‎ تيماثاوس الاولى 5

نصايح بخصوص الأرامل والشيوخ والعبيد.

1لَا توبخ راجل كبير بشكل قاسي ولكن اوعظة كأب. وعامل الشباب كأنهم أخوه لك. 2والحريم كأمهات والبنات كأخوات بكل طهارة.

3أكرم الأَرَامِلَ اللي ما لهم معيل 4لو كان للارملة اولاد أو أحفاد فمن واجبهم رعاية أهاليهم. عشان هذا شئ مقبول أمام الله. 5وَلَكِنَّ الأَرْمَلَةَ اللي عايشة وَحِيدَةً وما أحد مسئول عنها، فهي حطت أملها في الله وهي بتصلي ليل ونهار. 6لكن اللي عايشة في لذات فهي ميته حتى لو هي حية. 7لازم توصي الناس بكدة عشان ما ينلام أي احد 8علشانَ اللي ما بيهتم بأهله وبالذات أهل بيته فهو انكر الايمان وهو اسوأ من إللي هوغير مؤمن. ل 9ا تسجل أي وحدة في سجل الأرامل لو كان عمرها أقل من ستين سنة على الاقل وتكون اتجوزت راجل واحد بس. 10وتكون كَمَان مَعرُوفَةً بِأعْمَالِهَا الصَّالِحَةِ زي تربية الاولاد وَحُسنُ الضِّيَافَةِ وغسلت رُجول القديسين وساعدت المتضايقين وعملت كل عمل صالح! 11أَمَّا الأَرَامِلُ الشَّابَّاتُ، لا تسجلهم. عشان لا ينشغلوا عَنْ الْمَسِيحِ، ويفضّلوا إنهم يتزوجوا مرة ثانية ، 12لكن رح يعرضوا نفسهم للإدانة لانهم ما التزموا بوعدهم الاول َ. 13وَفِي نفس الْوَقْتِ يتعودوا على البطاله ويتسكعوا من بيت لبيت. وما تكفيهم البطاله لكن كمان الثرثره الزايده وينشغلوا بالي ما يخصهم ويتكلموا بأمور ماهي مناسبه 14أبغى الأرامل الشابات يتزوجوا ويولدوا أولاد ويكونوا مسئولين عن بيوت ومايخلوا مكان للشيطان يشككك فيهم. 15ودة علشان بعضهم مشي ورا الشيطان فعلا. 16ولو أحد من المؤمنين أو المؤمنات عنده أرامل من أهله فلازم يساعدهم عشان ما يكونوا حمل على الكنيسة وتتفرغ الكنيسة لرعاية الارامل إللي عندهم إحتياج فعلا.

17وأما الشيوخ اللي بيعرفوا يقودوا الكنيسة فلازم نكرمهم وخاصة اللي بيتعبوا في نشر الكلمة والتعليم. 18عشان الكتاب بيقول لا تحط كمامة على فم الثور وهو يدوس الحبوب وأن اللي يشتغل بيستحق أجرته. 19لا تقبل أي تهمة ضد أي أحد من الشيوخ الا بوجود شاهدين او ثلاثة. 20فلو كان مخطئ فعلا، وبخة قدام الناس عشان يصيرعند الباقين خوف 21أطلب منك قدام ربنا والملايكة انك تنفذ الوصايا هذه من غير انحياز لأي أحد. 22ماتتسرع في الثقة في أحد. وماتشترك في خطايا الناس الثانيه. وحافظ على طهارتك.

23لا تشرب بس مويه بعد اليوم. ولكن اشرب شوية نبيذ عشان تداوي معدتك وامراضك اللي تعاودك كثير.

24بعض الناس خطيتهم تكون ظاهرة بوضوح قبل المحاكمة وبعض الناس ماتظهرخطاياهم إللا بعد المحاكمة. 25وبنفس الشكل تكون الاعمال الصالحة واضحة مُسْبَقاً ولايمكن أن الاعمال الغير صالحة تفضل خفية.

Currently Selected:

‎ تيماثاوس الاولى 5: HNAV

Highlight

Copy