JONA 2
2
1Jâ ndi ja Jona ja kaliya Jěhova Anyambě ’aju oviya o ihuhu ja ejaka tě.
2Ka mâ‐a vâ, na, Mbi dakakiyendi Jěhova, na tina ya etuniy‘ ’amě,
Na Mâ na yavwanaka ’mba;
Mbi dakakiyendi oviya ihuhu ja Sheol.
Na nâvě na yokaka joyi jamě.
3Jambojana O ’hwaki ’mba o ndiba, o ulema mua manga,
Na ujambě u diyaki ’mba ulwaniděngo;
Mekeba meâvě na bebuluwa beâvě beěhěpi be kundwaki ’mba.
4K‘ umba‐mba vâ, na, Mbi ’hwudwěndi oviya o pwanja ya mihâ mâvě;
Ndi mbi ka umbuwi pě tamwaniyango těmpěl ’âvě ya hole.
5Miba ma sâtâki ’mba, paniyango na o ilina;
Ndiba e diyaki ’mba ulwaniděngo;
Kuně i dingakudwi ’mba o molo.
6Mbi hubakindi o tina ja mekodi;
He na mepimbilo meaju e dibakidi ’mba o egombe yěhěpi;
Ndi O pumiděte eměnâ ’amě oviya o mbela, A! Jěhova, Anyambě ’amě!
7O ilina jamě i hovakiyi ’mba o ’tema, mbi yongakiděndi Jěhova;
Na ikaliya jamě na ngakiya o Âvě‐O jadi, o těmpěl ’âvě ya hole.
8Ba sâlâkě melango mea naně
Ba senjakate ibya jabu mětě.
9Ndi mbi ka yambiyand‘ Âvě mwambo na joyi ja ivě‐ja‐wakeba;
Mbi ka věndi eamě e panganakidě.
Iyonga i ja Jěhova.
10¶ Na Jěhova na kalaka na ejaka tě, ka yâ‐ya uhwa Jona o he ya yaheyahe.
Currently Selected:
JONA 2: BNG1895
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895, 1926.