1 Mose 32
32
1Buna Labani wutelama nsuka nsuka, wubumba batekolo bandi ayi bana bandi babaketo, wubasakumuna ayi wuvutuka ku buala buandi.
Mbuabununu yi Yakobi ayi Esawu
2Vayi Yakobi wutatamana nzila andi buna zimbasi zi Nzambi ziyiza kumbuana. 3Yakobi bu kabamona, wuyamikina: «Wawu nkangu wu Nzambi!» Ayi wutedila fulu kiokio Mahanayimi#32.3 Mahanayimi: dibangudulu: Makabu mole. Nsoniki weti dedikisa diambu diadi ayi bibuku 8-9. Buala bobo buidi vioka Yodani fika fika ayi nlangu wunene wu Yaboki, buisi zabakana ko. .
4Yakobi wufidisa va ntuala andi zimvuala kudi khomba andi Esawu mu tsi yi Seyili#32.4 Buala bu Edomi ayi tsi yi Seyili: Mazina mole masadulu mu tedila tsi yi yalumukini tona ku wanda tsi nate ku wanda tsi ku ntotukilanga thangu yi mbu wu tsalu.mu ndambu yi buala bu Edomi. 5Wubavana thumunu yayi: «Kambeno banga buabu kudi mfumu ami Esawu: “Tala bukembi kisadi kiaku Yakobi: Ndikedi ku nzo Labani ayi ndizingidi kuna nate buabu. 6Mbeki zingombe ayi ziphunda, mameme ayi zikhombo, bisadi bi babakala ayi bi bakheto Ndibaka lukanu mu kufidisa zimvuala kudi ngeyo mfumu ami Esawu mu diambu nditambula nlemvo va meso mandi.”»
7Zimvuala zivutuka kudi Yakobi ayi bakamba: «Tubedi kudi khomba aku Esawu. Niandi phe wulembo yizi mu kubuana, beki khama ziya zi babakala badi yandi.» 8Yakobi wumona wonga ayi zakama kimbuila. Wuvasa mu makabu mole batu baba yandi, mameme ayi zikhombo, zingombe ayi zikamela. 9Ayi wukikamba: «Ti Esawu tudidi va kabu dimosi ayi muangisini diawu, dikabu disiedi madivuka.»
10Yakobi wusambila: «O Nzambi yi khaya ami Abalami, yi se diami Isaki, O Yave, keti ngeyo wukhembi: “Vutuka ku tsi aku, ku kanda diaku ayi mandi vangila mambote.” 11Ndisi fuana ko mu mambote maku mamo ayi kikuikizi kiwumonisini kudi sadi kiaku Bila mu nkawa ami wumosi kaka ndisabuka Yodani ayi buabu mbe kubika makabu mole. 12Lemvuka, wuthanina mu koko ku khomba ami, mu koko ku Esawu! Bila wonga kalembo mbonisa, bila yandi lenda mana ku mbunga, ngudi ayi bana. 13Vayi ngeyo wukamba mu kedika: “Mandi vangila mambote ayi mandi funisa nkuna aku banga nienge va simu di mbu wuka wulendi tangakana ko#32.13 Tala 28.14, dedikisa 22.17. mu diambu di woka kuandi kuphuele.”»
14Wukala va fulu kiokio mu builu buna. Mu bibulu biba yandi, Yakobi wubonga nkayilu mu diambu di khomba andi Esawu. 15Khama zole zi zikhombo zikheto, makumole ma zikhombo zi mbakala, khama zole zi mameme makheto ayi makumole ma mameme ma mbakala. 16Makumi matatu ma kamela zikheto zilembo yemika ayi bana bawu, makumaya ma zingombe zikheto ayi kumi di zingombe zimbakala, makumole ma ziphunda zikheto ayi kumi di ziphunda zimbakala. 17Buna wutambika mu moko ma bisielo biandi kadika nkangu mutu na biandi ayi wubakambanga kudi sielo biandi: «Lutuamineno kuntuala ayi bikeno divuasa va khati dioso dikamba.» 18Buna wuvana thumunu kudi sielo kithete ayi wukamba: «Ti Esawu, khomba ami wukubueni ayi wuyuvudi banga buabu: “Na wuvuidi? Kue wulembo yendi? Na vuidi bibulu biobio bidi vantuala aku?”»
19Mawuvutula: «“Bi sielo kiaku Yakobi, nkayilu kafidisisidi kudi mfumu ami Esawu ayi niandi veka wulembo yizi ku mbusa eto.”» 20Buna wuvana thumunu yo yawu kudi sielo kinzole, kudi wuntatu ayi kudi babo babadiata ku mbusa nkangu bibulu ayi wubalubula: «Bo buawu phe malukamba Esawu bu malummona, 21Ayi malu buela kunkamba :“Sielo kiaku Yakobi wulembo yizi ku mbusa eto.”»
Bila wubanza banga buabu: «Mandilembika nganzi ziandi bundituamisini nkayilu wawu ayi kumbusa mandimona va ntuala ami ayi bulendakana makathambula mu yenge.» 22Nkayilu wutuama, vayi niandi veka wusiala va fulu beni mu builu bobo.
Yakobi wunuana ayi Nzambi
23Muna builu beni, wutelama, wubonga baketo bandi bole, bisadi biandi biole bi baketo, kumi ayi muana andi wumosi, wusabukila va sabu ki Yaboki.
24Buna wubabonga ayi wubasabula va fimuila ayi wuviokisa bibio bikavua#32.24 Yaboki: muila wundambu yi ntotukilanga thangu yi Yodani., 25Yakobi wusiala niandi veka. Buna mutu mosi wuba nuana yandi mu ngolo zizio nate va nkielo buisi. 26Mu thangu mutu beni wubanuana yandi kamona ti kasi kunnunga ko, wusimba thingu yi Yakobi ayi dikuma di Yakobi dilebikini bu kabanuana yandi. 27Landila dio mutu wowo wunkamba: «Wumbiki ndienda bila buisi bukiedi.» " Yakobi wuvutula: «Ndilendi kubika ko ti wukadi kutsakumuna.»
28Wunyuvula: «Zina diaku nani?» Wumvutudila : «Yakobi.» 29Wubuela tuba: «Balendi buekutedila Yakobi ko vayi Isaeli#32.29 Mu ki Ebeleo, Isaeli dibangudulu wunuana ayi Nzambi, tala phe 35.10. bila menuana na Nzambi ayi batu ayi ku tsuka mvita zizio, wunungini kuaku.»
30Yandi phe wunyuvula: «Wukhambi zina diaku.» Vayi wumvutudila: «Bila mbi yuvudi zina diami?» Mu diodio wunsakumuna va fulu kiokio ki baba. 31Yakobi wukamba: «Mbueni Nzambi zizi mu zizi ayi ndidi wumoyo.» Diawu katedila fulu beni: «Penueli dibangudulu “Zizi ki Nzambi”.»
32Buisi buba bukia bu kavioka Penueli. Vayi wubatiudika mu diata. 33Diawu, nate buabu bana ba Isaeli badianga ko muanzi widi va bunda bunda bila mutu wowo wusimba muanzi widi va yikikina kuma di Yakobi.
Currently Selected:
1 Mose 32: YOM-CD
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation
