1 Mose 48
48
Yakobi wusakumuna bana ba Yosefi
1Landila mambu momo, bakamba Yosefi ti se diandi wubabela. Wuyenda ayi bana bandi bole, Manase ayi Efalayimi. 2Bu bakamba Yakobi ti muana andi Yosefi wizidi mu nkutala, Yakobi wusa ngolo ayi wukala va mbuka. 3Buna Yakobi wukamba Yosefi: «Nzambi Mpungu-Tulendu wumbonikina ku Luzi, mu tsi Kanana ayi wutsakumuna. 4Buna wukhamba: “Mandikuvana mbutu, mandikuniekisa ayi mandikukitula lukutukunu lu batu, mandivana tsi yayi kudi nkuna aku wunkuiza boso mvuilu mu thangu zizo.”» 5Yakobi wubuela kamba: «Buabu bana baku bole babakala ba wubutidi mu tsi Ngipiti tekila ndiza kudi ngeyo ku Ngipiti, minu phuidi. Efalayimi ayi Manase mababa bami banga Lubeni ayi Simeoni#48.5 Yakobi wubonga Efalayimi ayi Manase, bayiza ba bakulu ba makanda mole banga Lubeni ayi Simeoni.. 6Vayi nkuna aku, wowo wumawubela se ku mbusa awu, wela ba waku. Mu thangu yo yawu zina di bakhomba ziawu zi babakala, maditangulu mu difua diawu. 7Mu diambu diami, bu ndiba ku Paddani, Lakheli wufua va ndambu ami, mu tsi Kanana, mu nzila, ka diambu ko tini kinene ki tsi kiba tekila mu tula ku Efalata, diawu ndizikila vana, mu nzila Efalata, dibangudulu Betelemi#48.7 Lufua lu Lakheli: tala 1 Mos 35.19.- Efalata-Betelemi mu muandambu bi kilimeta ku yilu di Beteli, kadi fuanikisa tsi yoyo ayi zunga kiba zina dio diawu kiba mu Yuda ku wanda di Yelusalemi ayi kisonama mu 1Sam 16.4, Mik 5.1..» 8Buna Yakobi wumona bana ba Yosefi ayi wukamba: «Banani baba?» 9Yosefi wuvutula kudi se diandi : «Bana bami Nzambi kapheni va fulu kiaki.» Buna wukamba: «Wundatina bawu, ndikubombidila, muingi ndibasakumuna.»
10Meso ma Isaeli mavonga mu diambu di bununu. Kalendi bue mona ko. Wubafikika va kaba, wubabumba ayi wubabumba ngolo. 11Landila dio, Isaeli wukamba Yosefi: «Ndisileka minu ko ti ndilenda bue mona zizi kiaku, vayi tala Nzambi wumbonisini na nkuna aku. 12Landila dio, Yosefi wubatotula mu makuma#48.12 Yakobi wutula batekolo bandi mu makuma: dinsonga ti Yakobi wunungisa fu kibonga batekolo bandi banga bana bandi veka. mandi ayi wufukama va ntoto. 13Buna Yosefi wubabonga bawu bole, Efalayimi mu koko ku lubakala va lumoso lu Isaeli, ayi Manase mu koko ku lumoso, va lubakala lu Isaeli, wubafikika. 14Vayi Isaeli wutukuna koko kuandi ku lubakala ayi wutula ko va ntu Efalayimi, ka diambu ko yandi wuba nleki, ayi koko kuandi ku lumoso va mbata ntu Manase. Mu bila ki diambu katudila moko mandi phila yoyo, bila Manase wuba muana wuteka butuka#48.14 Muana wunkulutu wubabakanga kuku ki lusakumunu kilutidi, kibavanunungu mu koko kulubakala, bila dibabanzulungu ti koko kulubakala kulutila ku lumoso.. 15Wusakumuna Yosefi ayi wutuba:
Nzambi yisadila mase mami
Abalahami ayi Isaki,
Nzambi yindikila
Zingu kiami kikio,
Nate lumbu kiaki,
16Mbasi yithanina
Mu ziphasi,
Sakumuna matoko
Mama Ayi phe
Bika zina diami
Disanusunua mu bawu
Ayi zina di Mase
Mami, Abalahami ayi
Isaki ayi banieka
Nate babedi
Mafunda mu tsi.»
17Mu thangu Yosefi kamona ti se diandi wusimbidila koko kuandi va mbata ntu Efalayimi, disi kunyangidika ko, ayi wutomba simba koko ku se diandi mu botula ko va mbata ntu Efalayimi ayi tula ko va mbata ntu Manase. 18Buna Yosefi wukamba se diandi: «Buisi ko buawu, se diami, bila niandu, yandi wutuama butuka. Tula koko kuaku ku lubakala va mbata ntu andi.» 19Vayi se diandi wumanga ayi wutuba: «Nzebi, muana ami wu bakala, nzebi. Yandi phe wela ba kanda, ayi yandi phe wela ba wunene. Vayi khomba andi yi nleki wela nkulutila munene, ayi nkuna andi wela ba wuwala makanda.»
20Buna wutatamana kubasakumuna lumbu kina, wukamba: « Mu nzila aku bika Isaeli ka buela Sakumuna mu tuba buabu: “Bika Nzambi kakuvangila banga Efalayimi ayi Manase!”» Bobo katula Efalayimi va ntuala Manase#48.20 Tal Ebe 11.21..
21Buna Isaeli wukamba Yosefi : «Tala, ndilembo fue, vayi kedika, Nzambi makaba neno ayi wela kuluvutula mu tsi bakulu beno. 22Vayi minu, inga, ndikuveni va mbata zikhomba ziaku tini ki tsi ki ndiziona mu koko ku ba Amolita mu sabala kiami ayi mu mbasa ami#48.22 Sikemi, mbanza yi tsi khulu, va khati bizunga bi Efalayimi ayi Manase. Kuna bazikila Yosefi (Yos 24.32). Sikemi dibangudulu phe divangiti. Divangiti di bulu dibanzulu ti diluta mu ndambu zinkaka zi bulu (1 Sam 9.24)..»
Currently Selected:
1 Mose 48: YOM-CD
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation
