أفسس 6
6
الأباء والعيال
1يا عيال، أطيعو أهلكم في الرّب۔ وهاذا هُوَّ الصح: 2«إكرم أمَّك وأبوك» وهاذي أول وصية مربوطة بِوَعد 3«علشان تِلاقي خير وعمرك يِطول على الارض!»
4وأنتم، يا كبار، لا تشعْلِلُوعصبية أولادَكُم عليكم ولكن ربُّوهم بأخلاقَ الرب وتوصياتو۔
الاسياد والعبيد
5يا عبيد، طيعو اسيادكم الأدميين بخوف ورهبة، من قلب صادق، زي اللي بيطيع المسيح، 6مو بس قدام عيونهُم تسووا زي اللي يحاول يرضي الناس، بس من باب انكم عبيد للمسيح، 7تسووا الي يبغاه الله من القلب، تخدمو بنية كويسة للرب، مو للناس. 8وانتو تعرفو انو مهما سوا كل واحد فيكم خير، راح ياخد هديتو من الرب، ذا لو كان عبد او حر. 9وانتو، يا سادة، عاملوهم زي دي المعاملة بدون ما تهدِّدو، عارفين انو سيدهم وسيدكم في السما وهوا ما بينسى أحد.
سلاح الله الكامل
10وفي النهاية، إتمسَّكو في الرب وفي قوَّتو وقُدرَتو۔ 11ألبَسو سلاح الله الكامل، علشان تقدرو تصمدوا في وجه ألاعيب إبليس. 12لإنو حربنا مو ضد حقّون اللحم والدم، لكن ضد الزعامات، والسلطات، ضد أسيادَ العالم زعما ذا الظلام، ضد قوةَ الشّر الروحية في السماوات. 13علشان كذا خدو سلاح الله كلُّو، علشان تقدرو تِدافعو في يوم الشر، وانكم تِصمِلُوا كمان بعد ما تسَوُّ كل اهدافكم. 14عليكم تِصمِلُوا اذاً بعد ما تخلُّ الحق زيَّ الحزام على خصرَكُم، والصلاح زي الدرع على صُدُرَكم، 15والاستعداد علشان تنشرو بشارة السلام جزمه في رجولكم. 16وفوق ذا كلُّو، شيلو الايمان زي الدرع اللي تقدرو فيه تِطَفُّو كلَّ سِهام الشرير المولِعة بالنار۔ 17وخدوه الخلاص زي خوذة للراس، كلمة الله سيف الروح۔ 18صلو في كل الأحوال، في كل صلاة ولحاجة في الروح، وسهرانين علشان ذا الشي نفسو ومحافظين على كلَّ الطلبات عشان القديسين كلَّهم، 19وعلشان يجيني الإلهام باللي بتكلم فيه كل ما فتحت فمي واتكلم بجرأة عن سر الانجيل 20اللي انا سفيرو المربوط بالسلاسل، وأكون جريء في إعلانو زي ما لازم اتكلم فيه.
تحيات ختامية
21وعلشان تعرفو أحوالي وأخبار شغلي،فإنو تِيخِيكُسَ، الأخَّ العزيز والخادم الامين في الرب، يقولكم كلّكم. 22وجَيَّتو ليكم علىشان ذا الشي نفسو: علشان تعرفو ظروفي و تِتشجع قلوبَكُم.
23سلام للإخوان، ومحبَّه مع إيمان، من الله الآب والرَّب يسوع المسيح!
24أدعيلكم تكون النعمة مع كل اللي يحُبو ربنا يسوع المسيح محبة ما عليها فساد!
Currently Selected:
أفسس 6: HNAV
Highlight
Share
Copy
Want to have your highlights saved across all your devices? Sign up or sign in
Hijazi New Arabic Version © 2024 Strategic Resource Group
