Yochanan 21

kapitel ein un tsvantsik

1noch dem hot Yeshua/Yehoshua zich vider bavizen tsu di talmidim baim yam fun Tiberias; un hot zich bavizen oif aza oifen: 2es zenen geven tsuzamen Shim'on Petros un Toma, vos men hot im gerufen Didymos, un Natanel fun Cana in Galil, un Zavdais zin, un andere tsvei fun zaine talmidim. 3zogt Shim'on Petros tsu zei: ich gei fangen fish! zogen zei tsu im: mir velen oich kumen mit dir. un zei zenen aroisgegangen, un zenen aingeshtigen inem shifel; un in yener nacht hoben zei gornisht gechapt. 4un ven es iz shoin geven inderfri, iz Yeshua/Yehoshua geshtanen baim breg; doch hoben di talmidim nisht gevust, az es iz Yeshua/Yehoshua. 5un Yeshua/Yehoshua zogt tsu zei: kinder, tsi hot ir nisht epes (fangen fish) tsu esen? hoben zei im geentfert: nein! 6er ober hot tsu zei gezogt: varft arain di nets oif der rechter zait funem shifel, un ir vet gefinen. un zei hoben araingevorfen un hoben zi mer nisht gekent aroistsien, tsulib der mase fish. 7zogt yener talmid, velchen Yeshua/Yehoshua hot lib gehat, tsu Petrosn: es iz der Har! un vi Shim'on Petros hot gehert, az es iz der Har, hot er zich ongegurt zain oibermalbesh—vorem er iz geven naket—un hot zich araingevorfen in yam arain. 8di andere talmidim ober zenen gekumen inem shifel, vorem zei zenen nisht geven vait fun der yaboshe, nor an erech tsvei hundert elln, shlependik di nets mit fish. 9un ven zei zenen aroisgeshtigen oifen land, zen zei a faier fun koiln ongeleigt un a fish lign deroif un broit. 10zogt Yeshua/Yehoshua tsu zei: brengt aher fun di fish, vos ir hot itst gechapt. 11iz Shim'on Petros aingeshtigen un hot aroisgetsoigen di nets oif der yaboshe, ful mit groise fish, hundert drai un fiftsik, un hagam es iz geven azoifil, hot zich di nets doch nisht tserisn. 12zogt Yeshua/Yehoshua tsu zei: kumt, est onbaisen! un keiner fun di talmidim hot zich nisht untergeshtelt im tsu fregen: ver bistu? vail zei hoben gevust, az es iz der Har. 13kumt Yeshua/Yehoshua un nemt dos broit un git es zei, un oich azoi dem fish. 14dos dozike iz shoin dos drite mol vi Yeshua/Yehoshua hot zich bavizen tsu di talmidim, noch dem vi er iz oifgeshtanen fun di toite.

15un ven zei hoben opgegesen onbaisen, zogt Yeshua/Yehoshua tsu Shim'on Petrosn: Shim'on ben Yonah, tsi hostu mich lib mer vi di dozike? zogt er tsu im: yo, Har, du veist, az ich hob dich lib. zogt er tsu im: pashe maine lemer. 16vider tsum tsveitn mol zogt er tsu im: Shim'on ben Yonah, tsi hostu mich lib? zogt er tsu im: yo, Har, du veist, az ich hob dich lib. zogt er tsu im: pashe maine shof. 17tsum dritn mol zogt er tsu im: Shim'on ben Yonah, tsi hostu mich lib? iz Petros troierik gevoren, vail er hot tsu im gezogt tsum dritn mol: tsi hostu mich lib? un er hot tsu im gezogt: Har, du veist alts; du veist, az ich hob dich lib. zogt Yeshua/Yehoshua tsu im: pashe maine shefelech. 18beemes, beemes zog ich dir: ven du bist geven yung, hostu dich arumgegartlt un bist gegangen, vu du host gevolt; ober ven du vest alt veren, vestu oisshtreken daine hent, un an anderer vet dich arumgartelen un firen, vuahin du vest nisht velen. 19un dos dozike hot er gezogt, meramez zaiendik, mit vos far a toit er vet faherlechen Hashem. un noch dem vi er hot dos gezogt, zogt er tsu im: folg mir noch! 20oisdreiendik zich, zet Petros dem talmid nochfolgen, velchen Yeshua/Yehoshua hot lib gehat un velcher hot zich oich ongelent oif Yeshuas brust bai der sude, un hot gezogt: Har, ver iz es, vos farrat dich? 21un ven Petros hot im derzen, zogt er tsu Yeshuan/Yehoshuan: Har, un vos vegen dem dozikn? 22zogt Yeshua/Yehoshua tsu im: oib ich vil er zol blaiben, biz ich kum, vos geit dos dich on? du folg mir noch. 23un dos dozike vort iz aroisgegangen tsvishen di brider, az yener talmid vet nisht shtarben; Yeshua/Yehoshua ober hot nisht gezogt tsu im, az er vet nisht shtarben, nor: oib ich vil, az er zol blaiben biz ich kum, vos geit dos dich on?

24dos iz der talmid, vos zogt eides vegen di dozike zachn, un hot zei geshriben; un mir veisen, az zain eides zogen iz emes. 25es zenen ober faran noch a sach andere zachn, vos Yeshua/Yehoshua hot geton, velche, oib zei zolen bashriben veren, eine noch der anderer, bin ich mich meshaer, az in der velt volt nisht geven genug ort far di sforim, vos volten ongeshriben gevoren.

Currently Selected:

Yochanan 21: OYBCLATN

Highlight

Copy