Johannesi 19
19
Hana kumutapa Jesusi ha mu pamarere kuthikurushe
(Mat 27:22–31; Mark 15:12–20; Luk 23:20–25)
1Ha mu tapa Pilatusi Jesusi ha mu mwashure. 2Hamashorondate ha thetire n̂ata dhomighunga, no ha dhi mu kurekire kumutwi wendi. 3Gho ha mu kavire nomwaye ghoghukihu no handadhokire ghumuhenyene ghuninga eshi: “Ghurumere, fumu waWajuda!” No roruhe kengeyo pakumungcambura.
4Pilatusi gha shwaghire karo panunda no gha ningire kwaWajuda eshi: “Mu mone, kushwaghitha na kumumushaghithera, po sho mu dimukere eshi, yame ghokukanga eshi kuwana murandu mumwendi.” 5Jesusi gha shwaghire panunda non̂ata dhomighunga nomwaye ghoghukihu. Ha ningi Pilatusi kukwawo eshi: “Munu po ndi!”
6Apa ha mu monine hapristeri hohakuru nawakareri hondhango, handadhokire eshi: “Ghu mu pamarere kuthikurushe! Ghu mu pamarere kuthikurushe!”
Pilatusi gha ningire eshi: “Mu mu tumbure no mu mu maparere, yoyishi mbadi na kuwana murandu mumwendi.” 7Hajuda ha mu tongwerire eshi: “Atwe twa kara nomuragho, no mumuragho wetu gha fe vene. Yoyi ghana kutendi thinda Mwana Nyambi.” 8Pakuyiyuva Pilatusi, gha yapire karo thikuma. 9Hengena karo mumarombe ghendi no ghepurire Jesusi eshi: “Kupi wa tunda we?”
Jesusi ne mbadi gha mu huthire non̂umbu temba. 10Ko kuninga Pilatusi kukwendi eshi: “Mbadi ghuna kughamba nange ndi? Ghuna dimuka eshi, ame ne na kara nomahimeno ghokukushutura nomahineno ghokukupamarera ndi?”
11Ha mu hutha Jesusi eshi: “Mbadi wa kara nongcamu kukwange, ngeshi mbadi ha kupa ngcamu kuwiru. Yodigho, oyu ghana ni tape me kukoye, ghana kara nomurandu ghokupiterera thikuma.”
12Kutunda po, gha yerekire Pilatusi eshi gha mu thighe. Ene Hajuda handadhokire eshi: “Ngeshi ghu mu thighe, ngo kadi ghomuhakwa wafumu shokuru. Yoyishi kehe yu ghokukutenda thinda ghufumu, gheman̂anyena fumu shokuru.”
13Pakuyuva Pilatusi yoyiheya yi, ko kushwaghitha kwendi Jesusi panunda no gha ka hungumanine padipuna dyondhango, mudyango di ha tire thumbe thomawe mumataneno, muThiheburayi eshi: “Gabbata.” 14Agha ne gha karire makwindukero ghoPaska, no rwa karire ruvedhe roviri kwoko nodhofotji pamathiku‐thiku. Ha ningi kwaWajuda eshi: “Fumu wenu ne no!”
15Awo handadhokire eshi: “Mu shwaghithe po! Mu shwaghithe po! Mu pamarere!”
Pilatusi gha wepurire eshi: “Ni pamarere fumu wenu ndi?”
Hapristeri hohakuru ha huthire eshi: “Mbadi twa kara nofumu twe, shimengwa fumu shokuru keho.”
16Yodigho payipura yawo, ko kumuwapa eshi ha ka mu pamarere. Nawo ha mu shimbire.
Hana kumupamarera Jesusi
(Mat 27:32–44; Mark 15:21–32; Luk 23:26–43)
17Jesusi thinda gha shimbire thikurushe no gha shwaghire, gha yende kudyango dyokateneghere, thika di ha di toya mu Thiheburayi eshi: “Golgata.” 18Ko ha ka mu pamarerire kuthikurushe, pofotji nohawonawo hawadi kehe yu kumutura ghumweya, Jesusi ne mukatji.
19Pilatusi gha tjangire po karo thikurutjanga pathikurushe. Gha tjangire po eshi: “Jesusi ghoMukanasareti, Fumu waWajuda.” 20Wingi wawo Hajuda ha toyire thikurutjanga thi, yoyishi dyango di ha mu pamarerire Jesusi, dya karire pepi nombara. Thikurutjanga tha karire muThiheburayi no muThilatayini no muThihirika. 21Hapristeri hohakuru waWajuda ha ningire kwaPilatusi eshi: “Wa tjanga po eshi: ‘Fumu waWajuda.’ Ene aye gha ningire eshi: ‘Yame fumu waWajuda.’ ”
22Pilatusi gha wa tongwrire eshi: “Eyi na mana kutjanga me, yina pu kutjanga.”
