يوحنا الأولى 3
3
1اتأملوا في عظمة الْمَحَبَّةَ اللي حَبَّنَا بيِها الآبُ لدرجة اننا صرنا نتسمَّى «أَوْلادَ اللهِ»، واحنا أَوْلادُهُ بالفعل . وَلَكِنْ، لان أَهْلَ الْعَالَمِ ما يعرفوا اللهَ، فَهُمْا ما يعرفونا.
2يا أحبَّائي ، نحنا دحِّين أَوْلادُ اللهِ. وما نعرف إلين الآنَ ايش راح نكون، لَكِنَّنَا بس نعرف انه لما يظهر الْمَسِيحُ، راح نكون مِثْلَهُ، لأَنَّنَا رح نشوفه ساعتها زي ما هُوَ! 3وَكُلُّ اللي عنده هاذا الرَّجَاءُ بِالْمَسِيحِ، يُطَهِّرُ نَفْسَهُ لإنُّه الْمَسِيحَ طَاهِرٌ. 4أَمَّا اللي بيسوِّي الْخَطِيةَ، فَهُوَ بيُخَالِفُ وصايا اللهِ: لأَنَّ الْخَطِيةَ هِيَ مُخَالَفَةُ الوصية. 5وانتوا عارفين أَنَّ الْمَسِيحَ جه لهاذي الأَرْضِ علشان يَحْمِلَ الْخَطَايَا، مَعْ انه بِلا خَطِيةٍ. 6فَكُلُّ اللي يَثْبُتُ فِيهِ، ما يمَارِسُ الْخَطِيةَ. أَمَّا اللي بيُمَارِسُوا الْخَطِيةَ، فَهُمْا ما شافوه وما اتعرفوا بيه ابدا.
7يا أولاد يا صغار، لا تخلوا أحد يُضَلِّلُكُمْ. اتَأَكَّدُوا من انه اللي يسوِّي الصَّلاح ، بيظهر البر زي ما الْمَسِيحَ بَارٌّ. 8ولكن اللي بيسوِّي الخطية، بيظهر أَنَّهُ مِنْ أَوْلادِ إِبْلِيسَ، لأَنَّ إِبْلِيسَ بيسوِّي الْخَطِيةَ من لبداية . وابن الله جا لهاذي الأرض عشان يبطل أَعْمَالَ إِبْلِيسَ. 9كل اللي مولود من الله، ما يمَارِسُ الْخَطِيةَ، لأَنَّ طَبِيعَةَ اللهِ صَارَتْ ثَابِتَةً فِيهِ. وما رح يقدر إنُّه يمارس الخطية، لأَنَّهُ مَوْلُودٌ مِنَ اللهِ.
10وبكده ، هذا هُوَ الْمِقِيَاسُ اللي به نقدر نُمَيِّزُما بَيْنَ أَوْلادِ اللهِ وَأَوْلادِ إِبْلِيسَ. اللي ما بيسوِّي الصلاح، فَهُوَ مو مِنَ اللهِ. وكمان اللي ما يحب أخوه! 11فَالْوَصِيَّةُ اللي سَمِعْتُمُوهَا من الْبَدَايَةِ، هِيَ اننا نحب بعضنا البعض، 12ومو نكون زي قَايِينَ اللي قَتَلَ أخوه . لان قايين كَانَ مِنْ أَوْلادِ إِبْلِيسَ الشِّرِّيرِ. وليش قَتَلَ أخوه؟ قَتَلَهُ لأَنَّ أَعْمَالَهُ هُوَ كَانَتْ شِرِّيرَةً، لكن أَعْمَالُ أَخِوهِ َكَانَتْ صَالِحَةً.
أحبوا بعضكم بعضًا
13علشان كدة يا اخواني، ما تستغربوا لو اهل العالم يكرهوكم!
14لإنُّه مَحَبَّتَنَا لإخوننا بتُبَيِّنُ لَنَا أَنَّنَا اتنقلنا مِنَ الْمَوْتِ للْحَيَاةِ. اللي ما يحب إخونه ، فَهُوَ لسة باقي في الموت. 15وَكُلُّ اللي بيكره اخوه، فَهُوَ قَاتِلٌ. وانتوا عارفين أَنَّ الْقَاتِلَ مالوا حَيَاةٌ أَبَدِيَّةٌ ثَابِتَةٌ فِيهِ.
16وَمِقِيَاسُ الْمَحَبَّةِ هُوَ الْعَمَلُ اللي سوَّاه الْمَسِيحُ لانه بَذَلَ حَيَاتَهُ علشاننا. فلازم احنا كمان نَبْذُلَ حَيَاتَنَا من أجل إخوننا. 17واللي عنده فلوس اللي تخليه يعيش مرفه، بس يبقى قلبه قاسي على أحد من الاخوه الْمُحْتَاجِينَ، فكيف تكون مَحَبَّةُ اللهِ ثابتة فِيهِ؟
18يا أولاد يا صغار، لازم محبتنا ما تكون باللسان والكلام فقط، لكن تكون مَحَبَّةً عَمَلِيَّةً بالحقيقة. 19وقتها راح نتأكد أَنَّنَا بنَتَصَرَّفُ بحسب الْحَقِّ، وراح تطمن نُفُوسُنَا فِي حَضْرَةِ اللهِ، 20ولو لامتنا قلوبنا؛ فالله أَعْظَمُ مِنْ قُلُوبِنَا، وَهُوَ اللي عارف كل شَيْءٍ.
21يا أحباء، لو كانت نفوسنا وضمايرنا ما بتلومنا، فاحنا لنا ثِقَةٌ عَظِيمَةٌ من جهة اللهِ، 22وَمَهْمَا نَطْلُبْ مِنْهُ بِالصَّلاةِ، راح نحصل عليه: لاننا بنطيع وصاياه وأعمالنا بترضيه. 23ووصيته هي أَنناْ نُؤْمِنَ بِاسْمِ ابْنِهِ يَسُوعَ الْمَسِيحِ، واننا نحب بعضنا البعض زي ما وصانا. 24وكل اللي بيطيع وَصَايَا اللهِ، فهو ثابت فِي اللهِ، وَاللهُ يَثْبُتُ فِيهِ. وَاللي يأكدلنا أَنَّ اللهَ يَثْبُتُ فِينَا، هُوَ الرُّوحُ الْقُدُسُ اللي وَهَبَهُ لنَا.
Currently Selected:
يوحنا الأولى 3: HNAV
Highlight
Share
Copy
Want to have your highlights saved across all your devices? Sign up or sign in
Hijazi New Arabic Version © 2024 Strategic Resource Group