Nkunga mi Maniongo 5
5
Wutuvutula kudi ngeyo, Yave
1Yave, kadizimbakana
Matubuididi, tala
Ayi mona tsoni zieto.
2Mvuilu eto yinlongo Yele
Kudi batu bankaka ayi Zinzo
Zieto ziveno kudi banzenza.
3Mase meto basiedi vo ko.
Tueka bisana ayi ngudi
Zieto mafuola.
4Tulendi nua nlangu ko ti
Tukadi wusumba mu
Mbongo ayi
Tufuiti sumba zikhuni zieto.
5Nzomi mieto balembo
Kutulandakana, tuvongidi,
Tuisi ko luvundulu.
6Tunonuni koko ku
Ngipiti ayi ku
Asilia, muingi tubaka kidia.
7Bakulu beto bawu
Bavola masumu.
Basiala awu vo ko, vayi beto
Tuneti zitu ki mambi mawu.
8Minanga beka zimfumu
Zieto, kuisi ko mutu lenda
Kutu kula mu moko mawu.
9Muingi tubaka kidia, tufuiti
Nuana ayi bidovula
Mu tsi khatu.
10Mu diambu di nzala,
Nkanda nitu
Eto wulembo vie
Mbazu banga mutu
Widi ku foloni ki mbazu.
11Balembo bongi bakheto mu
Kingolo mu Sioni ayi bandumba
Mu zimbanza zi Yuda.
12Babuididi zimfumu ayi
Babaledikidi, kusiedi ko
Vumi mu binunu.
13Bantueni bananguni tadi di
Nikina zitheti,
Bamatoko balembo Bue
Ku tsi zitu ki zikhuni.
14Bakulutu bakondolo
Mu mielo mi
Mbanza, bantuena bakadi
Bue sika tsambi yi nsinga.
15Kiese ki ntima eto kimeni,
Makinu meto makitukidi
Ma mfuilu.
16Kiadi beto bututieki Yave.
Luma lueto lumeni!
17Ti ntima eto wulembo yami,
Ti meso meto mafukulu
Mu matsuela,
18Bila mongo wu Sioni
Weka wuvombila, wuyikidi
Fulu ki mimbaku.
19Vayi ngeyo Yave,
Wunyalanga thangu zizio.
20Bila mbi lenda
Kutuzimbakana thangu
Zizio, bila mbi lenda
Kutuniafuna luzingu lulo?
21Yave, wutuvutula
Kudi ngeyo,
Muingi kedika tuvutuka
Kudi ngeyo, vutula luzingu
Lueto lumona banga
Mu tsi khulu.
22Bue, wutuniafuni
Kueto mvimba
Mvimba nate mu tezo kiaki?
Currently Selected:
Nkunga mi Maniongo 5: YOM-CD
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation