يوحنا الأولى 4
4
امتحنوا الأرواح
1يا أحباء، لاتصدقوا أي روح، لكن اختبروا الأَرْوَاحَ علشان تعرفوا هي من عند الله ولا لأ، لانه انتشر عدد كبير من الانبياء الكذابين في العالم. 2وَهاذي هِيَ الطَّرِيقَةُ اللي تَعْرِفُوا بها اذا كان الرُّوحِ مِنْ عِنْدِ اللهِ فِعْلاً: لو كان هاذا الرُّوحُ بيَعْتَرِفُ أَنَّ يَسُوعَ الْمَسِيحَ جا للأَرْضِ فِي الْجَسَدِ، فَهُوَ مِنْ عِنْدِ اللهِ. 3اما لو بينكر هاذا فيكون مو مِنْ عِنْدِ اللهِ، لكن مِنْ عِنْدِ ضِدِّ الْمَسِيحِ اللي سمعتوا أَنَّهُ راح يجي، وَهُوَ دحين مَوْجُودٌ فِي الْعَالَمِ.
4يا أولاد يا صغار، انتوا مِن عند اللهِ، وغلبتوا اللي بيقاوموا الْمَسِيحَ: علشان الرُّوحَ الْقُدُسَ اللي ساكن فِيكُمْ أَقْوَى مِنَ الرُّوحِ الشِّرِّيرِ الْمُنْتَشِرِ فِي الْعَالَمِ. 5هذول اللي بيقاوموا هُمْا مِنَ الْعَالَمِ، علشان كدة بيستمدوا كلامهم من العالم وبيسمعلهم أهل العالم. 6لكن احنا من الله، وعلشان كدة بيسمعلنا اللي بيَعْرِفُ اللهَ. أَمَّا اللي مو مِنَ اللهِ، فما راح يسمعلنا. وهذا هو اللي يخلينا نُمَيِّزُ بَيْنَ رُوحِ الْحَقِّ وَرُوحِ الضَّلالِ.
محبة الله ومحبتنا
7يا أحباء، لازم نحب بعضنا البعض: لأَنَّ الْمَحَبَّةَ مصدرها اللهِ. علشان كدة كل اللي بيحب، يَكُونُ مَوْلُود مِنَ اللهِ وَيَعْرِفُ اللهَ. 8أما اللي ما يحب، فهو مايعرف اللهِ ابدا لأَنَّ اللهَ مَحَبَّةٌ! 9الله بين محبته لينا لما أَرْسَلَ ابْنَهُ الْوَحِيدَ للْعَالَمِ علشان نَحْيَا بهِ. 10وهي هذه المحبة الحقيقية، مش مَحَبَّتَنَا احنا لِلهِ، لكن محبته هو لينا. فبسبب قوة محبته، أَرْسَلَ ابْنَهُ علشان يكفر عن خطايانا.
11وزي ما الله حبنا المحبة العظيمة هذه، يا أحباب، لازم احنا كمان نحب بعض.
12الله ماحد من الناس شافه ابدا. لكن لما نحب بعض، نُبَيِّنُ أَنَّ اللهَ بيَحْيَا جوانا، وَأَنَّ مَحَبَّتَهُ اكْتَمَلَتْ فِي دَاخِلِنَا. 13واللي يأكدلنا اننا ثابتين فِي اللهِ، وَأَنَّهُ ثابت فِينَا هُوَ أَنَّهُ وَهَبَ لَنَا مِنْ رُوحِهِ. 14ونحنا نفسنا بنَشْهَدُ أَنَّ الآبَ أَرْسَلَ الابْنَ علشان يخلص العالم، لأَنَّنَا شفناه بعيوننا.
15اللي يعترف ان يسوع هو ابْنُ اللهِ، فاللهَ يَثْبُتُ فِيهِ، وَهُوَ يَثْبُتُ فِي اللهِ، 16واحنا بنفسنا اخْتَبَرْنَا الْمَحَبَّةَ اللي خَصَّنَا اللهُ فيها، ووثقنا فِيهَا. إِنَّ اللهَ مَحَبَّةٌ. واللي يثبت فِي الْمَحَبَّةِ، يَثْبُتُ فِي اللهِ، وَاللهُ يَثْبُتُ فِيهِ. 17ومحبة الله تكون كاملة فينا لما تكون جوانا ثِقَةً كَامِلَةً من ناحية يَوْمِ الدَّيْنُونَةِ: لأَنَّهُ زي الْمَسِيحُ، احنا كمان فِي هذا الْعَالَمِ.
18المحبة مافيها خوف. لان المحبة الكاملة بتَطْرُدُ الْخَوْفَ. لان الْخَوْفَ بيَكُونُ مِنَ الْعِقَابِ. واللي يخاف ماتكون محبة الله كاملة فِيهِ. 19واحنا بنحب، علشان اللهَ حبنا في الأول. 20لو أحد قال: «أَنَا احب اللهَ! » وهو بيكره أحد من اخوانه، فَهُوَ كذاب، لانه لو ما بيحب اخوه اللي بيشوفه، فَكيف يَقْدِرُ يُحِبَّ اللهَ اللي ماشافوا ابدا؟ 21لان هذي الْوَصِيَّةُ هي مِنَ الْمَسِيحِ نَفْسِهِ: اللي يُحِبُّ اللهَ، يُحِبُّ أَخَوهُ!
Currently Selected:
يوحنا الأولى 4: HNAV
Highlight
Share
Copy
Want to have your highlights saved across all your devices? Sign up or sign in
Hijazi New Arabic Version © 2024 Strategic Resource Group