Lúcás 23

CAIBIDIOL XXIII.

Tuairisg na Páise ar leanṁaint.

1Agus d’eiriġeadar go léir agus do rugadar ag triall ar Ṗílát é. 2Agus ċromadar ar neiṫe do ċur ’n-a leiṫ, agus deiridís: Fuaramair é seo ag cur na ndaoine ar a n-aiṁleas, #Mait. 22:21; Marc. 12:17.agus ag cosg cíosa do ṫaḃairt do Ċaesar, agus ’ġá ráḋ gur b’é Críost an rí é. 3Agus do ċuir Pílát ceist ċuige agus duḃairt sé: An tusa rí na n-Iúdaċ? Agus duḃairt seisean ’ġá ḟreagraḋ: Deirir é.

4Agus duḃairt Pílát le h-uaċtaráin na sagart agus leis an sluaġ: Ní ḃfaiġim aon ċoir sa duine seo. 5Aċ do ġéaruiġ orṫa-san agus duḃradar: Tá sé ag buaireaṁ na ndaoine, ag teagasg ar fuid Iúdaéa go léir, ag tusnú ó Ġaililí go dtí an áit seo. 6Nuair a d’airiġ Pílát Gaililí d’ḟiafraiġ sé ar Ġaililíaċ an duine. 7Agus nuair a ṫuig sé gur le cóṁaċt Héróid a ḃain sé, ċuir sé ag triall ar Héród é, mar ḃí Héród i n-Ierúsalem na laeṫanta san.

8Agus nuair a ċonaic Héród Íosa ḃí áṫas ana-ṁór air, óir ḃí sé aḃfad ag súil le h-é d’ḟeisgint, mar ḃí sé tar éis a lán d’aireaċtaint ’n-a ṫaoḃ, agus ḃí súil aige go ḃfeicfeaḋ sé mírḃúilt ṁór éigin aige ’á ḋéanaṁ. 9Agus ḋein sé a lán cainte ’ġá ċeistiú. Aċ níor ṫug seisean aon ḟreagra air. 10Agus ṡeasaṁ uaċtaráin na sagart agus na Sgríḃneóirí agus iad coitċianta ag cur ’n-a leiṫ. 11Agus ṫug Héród agus a luċt airm tarcuisne ḋó, agus ċuir sé éadaċ bán air, ċun magaiḋ, agus ċuir sé ṫar n-ais ag triall ar Ṗílát é. 12Agus ṫáinig caradas an lá san idir Ṗílát agus Héród, mar, naṁaid ab eaḋ iad d’á céile roimis sin.

13Agus do ċruinniġ Pílát uaċtaráin na sagart agus maiṫe an ṗobuil agus na daoine. 14Agus duḃairt sé leó: Ṫugaḃair ċúġam an duine seo mar go raiḃ sé ag cur na ndaoine ar aiṁleas, agus féaċ, do ċeistiġeas os ḃúr gcóṁair é agus #Eóin 18:38; 19:4.ní ḃfuaras ciontaċ i n-aon níḋ é de sna neiṫiḃ atá agaiḃ ’á ċur ’n-a leiṫ. 15Agus ní lúġa ’ná mar a fuair Héród; mar do ċuireas ag triall air siḃ, agus féaċ níor deineaḋ aon níḋ leis ba ċóṁionan le bás. 16Smaċtóċad é agus leigfead ċun siuḃail é.