23Apa ha manine hamashorondate kumupamerera Jesusi, ko kutumbura mwaye wendi ha ghu kutetawere muyipindhi yine, kwakehe yu ne thipindhi. Ha tumburire karo nothitere thendi thokwishi. Atho ne tha pirire mukungo kutunda kuwiru kate pamuve. 24Ha ghambathana kwawo eshi: “Twa thi payura. Mwiye tutendere po fungu‐fungu eshi, yidye sho gha thi tumbure.” Ya karire kemo eshi yi rikanye yitjanga eyi ya ninga eshi:
“Ha kutaperire yivata yange,
nothokwishi ha tenderire po fungu‐fungu.”
Eyi ne yo ha tendire hamashorondate.
25Pathikurushe thaJesusi, hemanine po karo nyina namina nyina naMaria, ghomuna Kleghofasi, naMaria Magdalena. 26Pakumona Jesusi nyina, namukathishongero yu gha hakire thikuma ha nemana kukwendi, gha ningire kwanyina eshi: “Nawe, mwanoye ne yo.”
27Munyima gha ningire kwamukathishongero eshi: “Nyoko ne yo.” Kutunda mudiyuwa di, mukathishongero gha shimbire nyina kundhugho dhendi.
Kuna kufa Jesusi
(Mat 27:45–56; Mark 15:33–41; Luk 23:44–49)
28Munyima gha dimukire Jesusi eshi, yina rikanya yoyiheya, no eshi yi pwe kurikanyitha yitjanga gha ningire eshi: “Na fu dinota.”
29Pa karire thitere thokuyara vinyu ghomasheshe. Hamashorondate ha tjurire ngcokwe kukatondo, no ha mu tuwire muvinyu ghomasheshe gho ha mu poporithire ko. 30Apa gha manine Jesusi kupopora vinyu ghomasheshe, gha ningire eshi: “Yina rikanya!”
Ko kukoteka mutwi wendi ko kufa keho.
31Edi ne diyuwa dyoGhukwoko. Ene Hajuda mbadi ha hakire eshi yirama ne yambe pathikurushe muSabata. Yoyishi Sabata ne dya karire diyuwa dyodikuru. Yo hepwerire kwaPilatusi eshi, hanu wa ha namba payikurushe, ha pwe kutjoraghura maghuru ghawo no ha wa tundithe po. 32Ko kwiya hamashorondate no ha tjoraghurire maghuru ghamukakutanga, ndani ghoghuwadi awa hambire pofotji naJesusi. 33Ene pa ha henyine kwaJesusi no kumona eshi ghana fu, mbadi ha tjorire maghuru ghendi. 34Ghumweya ghopawamashorondate, gha tuyurire matji dhendi nodighonga, popo vene ko kundendesha mo manyinga nomeyu.
35Oyu gha yi monine, gha yi nongononine, nomanongweneno ghendi ne gha ghushwemwa. No gha dimukire eshi ghushemwa ghana kughamba, namwe mu kone kutawa. 36Ya karire kemo yi kone kurikanya yitjanga eshi: “Nothishokora temba mba tjora papendi.” 37Thitjanga thimweya tha ghamba karo eshi: “Mbana dighamena koyu ha twire.”
Mavumbekero ghaJesusi
(Mat 27:57–61; Mark 15:42–47; Luk 23:50–56)
38No munyima dhoyinu yi, Josefu ghomukaArimateya, oyu gha karire mukathishongero waJesusi mughudhindo, muwoma ghokwaWajuda, ghepurire kwaPilatusi kukushimba mwimba waJesusi. Pilatusi gha mu tawedhire. Josefu gha yendire no gha ka kururire mwimba wendi. 39Nikodemusi oyu gha yendire thikandho thimweya mughuthiku kwaJesusi, naye gheyire no gha shimbire munde ghokuvunga‐vunga nokathira nomira, ho ya karire ngwa maliteri makumi kwoko. 40Awo ha tumburire mwimba waJesusi no ha ghu wethire nothende, gho ha ghu dhingire nomahina, thika di tha karire thitjo thaWajuda ngeshi ku hana kuvumbeka ghumweya.
41Padyango di ha mu pamarerire Jesusi, pa karire dipya, nomudipya ne mbira dhodhipya, edhi ha dhirire kuvumbeka mo ghumweya panganyi. 42Mo ha vumbekire Jesusi, yoyi diyuwa dyoSabata waWajuda, dya kokerire, mbira nadho dha karire pepi.
