Matsiyù 20
20
Yesù gooma bɔɔ rìi ka tàlen baun dzùtsi sɔn ko e re faagoofadzin ì tsɛ
1Àyìwà Yesù yè gooma bɔɔ sɔn ka tàlen ban kɔn, nìi yɛ nèe ci: «Àwà Ŋaablà re Màsàbee boo dzùtsi sɔn ne, nìi bou gbishɛɛ̀mà nɔ̀n, è bè faagoofadzin ì gaa, ci yè bè faagoo fa wò re ɛ̀rɛ̀nzhɛ̀ndzu rɔ̀n. 2À ko faagoofadzin neè byɛ̀unma shɔ̀ùn faagoo sar'la rà, nìi cɛ̀ɛ̀n fii bwèè doùn, à yè bàji be ɛ̀rɛ̀nzhɛ̀ndzu rɔ̀n. 3À sèè bou kɔn bwèy ɲin'na tèrounmaà shɔ̀ùn, è bè swey jà wɔ̀ɔ̀ jàmà làdzyeema nɔ̀n, faagoo na ni twɛy rè waa. 4È dzin twɛy rà ci: "Ye sa y'a wa faagoò rà ɛ̀rɛ̀nzhɛ̀ndzu rɔ̀n. Ye wù sàr'lìi ka mun nà tɔ̀ sìn ye ra." 5Twɛy yè dɔ̀n be. Bwèè wɔumaà sènfi, è bo kɔn, è tà soo fa. Bwèè nàu e jɛngɛ kɔn, è bo kɔn, à y'à fa tà tsuru. 6Ɲɛ̀rɛ̀ɛ̀ dziɛ rè kɔn, è bo. Arì she, è bè swey tsìiŋma jà wɔ̀ɔ̀ jàmà làdzyeema nɔ̀n. È tey ci: "Fee ye tsìiŋnà mìin bwèè ko e kur'la sapɛ, ye na ni faagoo ra ?" 7È ci à ra ci: "Mòò pɛn na ɲe seòn faagoo ra nìi fa waa, tɔ̀ rii kamà, ɲe ni mìin." À ci: "E sa yeè bè faagoò rà mun ne ɛ̀rɛ̀nzhɛ̀ndzu rɔ̀n."
8 #
Sak 19.13; Sdk 24.15. Àwà bwèè nàu dò, dzùtsià yè dzin e re ɲɛyn goojaabobaà rà ci: "Faagoofadzin neè kiri e sàrà. A jɔ̀n bònèdzin neè tsɛ, è bè suu fɔ jɔundzin neè rà." 9Tɔ̀un, nìi reè bèu faagoò rà ɲɛ̀rɛ̀ɛ̀ dziɛ rè, twɛy jɔ̀na yè e kpɛrɛ̀, è soo sookɔɔn sa sarà cɛ̀ɛ̀n fii fii. 10Nìì reè jɔ̀na bèu faagoò rà, twɛy na à siɛ̀n ci ye nà giri tàrà è geren bònè be reè tsɛ. Ŋà, è sapɛ yeè tɔ̀ sàrà soo tàrà, nìi yɛ cɛ̀ɛ̀n fii fiɛ̀. 11Tɔ̀ ɲɛɛn tàraumaà twɛy rè, yè maa, yè dzùtsià ŋùnùnŋun'na e dzii dzuun. 12È ci: "Nèe rèè nàu bònè, yè nà waatsi soo pe fa faagoò rà, è ko ɲe sa to yɛ sàraɔ̀ dzii soo. Ɲe to faagoò fau bwèè ko e kur'la sapɛ, ɲe yè byɛnbee ko bwèy ŋɔɔn sapɛ tsi e ma." 13Dzùtsià yè mòò sɔn latsi è ɲan ci: "N dzunwɛynsi, wo ni dzin ci mun na tereòn wo ka ɔ ? Wo ko mun na byɛn cɛ̀ɛ̀n fii rìì mà bwèè doùn ɔ̀n ? 14A sar'là tsi a wa. À dzibeu mun na ni, min sàrà soo sin wo ko nèe bònè dzin nee sa ra. 15Tàà à na dàaŋnà min n sao fa n suun ge reè ka gbɛ ? Tàà mun wù nìi fa tɔ̀ rii jaaɲininbe wo kuɔn gbɛ ?" 16#Mat 19.30; Mar 10.31; Luk 13.30.Bònèdzin neè nà bà tɔ̀ rii tsuru jɔundzin ì, jɔundzin neè yè bà bònèdzin ì.»
Yesù yè e saàn ko e seè kpunaàn gooma deu min niì kɔn
(Marikì 10.32-34; Lukì 18.31-34)
17Àyìwà, Yesù rè shia kuunmaà è bà bèe Yerusalɛmùn, è re kàràndzin teeŋ fiɛ̀ kiri e si, è dzin è ra ci: 18«Àwà mùn tèyn bekɔɔn yɛ Yerusalɛmùn nèe, Adamà dziàn nà bè wɔ Saaka Jɔundzin neè ko Sàrìryà Kaamoo reè suun mɔn, yè kitsia mɛɛy à tsɛ, ci è vu. 19È nà à wɔ kun kpɛrɛ mòdzin neè suun, twɛy y'à ɲanŋmɛn, y'à dɔrɔ sɛɛn ka, y'à gban gɔɔ̀ rà. Bwèy zhììgi à saunmaà shɔ̀ùn, è sèè kpunan bo saàn ɲàn.»
Zhebedè rè tààn dziun Yesù yè nìi fa wò dzin nèè rè
(Marikì 10.35-45)
20Tà doùn, nìi Zhebedè raa tààn, tɔ̀ yeè nà e kpɛrɛ̀ e dzin kpiri fiɛ̀ ka Yesù rà, è kunun gban à bììn, à y'à gaa à re, ci è goo sɔn fa wò re. 21Yesù y'à tey ci: «Wo gaa fee rìì là ?» À ci: «Mun dzin kpiri fiɛ̀ yɛ nèe. À dè n na ci wo ye na a tsuù a re màsàbee tsɛ waatsi riì bwèy, ci wo nà soo tsùù a sirama si jaa rè, wo yè soo tsùù a ɲɔnmà sì jaa rè.» 22Yesù yè dzin ci: «Ye nìi gaa, ye na tɔ̀ tɔ̀ dɛ ! Byɛnbe niì nà mun tàrà, tɔ̀ ni dzi ku ye ɲan ɔn ?» È ci à ra ci: «Ɔ̀ɔn, tɔ nà dzi ku ɲe ɲan.» 23Yesù ci è ra ci: «À kpɛ̀yn nà dzi ku ye ɲan. Ŋà, nìi mun sirama si jaa re tsùù goo, ko ɲɔ̀nmà sì jaa re tsùù goo, tɔ̀ na ni mun suun waa. Mun Fà Ŋaablà y'a màbyɛ̀n tsùuŋnà nìì reè rè, à nà sìn twɛy rìì là.» 24Kàràndzin neè dzyee tsyeòn tɔ̀ goomaa myɛ̀un min niì, è vunun yè ta e koòsi fiɛ̀ kpɛyn. 25#Luk 22.25,26.Yesù yè è dzyèèmaa kiri kpɛ̀rɛ̀ e ra tɔ̀un, è dzin è ra ci: «Y'a tɔ̀ ci dziɲaan doùn, jàmàan rèè kùntsii rèè yè è màraɔ̀ kùntsììbe ka, mòdzin bla reè yè bà e faan ɲinaɔn è tsɛ. 26#Mat 23.11; Mar 9.35; Luk 22.26.Ŋà ye fi, à na wù è bà tɔ̀ tsuru waa. Ye ɲan, mòò riì sào ni wò yeè bà blà dzyee rèè mà, fɔ tɔ̀ yeè e ba è re faagoofadzin. 27Mòò riì sàò to ni wò yeè bà dzyee rèè jɔundzin ye ɲan, fɔ tɔ̀ yeè e ba è re jòn. 28Tà soo tsuru, Adamà dziàn na naɔ̀ ci mòò yè faagoo fa à re dɛ, ŋà à naɔ̀ nì ci è faagoo fa mòdzian rè. È xɔɔn sìn, à y'à ka mòò giri kùngɔ màbo.»
