Nkunga mi Maniongo 4
4
Yelusalemi dibungulu
1Bue nolo yinlezimanga,
Ditadi diodio dithalu
Dizimbisidi thoko andi
Dikadi buelezama? Bue Matadi #4.1 Bankaka balembo banzi ti madi matadi mathalu momo maba mu nzo Nzambi, tala 2.1.
Mabieko mamuangusulu
Mu bifuma bibio bi nzila?
2Bue bana ba Sioni, baluzitu
Banga nolo yivedila, beka
Banzulu banga mimvungu
Mi ntoto mivengo kudi mbumbi?
3Mbua zi nsitu nkutu
Bamvananga dibeni kudi
Bana bawu ayi
Bakubayemikanga.
Vayi batu bami, bawedi
Kikhesi banga nuni#4.3 Nuni yi tseke: yinyekulanga maki mandi matezuka ku muini. Dedikisa Yob 39.14-16.
Yindiatanga nsualu mu tseke.
4Mu diambu di phuila#4.4 Tala Yes 41.17.
Nlangu, ludimi lu muana
Wunyema lunemi mu nua andi,
Bana bantuenia balembo lombi
Mapha, vayi kadi mutu
Wukubavana mo.
5Batu babedi dianga bidia
Bimbote, balembo bue ayi
Fua mu zinzila, batu babedi
Vuatanga minlele mithalu
Balembo toti bima mu madiala.
6Mambi ma batu bami
Maviokidi masumu ma Sodoma,
Mbanza yoyo yibungu mu
Kinzimbukila ayi kuisi ba ko
Mutu wubaka thangu mu
Nonuna moko mu vukisa#4.6 Tala 1 Mos 19.24-25, Yes 1.7,10, Yel 23.14. yo.
7Bana ba mintinu bandi
Balezama vioka mvula ziphembi,
Nkanda nitu awu wuba wuphembi
Beni viokila miliki. Nitu zawu ziba
Zimbuaki viokila mbuaki yingolo.
Mianzi mi nitu awu kitoko
Banga tadi di safili.
8Buabu zizi biawu bieka ndombe
Banga makala, bakadi bue
Zabakana mu zinzila, nkanda
Nitu awu wunemi mu bivisi
Biawu, wuyumini banga nti.
9Bulutidi mbote nkutu batu
Bafuila mu mvita, vayi bika
Bafuila mu nzala, bila baba
Bantandanga ayi bamfuanga
Mu kambu bidia.
10Bangudi, banzolanga beni
Bana bawu balembi bana
Bawu muingi ba badia mu
Thangu malema
Mabuididi batu bami#4.10 Tala 2.20, 5 Mos 28.57, Yeh 5.10. .
11Yave wunungisini tsita andi,
Wudukudi nganzi zandi zingolo.
Mu Sioni wulemisini mbazu
Yivikidi lufulu lu mbanza.
12Kadi mintinu mi ntoto kadi
Mutu wuleka leka minu
Ti minthatu ayi zimbeni balenda
Kotila mu mielo mi Yelusalemi.
13Mu diambu di masumu
Ma mimbikudi miandi ayi mambi
Ma banganga zi Nzambi ziandi
Batengudi menga ma batu ba lunungu.
14Balembo zungani banga
Ziphovo mu zinzila, bakisumuni
Mu menga nate mutu kalendi
Simba minlele#4.14 Mu kinzika minsiku mitadidi nlongo ayi kambu ku nlongo.Tala 4 Mos 35.33. miawu ko.
15«Yendeno, batu basumuka,
Bobo balembo kubayamikina.
Katekeno#4.15 Tala 3 Mos 13.45., katukeno ayi kadi
Kutusimba!» Ayi bubalembo
Zungani mumo, batu ba zitsi
Zinkaka balembo kambi:
«Babika kala va fulu kiaki!»
16Yave wubamuangisini.
Niandi veka wubakukidi.
Kalendi bue kubatala ko.
Buna kuisi ko mutu wubuela
Vumina zinganga zi Nzambi,
Voti zitisa binunu.
17Meso meto mavongidi
Mu vingila lusadusu, vayi
Muphamba: Mu fulu bisungila,
Tuavingidi tsi yilenda kutu sadisa#4.17 Tala Yel 37.7..
18Minthatu mieto milembo
Langididi zithambi zieto, tulendi
Buezieta mu zinzila zi mbanza
Eto ko, tsukulu eto yeka lukufi,
Lumbu bieto bieka ku tsukulu,
Ninga tsukulu eto yizidi.
19Minzomi mieto balutidi ngo
Zizulu mu nsualu, balembo kutukuki
Mu miongo mu khesi, balembo
Kutukengididi mu tseke#4.19 Fulu kikondolo batu..
20Ntinu#4.20 Sedekiasi, ntinu wu Yelusalemi, tala 2 Mnt 25.1-6, Yel 39.4-5, 52.7-9. nio wudukudulu
Mafuta kudi Nzambi, ayi niandi
Tubedi silanga vuvu, bambuididi
Mu mintambu miawu pheleko
Tubedi tubanga: «Matuzinga
Ku tsi lutanunu luandi
Va khati makanda.»
21Yangalala ayi mona khini,
Muana wu nketo wu Edomi,
Wunkalanga mu tsi yi Usi!
Vayi mbungu yi khongodolo#4.21 Mu thangu mbuilu yi Yelusalemi, mu mvu 587 tekila Yesu, Basi Edomi batana va kimosi ayi mintatu mi Yelusalemi, tala Yeh 25.12-14, 35, Yoe 4.19, Abd 10-15 Mkn 137.7. Mkn 75.9.
Yilembo yizi phe kudi ngeyo.
Mawukolo ayi mawu
Ba pheni nkua.
22Mbanza Sioni,
Mesembolo ngolo.
Balendi kunata diaka
Mu kikhole ko.
Vayi ngeyo, Edomi, Yave
Makasemba mbimbi aku.
Ayi makatumbudila
Mambi maku.
Currently Selected:
Nkunga mi Maniongo 4: YOM-CD
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation