यूहन्ना 3
3
येशूकी निकोदेमसला खाबाते बात
1थेजीन निकोदेमस सिराज्यीक फरिसी पाटी मि ओतान। यहूदीओनते छ्ये छ्ये मि नाङ थेङ दोक्पोई ओतान। 2ङीमाई ग्वाका येशू ओत्सादु वाकीन थेकी “गुरू, खो पक्काराङ परमेश्वर बात लोपाला परमेश्वरगी ताङाते मि ईन सिन ङ्योकोनला छ्या ओत। च्यिला सासीन परमेश्वर ङ्योम्बु मेत्सीन सुङगीङ खुई खाबा च्योक्ते दोक्ते अचम्बते काम खिताराङ मुथुबो,” सिन सिदुक। 3थेकी थोक सिरजीन येशूकी “ङा खोल्ला दि बात सिओ। चुक सासीन मि लोईन क्या फाप्क्यो, थेमेकामा परमेश्वर राज्य थोङा थुप्क्यो,” सिन सिदुक। 4थेरूई निकोदेमसकी “मि चुक खाला याङराङ क्या थुप्कीतेरो? च्यि गान्दा गाम्मा गाल्गीन सिन्दे मिङ याङराङ आमाते कोखदु स्यूला क्या थुप्क्यो?” सिन सिदुक। 5थेमे येशूकी “दि बात ङेन। छ्युला स्यूला बप्तिस्मा लाला लोईन केबाच्योक मायाङथुप थेमे परमेश्वर आत्मे छ्य्वापेई लोईन केबाच्योक मायाङथुपनी मि सुङ परमेश्वर राज्यने स्यूक्पाराङ मुथुबो। 6मिकी केबाते फिजेते सेमताङ स्या ठाक थेला केकान्तेते च्योकराङ ओङगो। परमेश्वर आत्मे छ्य्वापेई केबाते मिचेन थोक मेन्देकी खुदुकराङ ओङगो। 7थोगी ङे खोल्ला मि लोक्ला क्याराङ फाप्क्यो सिन सिरजीन खो अचम्ब माने माकेत। 8ल्हाबे बातराङ विचार खि। दि जताङ चले खिओ। दिते ङोरो थोसीनोङ दि खापेकी वाबाते ईन्दे थेमे खापा डुइते सिन छ्याःङ सिरा मुथुबो। होदोकराङ खाला परमेश्वर आत्मे छ्य्वापेई लोक्ला केच्या सिराते चुक खाला ओङगीते सिन छ्याःङ सिराराङ मुथुबो,” सिन सिदुक।
9थेमे निकोदेमसकी “दिनी अचम्बे बातराङ ओङसुङ। दोक चुक खाला ओङगीते?” सिन ठिसुङ। 10थोक सिरजीन येशूकी “खो इस्राएलीओनला परमेश्वर बात लोप्कान्ते मि ईन्सीनोङ दि बात मोखोदुक? 11ङा खोल्ला दि बात सिओ। च्यि सासीन ङ्योकोन खालि ङेराङला छ्या ओतातेताङ ङेराङ मिगी थोङाते बातकामा ज्येनला लाःप्क्यो। थोक ईन्सीनोङ ख्योकोन सुङगीङ ङ्योकोन बात पत्तेराङ मिक्किदुक। 12ङे खेराङगी छ्या स्येबाते दुरू बात खित्जीननी ख्योकोनगी मोखोदुक सासीन स्वर्गने च्यि ओङगीते, चुक ओङगीते सिन लाःप्सीन ख्योकोनगी ङे बात झन पत्तेराङ मिक्किओ। 13परमेश्वर ओत्सादुई वाबाते मि ङा बाई थातासाक स्वर्गने ज्येन मि सुङ ख्योलाङ मेत, थेनेकी देमा वाबाङ मेत। 14थाङबो मोशेकी ठाःकताङ बालुवा बाई छ्याःङ मेत्साला ओत्जीन पित्तल रूल जोकीन ज्वाला काला च्योकराङ खाला परमेश्वर ओत्सादुई वाबाते मि ङाला था स्यिङगी थामला टाँए खिओ। 15थोक खानामेई खोपरोङला पापदुकी डेल्ग्यो सिन ङाला विश्वास खित्कान्ते मि गाङेकी नोमुङ मिसिन्च्येते जुनी ङेत्क्यो।
16चुक सासीन परमेश्वरगी दि सा लुङबे मिओनला आउदी ङिङज्ये खाईन थे खोरोङते दोक्पोईकामा ओताते फुज्युङोङ देमा ताङसुङ। थोगी परमेश्वर फुज्युङला विश्वास खित्कान्ते मिचेन सुङ नरककुण्डमा स्यूक्पा माफाबो, थेबा गाङेकी नोमुङ मिसिन्च्येते जुनी ङेत्क्यो। 17च्यिला सासीन परमेश्वरगी दि सा लुङबे मिओनला सजाय तेराला मेन्देकी थेबाला पापकी सजायदुकी डेलाला थेला देमा ताङाते ईन। 18थोगी परमेश्वर फुज्युङगी पापकी सजायदुकी डेल्ग्यो सिन थेला विश्वास खित्कान्ते मिला परमेश्वरगी सजाय मेतेरो। थेला विश्वास मिक्किकानगीचेन गाङेकी परमेश्वर सजाय ङेत्च्या ओङा ओत। परमेश्वरते दोक्पोईकामा ओताते फुज्युङला विश्वास माक्याबेकीराङ थेबेकी सजाय ङेत्च्या ओङाते ईन। 19स्वर्गे नाम्दाक दि सा लुङबादु वाबा ईन्सीनोङ मिओन मेलेबा कामकामा खित्कान ईन्देकी नाम्दाक भन्दा थेबेईचेन मुन्दाकराङ मन परे खासुङ। थोगीराङ थेबेकी सजाय ङेत्च्येते ईन। 20मेलेबा काम खित्कान्ते मि सुङलाङ नाम्दाक मनराङ परे मिक्किओ। नाम्दाकला थेन्सीन खोपरोङ मेलेबाते काम ज्येनगी छ्या स्येकीता सिन ज्यीबेकी थोक्ते मिलाचेन नाम्दाक गाराङ मालाङो। 21थोक ईन्सीनोङ सत्यते बात ङेन्ला लेमु काम खित्कान्ते मिचेन नाम्दाकला थेन्दाला छ्याःङ ज्यीबा मिक्किओ। नाम्दाकला थेन्गीन थेकी खाबाते काम थोङला थे मिकीचेन परमेश्वरगी खि साबाते काम खाबाते ईन सिन ज्येनगी लेमु खाला छ्या स्येक्यो,” सिन सासुङ।
यूहन्नेकी येशू बात खाबाते
22थे तिरी येशूताङ चेलातेबा यहूदिये अञ्चल युल युलला गाल्सुङ। थेमे टिक्पी दिन थेपाराङ देत्कीन मिओनला बप्तिस्मा बिन्सुङ। 23थे बेलाला यूहन्नाचेन सालीम खादु एनोन सिरसादु छ्यु काल्बेई ओतेकी मिओनला बप्तिस्मा तेरगीन ओतान। बप्तिस्मा नाङ सिरकान्ते मि थेरू काल्बेई ओङगीन ओतान। 24दिचेन यूहन्नाला जेलला लुबा भन्दा गोमे बात ईन।
25बाजिई यूहन्ने चेलाओनताङ यहूदीज्यीक्ते ठु खाला चोके खित्च्येते बातला टेकाटेउरी स्योरसुङ। 26थोगी थे चेलातेबेकी यूहन्ना ओत्सादु गाल्गीन “गुरू, यर्दन चाङबो फारकेनपा ओत्जीन खुई बात खाबाते मि खोल्ला ठेम्बा लाङगीकाना मालाङका? थे छ्येते मि ईन सिन खुई बात खाबा ओतान। थानी बप्तिस्मा नाङ सिन गाङेराङ थे ओत्सादुका डोच्याक्वा। थेमे थेकीङ बप्तिस्मा तेरच्याक्वा,” सिन सिदुक। 27थोक सिरजीन थेकी “परमेश्वरगी खो दोक खि सिन मासाबाला सुङगीङ छ्याःङ खिता मुथुबो। 28ङे ख्योकोनला गोमाका ‘ङानी परमेश्वरगी तोङगो साबाते ख्रीष्ट मेन, ङा खालि थे ओङा भन्दा गोमा परमेश्वरगी ताङाते मिकामा ईन,’ सिन साबाते बाततेबा ख्योकोनगी टोक ज्येता मेतासीन। 29बेउलेकी बेउली फाङमा खिओ। बेउलीचेन बेउला ओत्सापा डुइओ। थेमे बेउले र्वाचेन थे खादुराङ देत्ला थेकी साबाते बात ङेन्ग्यो। थेमे बेउला ओत्सापा बेउली डोच्येते बात थोला आउदी गा खिओ। थोक खाला मिओन थे ओत्सापा डुइदुक सिरा थोजीन ङाला गा लाङगीदुक। 30ङाला मेन, ङे साटोला मिओनगी थेला मान खाला थे झन झन छ्ये डुइन ड्वा फाप्क्यो।
31स्वर्गनेई ओङकान्ते गाङे भन्दा छ्येते ईन। दुरू केबातेचेन दुरूतेराङ ईन, थेकी दुरू बातराङ खिओ। स्वर्गनेई ओङकान्ते गाङे भन्दा छ्येते ईन। 32थेकीचेन ईने थोङातेताङ थोबाते बात खिओ। थोक ईन्सीनोङ सुङगीङ थे बातला नामज्योकराङ मेसेदो। 33थेकी साबाते बात ङेन्कान्ते मिकीचेन परमेश्वर साँचोते बातकामा खित्कान्ते ईन सिरच्येते बातला पक्काराङ ईन सिन सिओ। 34परमेश्वरगी ताङातेकीचेन परमेश्वरगी सि साबाते बातराङ सिओ। परमेश्वरगी थेला दोस्यिक थोस्यिक सिन सिरा मुथुप्च्या खाईन तेरासम्म परमेश्वर आत्मा बिन्दा ओत। 35आबातेकी थे खोरोङ फुज्युङला आउदी ङिङज्ये खिओ। थेमे थेकी ओताते जति गाङे थे लाःक्तुराङ जिम्मा बिन्दा ओत। 36परमेश्वर फुज्युङला विश्वास खित्कान्ते मि गाङेकी नोमुङ मिसिन्च्येते जुनी ङेत्कीन सिन्दा ओत। थेला विश्वास मिक्किकान्ते मिकीचेन दोक्ते जुनी मेङेदो। थोक्ते मिकीचेन परमेश्वरगी स्येदाङगी चूर गाल्ला तेरच्येते सजाय ङेत्क्यो,” सिन सिदुक।
Currently Selected:
यूहन्ना 3: JUL
Highlight
Share
Copy
Want to have your highlights saved across all your devices? Sign up or sign in
© 1992 Wycliffe Bible Translators Inc. All rights reserved.
