Johannesi 16
16
Mbadi mwa kona kunitovoha
1“Yinu yino kutongwera na kuyimutongwera eshi, maghana sho mu tovohe. 2Hanu mbana mu tjidha mumasinagoge. Ene mbo dhi neya nako edhi mbo gha ghayara kehe yu ghokupagha yofotji ghopapenu, eshi ye ne gha karera Nyambi. 3Eyi ne mbana yi tendi, yoyishi wo ne mbadi ha dimuka Tate, Name temba. 4Eyi ne kuna kuyimutongwera popano eshi, apa mbo dhi kuma mo nako, mbo mu kone kuvuruka eshi na yi mu tongwerire yi. Shemwa, pakutanga mbadi na yi mu tongwerire, yoyi oku shime na karera nenu.
Yirughana yaMupepo ghoKupongoka
5“N̂anyi‐n̂anyi, kuyenda na kuyenda kwa yu gha ni tumine. Ene noyofotji temba ghopapenu yu ghana kunipura eshi: ‘Kupi ghuna kuyenda?’ 6Yoyi na yi mu tongwera, yo dhina kutokotera thikuma mitjima dhenu. 7Yodigho na kumutongwera ghushemwa: Ghuhunga kukwenu eshi ni yende, yoyishi ngeshi mbadi sho ni yende, ngo mbadi mbo gheya Mughambwereri kukwenu, ngeshi ni yende, Yame mbo ni ka mu tuma kukwenu. 8Apa mbo gheya, mbo ghana neghedha kaye eshi nomurandu wako pamaharwero, no ghuhunga ne kukwange. Kutetera ndhango kare kwa kara po. 9Hakaye hamurandu pamaharwero, yoyi mbadi ha tawa muMwange. 10Ghuhunga ne ghoghuno kukwange, yoyi kwaTate na kuyenda no mbadi sho mu ni mone karo. 11Matetero ghondhango ne kare gha kara po, yoyi thinda shakaye kano ne, kare gha pwa kutetera.
12“Na kara noyinu yoyingi yokumutongwera. Ene ngo mbadi sho mu yitjwathane. 13Pakwiya Mupepo ghoghushemwa, mbo ghana mu yenditha mughushemwa ghoghuhe. Yoyishi eyi mbo gha tongora, kadi yamumwendi thinda. Mbo ghana tongora vene eyi gha yuva, no mbo ghana mu yuvitha yokughutho. 14Mbo ghana ni fumaneka, yoyi eyi mbo gha tambura kukwange, mbo ghana yi mu yuvitha. 15Yoyiheya yi ya kara yaTate ne yange karo. Yo na ghambera eshi: Eyi mbo gha tambura kukwange, mbo ghana yi mu yivitha.
Yitokota yenu ne mbo yina piruka yishamberera
16“Tango kapupi mbadi sho mu ni mone, karo eshi kapupi mbo muna ni mono karo.”
17Ko kukwipudhura hakathishongero wendi hamweya eshi: “Nye yina kuninga eyi ghana kutongora kukwetu eshi: ‘Tango kapupi mbadi sho mu ni mone, munyima karo eshi, kapupi mbo muna ni mono karo’; no ‘kwaTate na kuyenda’? 18Aka kapupi ghana kughumba ne, yinye kana kuninga? Mbadi tuna kudimuka eshi nye ghana kughayara.” Dyo ha kuthire.
19Jesusi gha dimukire eshi hana shana kumwipura. Ha ningi kukwawo eshi: “Muna kughambathana yoyi na ningi eshi: Tango kapupi mbadi sho mu ni mone, no kapupi muna kunimona karo ndi? 20Yashemwa na kumutongwera: Mbo muna diri no mbo muna tokota. Kaye ne mbo ka na shamberera. Mbo muna ndundumena, ene ndundumena dhenu, mbo dhina piruka yishamberera. 21Mukamadi ghana kuwana ghukukutu pakunyatitha mwana kumushamurukero wendi. Ene ku ghana mana kushamuruka mwana, mbadi ghana kughayara karo kutjitju dhendi. Ghana kushamberera ghikuma, yoyi ghana shwagha munu pakaye. 22Kemo muna kundundumena namwe pan̂ananyi‐n̂anyi. Ene apa mbo ni mu mona karo, mbo dhina shamberera thikuma mitjima dhenu. No mbadiko yu mbo gha tunditha yishamberera papenu.
