Kuboka 26

Lihema lukuketangane

Kuboka 36:8-38

1“Lenganakia lihema lu kuketangane na Bambu Sapanga, kwiitambaa komi yi ingobu nhuu kupukupu yebiisoniki na kwa nyusi ja langi ja buluu na zambalau na ngeli. Itambaa hei wiilemba sukusone kwi iumbi yeibii na mapapati. 2Kila kitambaa siibiya nu ulasu meta komi ni ibeli nu upana wa meta ibeli. Kitamaa hesi siibiya nu ukulongu gogulengana. 3Wiilombanakia itambaa nhwanu ibia kipandi simu ni itamba yengi nhwanu ibia kipandi sengi sa pili. 4Wiisonila migoji ya mulutengu lu kitamba sa mwisu likipandi su utumbuli ahelahela wiisonila nngoji mwiisu wu pu lutengu lwa kunza likipandi sengi sikitambaa. 5Wiijegala ikobake hamsini mu kitamba simu niitamba yengi hamsini mu kikobake si kitamba sapili, ikobake yoka yiipwatana. 6Ndi wiilenganakia ipungi hamsini na ya zaabu ili kulombanake ipandi ibeli yi itamba ndi lihema liikuba sindu simu.”

7Lenganakiya mapazia komi na moja kwa mangoma gi imbui ili kuyekale lihema. 8Kila lipazia libiya nu ulasu wa mita komi ni itatu nu upana waki mita ibeli. Mapazia haga goti komi na jimu gabiya nu ukolongu gogulengana. 9Lombanakia mapazia nhwanu na mapazia sita pamu. Lipanzia la sita waligonza mala pabeli palongi ji lihema. 10Ndienu lenganakia migoji hamsini ya mulutengu ju lupeta lwa panzia ja mwisu li kipandi su utumbulini ikobake hamsini mu lupeta lwi lipanzia la pili. 11Wilenganakiya ikobake hamsini ya shaba nukujingisa mu ipungi hamsini ili kulombana ipandi ibeli yela ya mapanzia na hela kuhenga lipanzia limu mu lihema lukuketangane. 12Nusu ji lipanzia jejaigali jela wikobika upandi umunyuma ulihema. 13Kipandi sa sentimita hamsini sesihigaliya wakigonza nu kujijenze mu upandi woti umuluteta ili kuyekale. 14Wilenganakiya kabee kipuniku sengi si lihema lukuketangane na Bambu Sapanga sealenganaki kwa ngosi laini ji likondoo likambaku seajegi langi ngeli na pikilanda jaki kubiya ni kipuniku sa ngozi laini.

15Wilenganakiya mipend ku nkongu yu mshita yukujema wema kwa ndaba jukujemake lihema. 16Kila pelemu jibiya nu ulasu wa meta nsesi nu upana waki wibiya mita sitini na sita. 17Kila mpendi wibiya ni ikamulaki ibeli kwa ndaba jukulombanake. Wilenganakiya pelemu yoti sukubeka ikamulaki ibeli ngati ayelayela. 18Ndienu, wilenganakiya pelemu yi ishilini ilihema kwa ndaba ju upandi uku kusini mwi lihema, 19na wiilenganakiya itami alubaini kwa madini ga feza pai ja pelemu ishilini hei. Itami ibeli pai ja kila pelemu na yengi ibeli ni itami ibeli pai ja kila pelemu jengi kwa ikamulaki yaki ibeli. 20Upandi uku kasikazini kwi lihema wilenganakiya pelemu ishilini, 21ni itami yaki alubaini ya madini ga feza, ni itami ibeli pai ja kila pelemu. 22Ku upandi umunyuma, gogubii upandi golijingi lyoba gu lihema, wilenganakiya pelemu sita. 23Wilenganaliya mipendi mibeli kwa ndaba ja kona ji lihema upandi umunyuma. 24Mipendi mibeli yela yunkona ikamula kwa pai lakini ikamulakana panani mu ikobake yu utumbuli. Pelemu yoti ibeli yu mulutengu ihengwa ahelahe ili kupata kona ibeli. 25Henu kwibiya ni mipendi nani pamu ni itami yaki komi na sita ya madini ga feza, itami ibeli pai ja kila mpendi ni itami ibeli pai ju pelemu jengi.

26“Wilenganakiya mbagaa nhwanu yu kongu wo mshita kwa ndaba ja mipendi yu upandi gumu u lihema, 27na mbagaa nhwanu kwa ndaba ju upandi wa pili ulihema na mbagaa nhwanu kwa ndaba ji mpengu gu upandi umunyuma wi lihema golipiti lyoba. 28Mipengu je jibiya pikilanda jili lihema jejikamulaki pelemu yoti kuhuma ku utumbuli mbaka mwisu. 29Pelemu yoti waipakia zahabu nukuwatika peti ja zahabu yeikamulakiya mipengu jeheji, mipengu jeheji pakia zahabu. 30Henu wiijemika lihema heli kulengana na malenganu ganugulangi kukitombi kola.”

31Wilenganakiya lipanzia ku kitambaa kihuu kupukupu na sealokiki kwa nyusi ya buluu, na zambalau na ngeli na seapambiki sapi sukusonewa iumbi yeibii na mapapati. 32Walibeka lipanzia mu mipengu nnsesi ji mshita goapaki zahabu, yeibii na ikobake ya zahabu ni itami nnsesi ya madimu ga feza. 33Walijenzia lipanzia heli mu ikobake, ndienu walileta lisanduku li lilagi nalombi walibeka munyuma ji lipanzia. Lipanzia heli libaganisa pandu pa sapi na pandu pasapi ngani. 34Beka kipuniku panani ji lisanduku li lilaganu lelibii pandu pa sapi nakanopi. 35Beka mesa jealenganaki ku nkongu gu nshita kunza ja pandu pa sapi ngani upandi uku mangega ulihema na sukubeke taa beka taa upandi ukusini u lihema.

36Kwa ndaba ju nndyangu ulihema lakuketangane na Bambu Sapanga lenganakiya lipanzia lelitopii kwi ingobu nhuu kupukupu na jealokiki kwa nyusi ja langi ja buluu na langi zambalau na langi ngeli. 37Ahelahe wilenganakiya mipengu nhwanu ji mkongu nshita nukupaki zahabu. Mipengu heji jibiya ni ikobake ya zahabu, kila simu sibiya ni itami yaki nhwanu alenganaki kwa madini ga shaba.

Currently Selected:

Kuboka 26: MaBV

Highlight

Compare

Copy