تيماثاوس الاولى 6
6
1أما العبيد فعليهم اعتبار سادتهم اهل اكرام لأجل لا يسيئوا لاسم الله والتعليم. 2وأما العبيد اللي سادتهم مؤمنين فلازم ما يستخفوا فيهم باعتبارهم اخوة ولكن يخدموهم باحترام وطاعة عشان السادة دول مؤمنين محبوبين.
المعلمين الكاذبين وحب المال.
بِهاذي الأُمُورِ عَلِّمْ و اوعظ!
3لو في أحد يعلم بعكس هذا الكلام ومو راضي يخضع للكلام الصحيح اللي هو كلام ربنا يسوع المسيح و التعليم الموافق للايمان، 4فهو متكبر ومايعرف شي ولكنه مَهْوُس تفكيره بالجدل والكلام اللي يسبب الخصام والتجريح والنيات السيئه. 5وفي كمان خلافات بين ناس فكرهم شرير بيعتبروا التقوى تجارة. 6بس الايمان مع القناعة فهو تجاره عظيمه 7واحنا ما دخلنا الدنيا شايلين شي ولا نقدر نخرج منها شايلين أي شي 8ولكن طالما لاقيين الأكل و الكسوة فخلينا قنوعين فيهم 9بس اللي يبغوا يصيروا اغنياء فراح يوقعوا في التجربة والفخ ويتورطوا في الكثير من الشهوات السخيفه الضارة اللي بتغرّق الناس في الدَّمَارِ والهلاك. 10حب المال هو أساس كل الشرور واللي يسعى ليه يضل عن الإيمان وطعنوا انفسهم بآلام كثيرة.
وصايا بولس لتيموثاوس
11وَأَمَّا أَنْتَ يا إنسان الله فاهرب من هاذي الأمور واسعى ورى البر والتقوى والايمان والمحبة والصبر والوداعة. 12أحسن الْجِهَادَ هو في معركة الايمان الجميله . وخليك ماسك في الحياة الابدية إللي إنت أندعيت ليها واعترفت الإعتراف الحق بالايمان قدّام شهود كثيرين.
13وأوصيك أمام الله الي يحيي كل شي والْمَسِيحِ يَسُوعَ اللي شَهِدَ أَمَامَ بِيلاطُسَ الْبُنْطِيِّ بِالاعْتِرَافِ الحسن 14احفظ الوصية بدون عيوب وملامة الين ما يجي ربنا يسوع المسيح على العلن. 15هذا الظهور رح يتممه الله في وقته الخاص، هو السيد المبارك الواحد مَلِكُ الْمُلُوكِ وَرَبُّ الأَرْبَابِ، 16اللي وَحْدَهُ لا يفنى، السَّاكِنُ فِي نُورٍ ما أحد يقدر يقرب منه، اللي ما شافه أَيُّ إِنْسَانٍ وَلا يَقْدِرُ أَنْ يشوفه.ُ ليه الْكَرَامَةُ وَالْقُدْرَةُ الأَبَدِيَّةُ. آمين!
17وصي أغنياء هذا الزمن لا يتكبروا و لايتكلوا على الغنى اللي مو ثابت ولكن على الله اللي يدينا كل شئ بوفره علشان نستمتع بيه. 18وأنهم لازم يسووا خير ويكونوا أغنياء بالاعمال الصالحه ويعطوا الناس بمحبة ويكونوا مستعدين يشاركوا غيرهم في خيراتهم . 19وبكده يوفروا لنفسهم رأس مال للمستقبل حتى يتمسكوا بالحياة الحقيقية.
20حافظ يا تِيمُوثَاوُسُ،على الامانة المحفوظة عندك. وابعد عن الكلام السيء والكلام اللي بيسموه بالغلط معرفة. 21المعرفة الخاطئة هاذي اذا أدّعاها الناس فراح يبعدوا عن الايمان.
22النعمة معاك!
Currently Selected:
تيماثاوس الاولى 6: HNAV
Highlight
Share
Copy
Want to have your highlights saved across all your devices? Sign up or sign in
Hijazi New Arabic Version © 2024 Strategic Resource Group