Currently Selected:
Johannesi 19: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Johannesi 19
19
Hana kumutapa Jesusi ha mu pamarere kuthikurushe
(Mat 27:22–31; Mark 15:12–20; Luk 23:20–25)
1Ha mu tapa Pilatusi Jesusi ha mu mwashure. 2Hamashorondate ha thetire n̂ata dhomighunga, no ha dhi mu kurekire kumutwi wendi. 3Gho ha mu kavire nomwaye ghoghukihu no handadhokire ghumuhenyene ghuninga eshi: “Ghurumere, fumu waWajuda!” No roruhe kengeyo pakumungcambura.
4Pilatusi gha shwaghire karo panunda no gha ningire kwaWajuda eshi: “Mu mone, kushwaghitha na kumumushaghithera, po sho mu dimukere eshi, yame ghokukanga eshi kuwana murandu mumwendi.” 5Jesusi gha shwaghire panunda non̂ata dhomighunga nomwaye ghoghukihu. Ha ningi Pilatusi kukwawo eshi: “Munu po ndi!”
6Apa ha mu monine hapristeri hohakuru nawakareri hondhango, handadhokire eshi: “Ghu mu pamarere kuthikurushe! Ghu mu pamarere kuthikurushe!”
Pilatusi gha ningire eshi: “Mu mu tumbure no mu mu maparere, yoyishi mbadi na kuwana murandu mumwendi.” 7Hajuda ha mu tongwerire eshi: “Atwe twa kara nomuragho, no mumuragho wetu gha fe vene. Yoyi ghana kutendi thinda Mwana Nyambi.” 8Pakuyiyuva Pilatusi, gha yapire karo thikuma. 9Hengena karo mumarombe ghendi no ghepurire Jesusi eshi: “Kupi wa tunda we?”
Jesusi ne mbadi gha mu huthire non̂umbu temba. 10Ko kuninga Pilatusi kukwendi eshi: “Mbadi ghuna kughamba nange ndi? Ghuna dimuka eshi, ame ne na kara nomahimeno ghokukushutura nomahineno ghokukupamarera ndi?”
11Ha mu hutha Jesusi eshi: “Mbadi wa kara nongcamu kukwange, ngeshi mbadi ha kupa ngcamu kuwiru. Yodigho, oyu ghana ni tape me kukoye, ghana kara nomurandu ghokupiterera thikuma.”
12Kutunda po, gha yerekire Pilatusi eshi gha mu thighe. Ene Hajuda handadhokire eshi: “Ngeshi ghu mu thighe, ngo kadi ghomuhakwa wafumu shokuru. Yoyishi kehe yu ghokukutenda thinda ghufumu, gheman̂anyena fumu shokuru.”
13Pakuyuva Pilatusi yoyiheya yi, ko kushwaghitha kwendi Jesusi panunda no gha ka hungumanine padipuna dyondhango, mudyango di ha tire thumbe thomawe mumataneno, muThiheburayi eshi: “Gabbata.” 14Agha ne gha karire makwindukero ghoPaska, no rwa karire ruvedhe roviri kwoko nodhofotji pamathiku‐thiku. Ha ningi kwaWajuda eshi: “Fumu wenu ne no!”
15Awo handadhokire eshi: “Mu shwaghithe po! Mu shwaghithe po! Mu pamarere!”
Pilatusi gha wepurire eshi: “Ni pamarere fumu wenu ndi?”
Hapristeri hohakuru ha huthire eshi: “Mbadi twa kara nofumu twe, shimengwa fumu shokuru keho.”
16Yodigho payipura yawo, ko kumuwapa eshi ha ka mu pamarere. Nawo ha mu shimbire.
Hana kumupamarera Jesusi
(Mat 27:32–44; Mark 15:21–32; Luk 23:26–43)
17Jesusi thinda gha shimbire thikurushe no gha shwaghire, gha yende kudyango dyokateneghere, thika di ha di toya mu Thiheburayi eshi: “Golgata.” 18Ko ha ka mu pamarerire kuthikurushe, pofotji nohawonawo hawadi kehe yu kumutura ghumweya, Jesusi ne mukatji.
19Pilatusi gha tjangire po karo thikurutjanga pathikurushe. Gha tjangire po eshi: “Jesusi ghoMukanasareti, Fumu waWajuda.” 20Wingi wawo Hajuda ha toyire thikurutjanga thi, yoyishi dyango di ha mu pamarerire Jesusi, dya karire pepi nombara. Thikurutjanga tha karire muThiheburayi no muThilatayini no muThihirika. 21Hapristeri hohakuru waWajuda ha ningire kwaPilatusi eshi: “Wa tjanga po eshi: ‘Fumu waWajuda.’ Ene aye gha ningire eshi: ‘Yame fumu waWajuda.’ ”
22Pilatusi gha wa tongwrire eshi: “Eyi na mana kutjanga me, yina pu kutjanga.”