Yesù jaana fii jaa dzii saun min niì
(Marikì 10.46-52; Lukì 18.35-43)
29Àyìwà, Yesù ko e re kàràndzin neè bokɔɔn Yerikò wɔ̀ɔ̀ doùn, jàma brìsi yè e gban è kpɛyn. 30Tà doùn, jaana mokun fii na tsùuŋnà shi dziɛ rè. Twɛy y'à myɛ̀un min niì ci Yesù rìì dɔ̀ɔn, yè e vu bo fààn na ci: «Tsìfaà, màsà kpiri Dawudà tsua dziàn, màtsuru mùn na !» 31Jàmaà yè fù è kpɛyn tɔ̀un, sànko yè e mɛnshɛ̀n. Ŋà, yè e vuà ɲansen kɔn kpɛrɛ ci: «Tsìfaà, màsà kpiri Dawudà tsua dzin Yesù, a yɛrɛ to e màtsuru mùn na !» 32Yesù yè e tsiì tɔ̀un, à yè è kiri, è tey ci: «Ye sào ni min fee rìì fa ye re ?» 33È ci à ra ci: «Tsìfaà, mùn jaa rèè rìì yè jɛ̀y fa.» 34È màtsuru yeè Yesù kun fɔ è bè geren. Tɔ̀un è dzyɛn è jaa rèè rà, tɔ̀ nɔ̀nkɔɔrɔn ko e sa, yè jɛ̀y fa. Yè e gban Yesù rà.
Currently Selected:
Matsiyù 20: BDZU
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International
Matsiyù 20
20
Yesù gooma bɔɔ rìi ka tàlen baun dzùtsi sɔn ko e re faagoofadzin ì tsɛ
1Àyìwà Yesù yè gooma bɔɔ sɔn ka tàlen ban kɔn, nìi yɛ nèe ci: «Àwà Ŋaablà re Màsàbee boo dzùtsi sɔn ne, nìi bou gbishɛɛ̀mà nɔ̀n, è bè faagoofadzin ì gaa, ci yè bè faagoo fa wò re ɛ̀rɛ̀nzhɛ̀ndzu rɔ̀n. 2À ko faagoofadzin neè byɛ̀unma shɔ̀ùn faagoo sar'la rà, nìi cɛ̀ɛ̀n fii bwèè doùn, à yè bàji be ɛ̀rɛ̀nzhɛ̀ndzu rɔ̀n. 3À sèè bou kɔn bwèy ɲin'na tèrounmaà shɔ̀ùn, è bè swey jà wɔ̀ɔ̀ jàmà làdzyeema nɔ̀n, faagoo na ni twɛy rè waa. 4È dzin twɛy rà ci: "Ye sa y'a wa faagoò rà ɛ̀rɛ̀nzhɛ̀ndzu rɔ̀n. Ye wù sàr'lìi ka mun nà tɔ̀ sìn ye ra." 5Twɛy yè dɔ̀n be. Bwèè wɔumaà sènfi, è bo kɔn, è tà soo fa. Bwèè nàu e jɛngɛ kɔn, è bo kɔn, à y'à fa tà tsuru. 6Ɲɛ̀rɛ̀ɛ̀ dziɛ rè kɔn, è bo. Arì she, è bè swey tsìiŋma jà wɔ̀ɔ̀ jàmà làdzyeema nɔ̀n. È tey ci: "Fee ye tsìiŋnà mìin bwèè ko e kur'la sapɛ, ye na ni faagoo ra ?" 7È ci à ra ci: "Mòò pɛn na ɲe seòn faagoo ra nìi fa waa, tɔ̀ rii kamà, ɲe ni mìin." À ci: "E sa yeè bè faagoò rà mun ne ɛ̀rɛ̀nzhɛ̀ndzu rɔ̀n."
