Mateo 19

O Jesus sikavel katar gola kai mukenpe

(Mk 10.1-12; Lk 16.18)

1Kana o Jesus dia gala orbe llelotar katar e Galilea ta avilo ande ppuv katar e Judea kai si pe o goia rig katar o Jordan. 2Llelo pala le baro sueto, ta sastarda len isto kote.

3Ondaka nesave fariseura avile pasa o Jesus ta te zumaven le puchle le:

—¿Sai o manus mukelpe katar pi romi pala varesavi ezgoda?

4O Jesus ppenda:

—¿Ni chitisarden kai mai anglal kana o Del cherda e manusen, ‘cherda len murus ta diskinia’?#Gn 1.27; 5.2. 5Ta ppenda: ‘Goleke o murus ka mukel pe dade ta pe da te avel pe romiaia, ta e dui ka aven sargo iek manus’#Gn 2.24. 6Goleke von inai dui, akana von si iek; Goleke o manus morabi te na fulavel so o Del ttoda ande iek ttan.

7Ondaka e fariseura ppende leke:

—¿A soke o Moises mukla amenge e alava kai o murus sai tradel pe romia te dela la iek lil kai mukelpe latar?#Dt 24.1-4; Mt 5.31.

8O Jesus ppenda lenge:

—Isto soke tumaro lio si zuralo, o Moises mukla te muken tumare romien; a mai anglal ni saia gia. 9A me ppenau tumenge kai gua kai mukelpe katar pi romi, te na avelape kai voi lleli avere romea, i vou cherel kurvaluko te zinilape averiaia.#Mt 5.32; 1 Ko 7.10-11.

10Leke disipulura ppende leke:

—Te si gia gala ezgode maskar e zinime, avela mai sukar e muruseke te na zinilpe.

11Ondaka o Jesus ppenda lenge:

—Nesave llene ni acharen gala ezgode, samo gola kai si lenge dino sai acharen len. 12Pala but ezgode nesave manusa nasti zininpe; nesave biandon eunukura, averen cheren len eunukura a aver pala e charoina e Devleki ni zininpe. Ko sai acharel gaia ezgoda te acharel la.#cf. 1 Ko 7.1-9.

O Jesus blagosil e minonen

(Mk 10.13-16; Lk 18.15-17)

13Ondaka ande kai o Jesus nesave minonen te ttovel pe va pe lende ta te molilpe; a e disipulura die pe llene kai anena e minonen.#Mt 18.2-4. 14Ondaka o Jesus ppenda:

—Muken e minonen te aven mande ta na achaven len, soke lengi si e charoina e milosoki.

15Ta kana ttoda pe va pe lende, llelotar kotar.

O terno barvalo

(Mk 10.17-31; Lk 18.18-30)

16Ondaka avilo pasa o Jesus iek manus ta puchla le:

—Kovachi lachea, ¿Savi ezgoda lachi morabi te cherau te avel man o zivoto ostade?#Lk 10.25.

17O Jesus ppenda leke:

—¿Soke ikkare man lacho? Niko inai lacho samo iek: O Del. A te mangea te de ando zivoto, guruv e zakonura.#19.17 Lv 18.5.

18O terno puchla le:

—¿Save zakonura?

O Jesus ppenda leke:

—‘Na mundar, na cher kurvaluko, na chor, na ikan bune,#Ex 20.12-16; Dt 5.16-20. 19de liubao che dade ta che da,#Lv 19.18; Mt 22.39; Stg 2.8. ta volisar avere sar voli tu tut.’

20O terno ppenda leke:

—Sa gola ezgode ia cherdemlen sar kana sema ternorro. ¿So ios trubul man te cherau?

21O Jesus ppenda leke:

Te mangea te ave chachimaia orta, lla bichin so si tut ta dele e chorrenge. Gia ka avel tut barvalipe ando miloso. Ondaka aide ta lla pala ma.

22Kana o terno asunda gaia orba, llelotar zalbaia, soke saia but barvalo.

23Ondaka o Jesus ppenda pe disipulonenge:

—Chachimaia ppenau tumenge kai si but trudno iekke barvaleke te del ande charoina e milosoki. 24Pale o duito ppenau tumenge kai mai lesno si iekke devake te nakkel katar e iak iekke suviaki, neko te del iek barvalo ande charoina e Devleki.

25Kana e disipulura asunde gaia orba chudisaile ios mai but, ta ppenena:

—A te si gia, ¿ko ka avel braduime?

26O Jesus dikkla pe lende ta ppenda lenge:

—E manusa nasti cheren gava, a o Del sa sai cherel.

27Ondaka o Pedro ppenda leke:

—Amen muklam sa so saia amen, ta llelam pala tu. ¿So ka avel amen?

28O Jesus ppenda lenge:

—Chachimaia ppenau tumenge, kai kana ka avel o vreme kana sa ka avel nevipe, kana o Chavo e manuseko ka besel po trono barimako, tumen kai llelen pala ma, ka besen pe desudui tronura barimake te chinen e kris pe desudui viche katar o Israel.#Mt 25.31; Lk 22.30; cf. Dn 7.9-14. 29Ta sa gola kai pala ma mukle cher, pplalen, ppiorren, dade o dea, o chaurren o ppuvia, ka len stotina droma mai but, ta i ka len o zivoto ostade. 30A but llene kai akana si mai anglal, ka aven e mai palal; a but llene kai akana si mai palal, ka aven e mai anglal.#Mt 25.31; Lk 22.30; cf. Dn 7.9-14.

Currently Selected:

Mateo 19: ROM07

Highlight

Copy