23“Mudiyuwa di, mbadi mbo mu ni pura karo thinu. Shemwa na kumutongwera, yoyihe yi mbo mu kumbera Tate muDina dyange, mbo ghana yi mu pa. 24Kate pashadyarero dino, mbadiko thi mwa kumbera muDina dyange. Mu kumbere, mbo muna tambura, no yishamberera yenu kemo mbo yi rikanyenena.
Ame ne na witha kaye
25“Yinu yi ne mumatangu na yi mu tongwera. Dhina kwiya nako edhi mbo ni dhira kughamba nenu mumatangu, ene mbo na mu tuywera kumutongwera yokwaTate. 26Kutunda mudiyuwa di, mbo muna kumbera muDina dyange. Ene kadi Yame mbo ni kara karo mughambwereri wenu kwaTate. 27Yoyishi Tate thinda gha mu haka, pamurandu ghokunihaka Name mwe. No mwa tawa eshi, kwaNyambi na tundire. 28KwaTate na tundire, ho ni di mukaye kano. Pashan̂yi‐n̂anyi, kuthigha na kuthigha karo kaye kano, gho na kuyenda kwaTate.”
29Hakathishongero wendi ha ningire eshi: “Mone, n̂anyi‐n̂anyi kutuyura ghuna kutuyura kughamba no mbadi ghuna kutangura karo. 30Tuna dimuka keho eshi wa dimuka yoyiheya, no mbadiko yu sho gha kutokomene kukwipura shime. Tuna tawa vene eshi kwaNyambi wa tunda.”
31Po gha wa hutherire Jesusi eshi: “Muna yi tawa keho? 32Mu mone, nako ne kwiya dhina kwiya, ene dhi dhina kara, apa sha mu haran̂anye, kehe yu ne kukwawo, ho mu ni thighe pithange. Ene kadi pithange nidi yoyishi Tate nange gha di. 33Eyi na kuyimutongwerera yi, eshi mu wane thiraro muMwange. Mukaye, mbo muna wana ghukukutu ene mwa kudhekera, na mana kuwitha kaye Me.”
Currently Selected:
Johannesi 16: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Johannesi 16
16
Mbadi mwa kona kunitovoha
1“Yinu yino kutongwera na kuyimutongwera eshi, maghana sho mu tovohe. 2Hanu mbana mu tjidha mumasinagoge. Ene mbo dhi neya nako edhi mbo gha ghayara kehe yu ghokupagha yofotji ghopapenu, eshi ye ne gha karera Nyambi. 3Eyi ne mbana yi tendi, yoyishi wo ne mbadi ha dimuka Tate, Name temba. 4Eyi ne kuna kuyimutongwera popano eshi, apa mbo dhi kuma mo nako, mbo mu kone kuvuruka eshi na yi mu tongwerire yi. Shemwa, pakutanga mbadi na yi mu tongwerire, yoyi oku shime na karera nenu.
Yirughana yaMupepo ghoKupongoka
5“N̂anyi‐n̂anyi, kuyenda na kuyenda kwa yu gha ni tumine. Ene noyofotji temba ghopapenu yu ghana kunipura eshi: ‘Kupi ghuna kuyenda?’ 6Yoyi na yi mu tongwera, yo dhina kutokotera thikuma mitjima dhenu. 7Yodigho na kumutongwera ghushemwa: Ghuhunga kukwenu eshi ni yende, yoyishi ngeshi mbadi sho ni yende, ngo mbadi mbo gheya Mughambwereri kukwenu, ngeshi ni yende, Yame mbo ni ka mu tuma kukwenu. 8Apa mbo gheya, mbo ghana neghedha kaye eshi nomurandu wako pamaharwero, no ghuhunga ne kukwange. Kutetera ndhango kare kwa kara po. 9Hakaye hamurandu pamaharwero, yoyi mbadi ha tawa muMwange. 10Ghuhunga ne ghoghuno kukwange, yoyi kwaTate na kuyenda no mbadi sho mu ni mone karo. 11Matetero ghondhango ne kare gha kara po, yoyi thinda shakaye kano ne, kare gha pwa kutetera.