8 #
Sak 19.13; Sdk 24.15. Àwà bwèè nàu dò, dzùtsià yè dzin e re ɲɛyn goojaabobaà rà ci: "Faagoofadzin neè kiri e sàrà. A jɔ̀n bònèdzin neè tsɛ, è bè suu fɔ jɔundzin neè rà." 9Tɔ̀un, nìi reè bèu faagoò rà ɲɛ̀rɛ̀ɛ̀ dziɛ rè, twɛy jɔ̀na yè e kpɛrɛ̀, è soo sookɔɔn sa sarà cɛ̀ɛ̀n fii fii. 10Nìì reè jɔ̀na bèu faagoò rà, twɛy na à siɛ̀n ci ye nà giri tàrà è geren bònè be reè tsɛ. Ŋà, è sapɛ yeè tɔ̀ sàrà soo tàrà, nìi yɛ cɛ̀ɛ̀n fii fiɛ̀. 11Tɔ̀ ɲɛɛn tàraumaà twɛy rè, yè maa, yè dzùtsià ŋùnùnŋun'na e dzii dzuun. 12È ci: "Nèe rèè nàu bònè, yè nà waatsi soo pe fa faagoò rà, è ko ɲe sa to yɛ sàraɔ̀ dzii soo. Ɲe to faagoò fau bwèè ko e kur'la sapɛ, ɲe yè byɛnbee ko bwèy ŋɔɔn sapɛ tsi e ma." 13Dzùtsià yè mòò sɔn latsi è ɲan ci: "N dzunwɛynsi, wo ni dzin ci mun na tereòn wo ka ɔ ? Wo ko mun na byɛn cɛ̀ɛ̀n fii rìì mà bwèè doùn ɔ̀n ? 14A sar'là tsi a wa. À dzibeu mun na ni, min sàrà soo sin wo ko nèe bònè dzin nee sa ra. 15Tàà à na dàaŋnà min n sao fa n suun ge reè ka gbɛ ? Tàà mun wù nìi fa tɔ̀ rii jaaɲininbe wo kuɔn gbɛ ?" 16#Mat 19.30; Mar 10.31; Luk 13.30.Bònèdzin neè nà bà tɔ̀ rii tsuru jɔundzin ì, jɔundzin neè yè bà bònèdzin ì.»
Yesù yè e saàn ko e seè kpunaàn gooma deu min niì kɔn
(Marikì 10.32-34; Lukì 18.31-34)
17Àyìwà, Yesù rè shia kuunmaà è bà bèe Yerusalɛmùn, è re kàràndzin teeŋ fiɛ̀ kiri e si, è dzin è ra ci: 18«Àwà mùn tèyn bekɔɔn yɛ Yerusalɛmùn nèe, Adamà dziàn nà bè wɔ Saaka Jɔundzin neè ko Sàrìryà Kaamoo reè suun mɔn, yè kitsia mɛɛy à tsɛ, ci è vu. 19È nà à wɔ kun kpɛrɛ mòdzin neè suun, twɛy y'à ɲanŋmɛn, y'à dɔrɔ sɛɛn ka, y'à gban gɔɔ̀ rà. Bwèy zhììgi à saunmaà shɔ̀ùn, è sèè kpunan bo saàn ɲàn.»