17Aċ ḃí air aoinne aṁáin do leigint saor ċúċa mar ġeall ar lá na féile. 18Aċ do liúiġ an pobul go léir agus duḃradar: Tóg uainn é seo agus sgaoil ċúġainn Barabbas, 19Fear a ḃí istiġ le marḃú duine agus mar ġeall an ċeannairc a deineaḋ sa ċaṫair. 20Aċ do laḃair Pílát leó airís a d’iarraiḋ Íosa do leigint saor. 21Agus is aṁlaiḋ a liúġadar níos aoirde: Dein é ċéasaḋ; dein é ċéasaḋ. 22Agus duḃairt seisean leó an tríṁaḋ h-uair: #Mait. 27:23; Marc. 15:14.Agus cad é an t-olc atá déanta aige? Ní ḃfaiġim aon ċoir ḃáis ann; smaċtóċad é, d’á ḃríġ sin, agus leigfead ċun siuḃail é. 23Aċ do leanadar-san ag liúiriġ do ġuṫanaiḃ árda go ndéanfaí é ċéasaḋ, agus do ḃuaiḋ a nguṫana. 24Agus ṫug Pílát mar ḃreiṫ an níḋ a ḃí uaṫa do ḋéanaṁ. 25Agus do leig sé saor ċúċa an fear a ḋ’iarradar, an fear a ḃí istiġ le marḃú duine agus le ceannairc; agus ṫug sé Íosa ḋóiḃ ċun a dtoile ḋ’imirt air.

26Agus nuair a ḃíodar ’ġá ḃreiṫ leó do rugadar ar ḋuine ó Ċíréné dár ḃ’ainim Símón, agus é ag teaċt isteaċ ó’n dtuaiṫ, agus ċuireadar an ċros ar a ṁuin ċun í ḋ’iompar i ndiaiḋ Íosa.

27Agus ḃí mórán daoine ’ġá leanṁaint, agus mná, agus iad ag gol agus ag caoi mar ġeall air. 28Agus d’iompuiġ Íosa orṫa agus duḃairt sé leó: A ṁná Ierúsaleim, ná ḃíḋiḋ ag gol mar ġeall orm-sa, aċ ḃíḋiḋ ag gol ar ḃúr son féin agus as son ḃúr gclainne. 29Óir tiocfaid na laeṫanta ’n-a ndéarfar, Is aoiḃinn do sna h-aimridiḃ, agus do sna broinníḃ nár rug clann, agus do sna cíoċaiḃ nár ṫál bainne. 30#Isáias 2:19; Ósee 10:8; Apoc. 6:16.An uair sin cromfaid daoine ar a ráḋ leis na sléiḃtiḃ, Tuitiḋ anuas orainn; agus leis na cnocaiḃ, Clúdaiġiḋ sinn. 31Óir má ḋeinid siad na neiṫe seo sa n-aḋmad ġlas, cad a déanfar sa n-aḋmad ċríon?

32Agus ḃí ḃeirt eile, beirt ṁéirleaċ, d’á mbreiṫ i n-aonḟeaċt leis ċun iad do ċur ċun ḃáis.

33Agus nuair a ḃíodar tagaiṫe ċun na h-áite ar a dtugtar Áit an ċloiginn do ċéasadar ansan é, agus an ḃeirt ḃiṫeaṁnaċ, duine, acu ar a láiṁ ḋeis agus an duine eile ar a láiṁ ċlé. 34Agus duḃairt Íosa: A Aṫair, maiṫ ḋóiḃ; óir ní fios dóiḃ cad ’tá acu ’á ḋéanaṁ. Agus do rainneadar a ḃaill éadaiġ, ’ġá gcur ar ċrannaiḃ.

35Agus ḃí na daoine ’n-a seasaṁ ag féaċaint air, agus ḃí na h-uaċtaráin ag magaḋ faoi leó, agus deiridís: D’ḟóir sé ar ḋaoiniḃ eile, fóireaḋ sé air féin, má ’sé an Críost é a toġaḋ ó Ḋia. 36Agus ḃí na saiġidiúirí ag déanaṁ magaiḋ faoi, ag teaċt agus ag taḃairt fínéigre ḋó, 37Agus deiridís: Má’s tú rí na n-Iúdaċ saor tú féin. 38Agus ḃí sgríḃinn sgríoḃṫa os a ċionn i litreaċaiḃ Gréigise agus Laidne agus Eaḃra: RÍ NA N-IÚDAĊ É SEO.

