أفسس 5

1وسووا إذاً زي الله كانكم عيال حبايب، 2وامشو في المحبة على أخلاق المسيح اللي حَبَّنا وضحى بنفسو علشاننا أضحيه وذبيحةً لله ريحتها طيبةَ.

3أما الزنا، وكُل نجاسة او شهوة مفجوعة، ما يتذكِر بينَكُم حتى إسمَهَا، زي ما بيناسب القديسين۔ 4وكمان الوساخه والكلام السخيف والهَلْس، حاجة مو حلوة۔ والأحسن ليكم انكم تتكلموا بالشكر لله! 5إنتو تِعرِفو ذا الشي كويس: إنو كل زاني أو نِجِس أو صاحب شهوة، ما هوا الاَّ عابد اصنام مالو ميراث في مَلَكُوت المسيح والله۔ 6ما يضحك عليكم أحد بكلام باطل! و علشان ذي الحاجات بِيٍنْزُل غضب الله على عيال العصيان۔ 7طيب، لا تكونو شركا ليَهُم. 8بس كنتو في الماضي ظالمين، بس انتو ذحين نور في الرب إمشو بأخلاق عيال النور. 9لإنو ثمر النور بيكون في كل صلاح واستقامه وحق. 10كذا تعرفوا الحاجات اللي بترضي الرب۔

11كمان ما يكفيكم بإنكُم ما تشَاركو في اعمال الظلام اللي ما منها فايده، بالعكس أفضحوها كمان. 12الحاجات اللي بتسووها بالسِّر، حتى الكلام فيها وِحش. 13و انو كل شيْ، إذا ما فضحوَ النور، بيصير مكشوف: 14لأنو اللي يكشف كل شي هوا النور علشان كذا بيتقال: «إصحى يا نايم، وقوم من بين الاموات، فبيشرق عليك نورَ المسيح!»

15فانتبهو تماما كيف تتصرفو بطريقكم بتركيز، مو زي تصرف الجاهلين بالعكس بتصرف العاقلين، 16واستغلو الوقت احسن استغلال، لانو الايام شريرة. 17عشان كذا لا تصيرو اغبيا، وافهمو ايش اللي يبغاه الرب. 18لا تسكرو بالخمر، لأنو فيها خلاعة، بس إتْعَبُّو بالروح، 19مِكلمين بعضَكم بمزامير وتسابيح واناشيد روحية، مرنمين ومرتلين بقلوبَكُم للرب؛ 20رافعين الشكر كُل وقت وعلى كل شي لله والآب، باسم ربنا يسوع المسيح؛ 21خاضعين مع بعضكم في مخافة المسيح.

وصايا للبيت المسيحي

22يا زوجات، اسمعوا كلام أزواجَكُم، زي ما هو للرب. 23لأنو الزوج هو راس الزوجة وكمان المسيح هو رأس الكنيسة (جسمو)، وهوا نفسو مخَلِّص الجسد. 24وزي ما انو الكنيسة خضعت للمسيح، كمان الزوجات لأزواجَهم، في كل شي. 25يا ازواج، حبو زوجاتكم زي ما حب المسيح الكنيسة وضحى بنفسو علشانها، 26عشان يقدِّسها ويطهرها يغسلها بالمويه، بالكلمه، 27علشان يزُفَّها لنفسو كنيسة حلوة مافيها عيب او تجاعيد أو اي حاجة ناقصة بالعكس بِتكون مقدَّسة مافيها عيوب. 28على ذا الموال لازم على الازواج إنهم يحبو زوجاَتَهُم زي أجسامَهُم۔ اللي بيحب حرمتو، بيحب نفسو۔ 29مافي أحد بيِكره جسمو أبدا، بالعكس بيأكِّلو ويهتم فيه، زي ما بيعامل المسيح الكنيسة كمان۔ 30فإحنا أعضاء جسمو. 31علشان كذا بيستَقِل الزوج عن ابوه واموه، ويتَّحِد بحرمتو، ويصيرو الاثنين جسد واحد۔ 32ذا السرعظيم بس انا بنصح فيه للمسيح والكنيسة! 33بس انتو كمان، كل واحد مع نفسو، خلي كل واحد فيكم يِحُب حرمتو زي ما يحُب نفسو بس الحرمه، عليها انو تهاب زوجها.

Currently Selected:

أفسس 5: HNAV

Highlight

Copy