23Apa ha manine hamashorondate kumupamerera Jesusi, ko kutumbura mwaye wendi ha ghu kutetawere muyipindhi yine, kwakehe yu ne thipindhi. Ha tumburire karo nothitere thendi thokwishi. Atho ne tha pirire mukungo kutunda kuwiru kate pamuve. 24Ha ghambathana kwawo eshi: “Twa thi payura. Mwiye tutendere po fungu‐fungu eshi, yidye sho gha thi tumbure.” Ya karire kemo eshi yi rikanye yitjanga eyi ya ninga eshi:
“Ha kutaperire yivata yange,
nothokwishi ha tenderire po fungu‐fungu.”
Eyi ne yo ha tendire hamashorondate.
25Pathikurushe thaJesusi, hemanine po karo nyina namina nyina naMaria, ghomuna Kleghofasi, naMaria Magdalena. 26Pakumona Jesusi nyina, namukathishongero yu gha hakire thikuma ha nemana kukwendi, gha ningire kwanyina eshi: “Nawe, mwanoye ne yo.”
27Munyima gha ningire kwamukathishongero eshi: “Nyoko ne yo.” Kutunda mudiyuwa di, mukathishongero gha shimbire nyina kundhugho dhendi.
Kuna kufa Jesusi
(Mat 27:45–56; Mark 15:33–41; Luk 23:44–49)
28Munyima gha dimukire Jesusi eshi, yina rikanya yoyiheya, no eshi yi pwe kurikanyitha yitjanga gha ningire eshi: “Na fu dinota.”
29Pa karire thitere thokuyara vinyu ghomasheshe. Hamashorondate ha tjurire ngcokwe kukatondo, no ha mu tuwire muvinyu ghomasheshe gho ha mu poporithire ko. 30Apa gha manine Jesusi kupopora vinyu ghomasheshe, gha ningire eshi: “Yina rikanya!”
Ko kukoteka mutwi wendi ko kufa keho.
31Edi ne diyuwa dyoGhukwoko. Ene Hajuda mbadi ha hakire eshi yirama ne yambe pathikurushe muSabata. Yoyishi Sabata ne dya karire diyuwa dyodikuru. Yo hepwerire kwaPilatusi eshi, hanu wa ha namba payikurushe, ha pwe kutjoraghura maghuru ghawo no ha wa tundithe po. 32Ko kwiya hamashorondate no ha tjoraghurire maghuru ghamukakutanga, ndani ghoghuwadi awa hambire pofotji naJesusi. 33Ene pa ha henyine kwaJesusi no kumona eshi ghana fu, mbadi ha tjorire maghuru ghendi. 34Ghumweya ghopawamashorondate, gha tuyurire matji dhendi nodighonga, popo vene ko kundendesha mo manyinga nomeyu.
35Oyu gha yi monine, gha yi nongononine, nomanongweneno ghendi ne gha ghushwemwa. No gha dimukire eshi ghushemwa ghana kughamba, namwe mu kone kutawa. 36Ya karire kemo yi kone kurikanya yitjanga eshi: “Nothishokora temba mba tjora papendi.” 37Thitjanga thimweya tha ghamba karo eshi: “Mbana dighamena koyu ha twire.”
Mavumbekero ghaJesusi
(Mat 27:57–61; Mark 15:42–47; Luk 23:50–56)
38No munyima dhoyinu yi, Josefu ghomukaArimateya, oyu gha karire mukathishongero waJesusi mughudhindo, muwoma ghokwaWajuda, ghepurire kwaPilatusi kukushimba mwimba waJesusi. Pilatusi gha mu tawedhire. Josefu gha yendire no gha ka kururire mwimba wendi. 39Nikodemusi oyu gha yendire thikandho thimweya mughuthiku kwaJesusi, naye gheyire no gha shimbire munde ghokuvunga‐vunga nokathira nomira, ho ya karire ngwa maliteri makumi kwoko. 40Awo ha tumburire mwimba waJesusi no ha ghu wethire nothende, gho ha ghu dhingire nomahina, thika di tha karire thitjo thaWajuda ngeshi ku hana kuvumbeka ghumweya.
41Padyango di ha mu pamarerire Jesusi, pa karire dipya, nomudipya ne mbira dhodhipya, edhi ha dhirire kuvumbeka mo ghumweya panganyi. 42Mo ha vumbekire Jesusi, yoyi diyuwa dyoSabata waWajuda, dya kokerire, mbira nadho dha karire pepi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986