39Agus ṫug duine de’n ḃeirt ḃiṫeaṁnaċ a ḃí ar croċaḋ masla dó, agus deireaḋ sé: Má’s tú Críost dein tu féin agus sinne do ṡaoraḋ. 40Aċ do ḟreagair an fear eile é ag milleán air, agus duḃairt sé: An aṁlaiḋ ná fuil eagla Dé ort agus tú fé’n ndaor-ḃreiṫ ċéadna? 41Sinne áṁṫaċ, le ceart, mar do tugaḋ dúinn an rud a ḃi tuillte againn; aċ níor ḋein an duine seo aon droċ-níḋ. 42Ansan duḃairt sé le h-Íosa: A Ṫiġearna, nuair a ṫiocfair ad ríġeaċt cuiṁniġ orm-sa. 43Agus duḃairt Íosa leis: Deirim, leat go fíos go mbeiḋ tú i ḃflaṫas Dé indiu am’ ḟoċair-se.#23:43 Ver. 43. i ḃflaṫas Dé .i. sa n-inead suainis agus áṫais agus aoíḃnis síoruiḋe. Ḃ’é toil Íosa Críost, i ḃfuirm príḃléide áiriṫe, luaċt saoṫair a ċreidiṁ agus a adṁála ṫaḃairt do’n ḟoġluiḋe sin a ḋein aiṫriġe, .i. a ṗeacaí agus gaċ pionós d’ár lean iad do ṁaiteaṁ dó agus é ḃreiṫ leis, tar éis a ḃáis, isteaċ i gcóṁluadar na naoṁ, sa limbo san a ḃí le h-aṫarú n-a ṗáraiṫis ċóṁ luaṫ agus do raġaḋ ár Slánuiġṫeóir síos ann.

44Ansan ḃí sé tímpal na séṁaḋ h-uaire, agus ṫáinig doirċeaċt ar an ndoṁan go léir go dtí an naoṁaḋ h-uair. 45Agus do doirċiġeaḋ an ġrian; agus do stracaḋ brat an teampail tré n-a lár. 46Agus duḃairt Íosa, do ġuṫ árd: #Salm 30:6.A Aṫair, cuirim mo spioraid isteaċ ad’ láṁaiḃ. Agus ag rád na ḃfocal san dó, d’éag sé.

47Agus nuair a ċonaic an taoiseaċ céad cad a ṫárla ṫug sé glóire do Ḋia, agus duḃairt sé: Fíoraon ab eaḋ an duine seo gan aṁras. 48Agus an tsluaġ go léir daoine a ḃí ann ag féaċaint ar an raḋarc san, agus do ċonaic na neiṫe a ṫuit amaċ, ṫánadar ṫar n-ais agus iad ag bualaḋ a n-uċt. 49Agus a luċt aiṫne go léir, agus na mná do lean é ó Ġaililí, do ṡeasuiġeadar aḃfad amaċ, ag féaċaint ar na neiṫe sin.

50Agus féaċ, #Mait. 27:57; Marc. 15:43; Eóin 19:38.fear dár ḃ’ainim Ióseṗ, agus de’n ċóṁairle ab eaḋ é, fear fóġanta fíoraonta; 51Níor ṫoiliġ sé leis an gcóṁairle ’ná le n-a ngníoṁarṫa; ó Arimatéa b’eaḋ é, caṫair i n-Iúdaéa; agus ḃí sé ag súil le ríġeaċt Dé: 52Ṫáinig sé sin ag triall ag Pílát, agus d’iarr sé corp Íosa air. 53Agus ṫóg sé anuas é, agus d’ḟill sé i línéadaċ é, Agus ċuir sé i dtuama é a ḃí gearrṫa i gcaraig, agus nár cuireaḋ aoinne ann go dtí san, 54Agus ḃí lá an ollaṁuiġṫe ann, agus ḃí an tsabbóid ag teaċt.#23:54 Ver. 54. Parasceue .i. an oíḋċe, nú lá an ollaṁuiġṫe, do’n tSabbóid

55Agus ṫáinig na mná a lean é ó Ġaililí agus ċonacadar an tuama agus conus mar a ḃí an corp curṫa ann. 56Agus d’ḟilleadar agus d’ollaṁuiġeadar spíosra agus oíle, agus ansan #Exod. 20:10.do ġlacadar a suaiṁneas i gcaiṫeaṁ na sabbóide, do réir na h-aiṫne.

Currently Selected:

Lúcás 23: ABNPOLG

Highlight

Copy