12“Na kara noyinu yoyingi yokumutongwera. Ene ngo mbadi sho mu yitjwathane. 13Pakwiya Mupepo ghoghushemwa, mbo ghana mu yenditha mughushemwa ghoghuhe. Yoyishi eyi mbo gha tongora, kadi yamumwendi thinda. Mbo ghana tongora vene eyi gha yuva, no mbo ghana mu yuvitha yokughutho. 14Mbo ghana ni fumaneka, yoyi eyi mbo gha tambura kukwange, mbo ghana yi mu yuvitha. 15Yoyiheya yi ya kara yaTate ne yange karo. Yo na ghambera eshi: Eyi mbo gha tambura kukwange, mbo ghana yi mu yivitha.
Yitokota yenu ne mbo yina piruka yishamberera
16“Tango kapupi mbadi sho mu ni mone, karo eshi kapupi mbo muna ni mono karo.”
17Ko kukwipudhura hakathishongero wendi hamweya eshi: “Nye yina kuninga eyi ghana kutongora kukwetu eshi: ‘Tango kapupi mbadi sho mu ni mone, munyima karo eshi, kapupi mbo muna ni mono karo’; no ‘kwaTate na kuyenda’? 18Aka kapupi ghana kughumba ne, yinye kana kuninga? Mbadi tuna kudimuka eshi nye ghana kughayara.” Dyo ha kuthire.
19Jesusi gha dimukire eshi hana shana kumwipura. Ha ningi kukwawo eshi: “Muna kughambathana yoyi na ningi eshi: Tango kapupi mbadi sho mu ni mone, no kapupi muna kunimona karo ndi? 20Yashemwa na kumutongwera: Mbo muna diri no mbo muna tokota. Kaye ne mbo ka na shamberera. Mbo muna ndundumena, ene ndundumena dhenu, mbo dhina piruka yishamberera. 21Mukamadi ghana kuwana ghukukutu pakunyatitha mwana kumushamurukero wendi. Ene ku ghana mana kushamuruka mwana, mbadi ghana kughayara karo kutjitju dhendi. Ghana kushamberera ghikuma, yoyi ghana shwagha munu pakaye. 22Kemo muna kundundumena namwe pan̂ananyi‐n̂anyi. Ene apa mbo ni mu mona karo, mbo dhina shamberera thikuma mitjima dhenu. No mbadiko yu mbo gha tunditha yishamberera papenu.
23“Mudiyuwa di, mbadi mbo mu ni pura karo thinu. Shemwa na kumutongwera, yoyihe yi mbo mu kumbera Tate muDina dyange, mbo ghana yi mu pa. 24Kate pashadyarero dino, mbadiko thi mwa kumbera muDina dyange. Mu kumbere, mbo muna tambura, no yishamberera yenu kemo mbo yi rikanyenena.
Ame ne na witha kaye
25“Yinu yi ne mumatangu na yi mu tongwera. Dhina kwiya nako edhi mbo ni dhira kughamba nenu mumatangu, ene mbo na mu tuywera kumutongwera yokwaTate. 26Kutunda mudiyuwa di, mbo muna kumbera muDina dyange. Ene kadi Yame mbo ni kara karo mughambwereri wenu kwaTate. 27Yoyishi Tate thinda gha mu haka, pamurandu ghokunihaka Name mwe. No mwa tawa eshi, kwaNyambi na tundire. 28KwaTate na tundire, ho ni di mukaye kano. Pashan̂yi‐n̂anyi, kuthigha na kuthigha karo kaye kano, gho na kuyenda kwaTate.”
29Hakathishongero wendi ha ningire eshi: “Mone, n̂anyi‐n̂anyi kutuyura ghuna kutuyura kughamba no mbadi ghuna kutangura karo. 30Tuna dimuka keho eshi wa dimuka yoyiheya, no mbadiko yu sho gha kutokomene kukwipura shime. Tuna tawa vene eshi kwaNyambi wa tunda.”
31Po gha wa hutherire Jesusi eshi: “Muna yi tawa keho? 32Mu mone, nako ne kwiya dhina kwiya, ene dhi dhina kara, apa sha mu haran̂anye, kehe yu ne kukwawo, ho mu ni thighe pithange. Ene kadi pithange nidi yoyishi Tate nange gha di. 33Eyi na kuyimutongwerera yi, eshi mu wane thiraro muMwange. Mukaye, mbo muna wana ghukukutu ene mwa kudhekera, na mana kuwitha kaye Me.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986