Gẹnẹsis 36
36
Ivbi Uniẹn Isọ
(I Krọnikol 1:34-37)
1Ivbi uniẹn Isọ ena khin (ra Idọm). 2Isọ keghi viọ ikhuo vbe ivbi e Kenan. Ada ne ovbi Elọn ne ọmwa Hiti, Oholibama ne ọmọ okhuo Anam ne ovbi e Zebeọn ne ọmwa Hivi, 3Ke Basimat, ovbi Ismẹl ọtiẹn Neboiọt nokhuo. 4Ada keghi biẹ Ẹlifaz ne Isọ; Basimat keghi biẹ Reuẹl, 5Oholibama keghi biẹ e Jeus, Jalam kevbe Kora. Emọ ne Isọ biẹlẹe vbe otọ Kenan re enii khin.
6Ẹre Isọ na viọ amwẹ ọnrẹn, ivbi ẹre nikpia, ivbi ẹre nikhuo, kevbe emwa owa ẹre hia, deba avbe ẹmila kevbe emwi hia ne ọ mwẹ vbe otọ Kenan, ọ keghi kpao sẹ Jekọb ne ọtiọnrẹn rae gha rrie otọe ọvbehe. 7Emwi ne ọ yae kpao ọrọre wẹ, otọ ne irẹn vbe Jekọb ye, ma ghi sẹ iran lo, ẹmila ne iran mwẹ keghi bun gbe, ihe ọkpa ma ghi gua iran. 8Ẹre Isọ ghi na ya yin ẹvbo oke ọghe Idọm.
9Ena ọrọre ivbi uniẹn Isọ ne erha emwa Idọm. 10Eni ivbi Isọ nikpia ọre ena khin. Ẹlifaz ọmokpia ne Ada ne amwẹ Isọ biẹ nẹẹn kevbe Reuẹl ne Basimat ne amwẹ Isọ biẹ nẹẹn. 11Ivbi Ẹlifaz kegha re Tẹman, Ọma, Zefo, Gatam kevbe Kanaz. 12Timna kegha re ọkpa vbe uwu amwẹ Ẹlifaz ne ovbi Isọ, ọ na biẹ Amalẹk nẹẹn. Enena ọrọre ivbi Ada ne amwẹ Isọ.
13Ivbi e Reuẹl ena khin; Nahat, Zẹra, Siama kevbe Miza. Eni ọrọre ivbie Basimat ne amwẹ Isọ. 14Ivbie Oholibama ne ovbi Ana ne ovbi Zibiọn, amwẹ Isọ. Rẹn ọre ọ biẹlẹ Jeus, Jalam kevbe Kora ne Isọ. 15Enena ọrọre okpemwa vbe avbe ivbi uniẹn Isọ. Emọ ikpia ọghe ovbi Isọ nokpia nọdiọn ighẹ Ẹlifaz. Okpemwa teman, Ọma, Zefo, Kenaz. 16Kora, Gatam, Amalẹk. Ena kegha re ivbi uniẹn ọghe Ẹlifaz vbe otọe Idọm, ivbi Ada iran khin. 17Ena ọre emọ ikpia ọghe Reuẹl ne ovbi e Isọ nokpia; avbe ivbi uniẹn ni rrọọ: Nahat, Zẹra, Siama kevbe Miza. Enena ọ re ivbi ọghe Reuẹl vbe otọ Idọm. Ivbi Basimat ne amwẹ Isọ ọre iran khin.
18Ena ọrọre ivbi Oholibama ne amwẹ Isọ: ivbi uniẹn ni rrọọ: Jeus, Jalam kevbe Kora. Enena ọrọre ivbi uniẹn ne Oholibama ne ovbi Ana ne amwẹ Isọ biẹlẹ nẹẹn. 19Avbe ẹwae na hia ọrọre ivbi uniẹn Isọ.
Ivbi Uniẹn Sẹa
(I Krọnikol 1:38-42)
20Ena ọrọre emọ ikpia Sẹa ne ọmwa Hori, ivbi ẹvbo nii ena khin; Lotan, Siobal, Zibiọn, Ana, 21Disian Ezẹ kevbe Disian. Ena ọrọre emwa ivbi uniẹn ọghe Hori, ivbie Sẹa vbe otọe Idọm.
22Ivbi e Lotan kegha re Hori ke Heman e Timna kegha re ọtiẹn Lotan nokhuo 23Ena ọrọre ivbi Siobal; Alva, Manahat, Ebal, Siefo kevbe Onam.
24Ena ọrọre ivbi e Zibiọn: Aia kevbe Ana (Ana na ọrọre ọmwa ne ọ miẹn ẹzẹ amẹ erhẹn vbe uwu oha vbe ẹghẹ ne ọ na gha gbe aro gbe ekẹtẹkẹtẹ Zibiọn ne erha ẹe).
25-26Ena ọrọre ivbi Ana: Disian kevbe Oholibama ovbi Ana nokhuo. Ena ọrọre ivbie Disian, Hemdan, Esban, Itam kevbe Kieram.
27Ena ọrọre ivbi Ezẹ, Bilham, Zeavan kevbe Akan. 28Disian ọ re ọ gha re erha odede avbe Uz kevbe Aran. 29-30Ena ọ re ivbi uniẹn Horit ni rre otọ Idọm: Lotan, Siobal, e Zibiọn, Ana, e Disian, Ezẹ kevbe Disian.
Avbe Ọba Idọm
(I Krọnikol 1:43-54)
31-39Ena ọrọre avbe ọba ni gha khaemwisẹ yan Idọm vbe avbe ọba te suẹn gha la ukpo vbe Izrẹl:
E Bẹla ne ovbi Beọ ne ovbi ẹvbo ne a tie ẹre Dinhaba
E Jobab ne ovbi e Zẹra ne ọ ke Bozra rre
E Husiam ne ọ keotọ Tẹman
E Hadad ne ovbie Bedad, (ne ọ khọn Midian miotọ vbe ẹvbo Moab)
A kegha tie eni ẹvbo ẹre Avit
E Samla ne ọ ke Masreka rre
E Siọl ne ọ ke Rehobọt ne ọkpẹn ẹzẹ rre ke.
E Baal Hanan ne ovbi e Akbọ
E Hadad ne ovbi ẹvbo Pau (a kegha tie amwẹ ọnrẹn Mehetabẹl,
ovbi e Matrẹd kevbe eyẹ Mesahab nokhuo.)
40-43Ena ọrọre eni ivbi uniẹn ọghe Isọ, Alva, Jetẹt, Oholibama, Ela, Pinọn, Kenaz, Tẹman, Mibza Magdiẹl, kevbe Iram. Eni ne a tie ẹwae ughughan na, ọ re a vbe tie otọe ne iran yinrin.
Currently Selected:
Gẹnẹsis 36: EDO96
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996
