo y‘ ibale, na,
2Umwaka, kěkě o Niniva, mboka tě eněně yâ‐ně, o ka pakwakiya yâ ipakuwedi viamě vi sombiyakid‘ âvě.
3Jona a umwaki nonaně, na kěkě o Niniva, hohonganěngo na ndaga ya Jěhova. Nandi Niniva a diyakindi mboka eněně mětě, ya ekěndâ ya hwi ’lalo.
4Na Jona na yalakě o ngiya o mboka ekěndâ ya buhwa bâkâ, na mâ na yamaka, ka mâ‐a vâ, na, Ma dikanate mabo ma hwi manai, na Niniva a kulumanakwě.
5¶ Na bato ba Niniva na kamakidě Anyambě; ka bâ‐ba ngumidě ihindina, na bâ na bâtânâkidě bangisi, oviya ibabu baněně wa paniyango na o ibabu bahuli.
6Ka sango ya pâ o upolo mua Niniva a jadi, na mâ na ’mwaka oviya ek‘ ’aju, ka mâ‐a duwa ibâtâ jaju, na pugaka nyolo ’aju na bangisi, ka mâ‐a diya o jubu.
7Ka mâ‐a ngumidě na hamanakudwě n‘ ikamba j‘ upolo na benami beaju o Niniva kwanga, na, Naa moto naa tito, na janga naa mwanga, beà veke elombo te ’lombo; bà jake, tombe o mâtâ miba:
8Ndi ba pugakwě bangisi, na moto na tito běhě ta, na bâ‐ba ka dakakiya Anyambě na‐ngudi mětě: e, ba vongwake moto wěhě oviya o mwala muaju ube, na oviya o sâwě e jadi o makadu mabu.
9Nj‘ a yowudě na‐na Anyambě À vonguwe na timbě‐ulema, na Mâ‐a vonguwa oviya malingwa maju ma bwayě, na hwě‐ho kwiye pě?
10¶ Na Anyambě na yěněkě behadi beabu, na ba vonguwendi oviya o mwala muabu ube; ka Anyambě a timbě‐ulema oviya njuke tě eaju e vâki na A ka hi bâ yâ; na Mâ‐a bu haka pě yâ.
Currently Selected:
JONA 3: BNG1895
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895, 1926.