Zhebedè rè tààn dziun Yesù yè nìi fa wò dzin nèè rè
(Marikì 10.35-45)
20Tà doùn, nìi Zhebedè raa tààn, tɔ̀ yeè nà e kpɛrɛ̀ e dzin kpiri fiɛ̀ ka Yesù rà, è kunun gban à bììn, à y'à gaa à re, ci è goo sɔn fa wò re. 21Yesù y'à tey ci: «Wo gaa fee rìì là ?» À ci: «Mun dzin kpiri fiɛ̀ yɛ nèe. À dè n na ci wo ye na a tsuù a re màsàbee tsɛ waatsi riì bwèy, ci wo nà soo tsùù a sirama si jaa rè, wo yè soo tsùù a ɲɔnmà sì jaa rè.» 22Yesù yè dzin ci: «Ye nìi gaa, ye na tɔ̀ tɔ̀ dɛ ! Byɛnbe niì nà mun tàrà, tɔ̀ ni dzi ku ye ɲan ɔn ?» È ci à ra ci: «Ɔ̀ɔn, tɔ nà dzi ku ɲe ɲan.» 23Yesù ci è ra ci: «À kpɛ̀yn nà dzi ku ye ɲan. Ŋà, nìi mun sirama si jaa re tsùù goo, ko ɲɔ̀nmà sì jaa re tsùù goo, tɔ̀ na ni mun suun waa. Mun Fà Ŋaablà y'a màbyɛ̀n tsùuŋnà nìì reè rè, à nà sìn twɛy rìì là.» 24Kàràndzin neè dzyee tsyeòn tɔ̀ goomaa myɛ̀un min niì, è vunun yè ta e koòsi fiɛ̀ kpɛyn. 25#Luk 22.25,26.Yesù yè è dzyèèmaa kiri kpɛ̀rɛ̀ e ra tɔ̀un, è dzin è ra ci: «Y'a tɔ̀ ci dziɲaan doùn, jàmàan rèè kùntsii rèè yè è màraɔ̀ kùntsììbe ka, mòdzin bla reè yè bà e faan ɲinaɔn è tsɛ. 26#Mat 23.11; Mar 9.35; Luk 22.26.Ŋà ye fi, à na wù è bà tɔ̀ tsuru waa. Ye ɲan, mòò riì sào ni wò yeè bà blà dzyee rèè mà, fɔ tɔ̀ yeè e ba è re faagoofadzin. 27Mòò riì sàò to ni wò yeè bà dzyee rèè jɔundzin ye ɲan, fɔ tɔ̀ yeè e ba è re jòn. 28Tà soo tsuru, Adamà dziàn na naɔ̀ ci mòò yè faagoo fa à re dɛ, ŋà à naɔ̀ nì ci è faagoo fa mòdzian rè. È xɔɔn sìn, à y'à ka mòò giri kùngɔ màbo.»
Yesù jaana fii jaa dzii saun min niì
(Marikì 10.46-52; Lukì 18.35-43)
29Àyìwà, Yesù ko e re kàràndzin neè bokɔɔn Yerikò wɔ̀ɔ̀ doùn, jàma brìsi yè e gban è kpɛyn. 30Tà doùn, jaana mokun fii na tsùuŋnà shi dziɛ rè. Twɛy y'à myɛ̀un min niì ci Yesù rìì dɔ̀ɔn, yè e vu bo fààn na ci: «Tsìfaà, màsà kpiri Dawudà tsua dziàn, màtsuru mùn na !» 31Jàmaà yè fù è kpɛyn tɔ̀un, sànko yè e mɛnshɛ̀n. Ŋà, yè e vuà ɲansen kɔn kpɛrɛ ci: «Tsìfaà, màsà kpiri Dawudà tsua dzin Yesù, a yɛrɛ to e màtsuru mùn na !» 32Yesù yè e tsiì tɔ̀un, à yè è kiri, è tey ci: «Ye sào ni min fee rìì fa ye re ?» 33È ci à ra ci: «Tsìfaà, mùn jaa rèè rìì yè jɛ̀y fa.» 34È màtsuru yeè Yesù kun fɔ è bè geren. Tɔ̀un è dzyɛn è jaa rèè rà, tɔ̀ nɔ̀nkɔɔrɔn ko e sa, yè jɛ̀y fa. Yè e gban Yesù rà.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International