Luka 20

Abayahudi badôsa Yezu ngahi obuhashe bwâge burhenga (Mat 21. 23-27; Mrk 11, 27-33)

1Lusiku luguma anacibà adwîrhe ayigîriza omu ka-Nyamuzinda anahanûla Emyanzi y’Akalembe, abajinji, b’abadâhwa n’abashamuka b’ihano n’abagula bw’olubaga bayisha. 2Banacimubwîra, mpu: «Rhubwîre buhashe buci ojiramwo ebi byoshi? Nîsi ndi wakuhaga weki obu buhashe?» 3Yezu anacibashuza, ababwîra, erhi: «Nâni nammudôsa kanwa kaguma. Mbwîri: 4Obubatizo bwa Yowane, k’empingu bwahubukaga erhi emw’abantu?» 5Bajânamwo bône na nnene, mpu: «Rhukaderha nti empingu, akola arhudôsa, erhi: “Carhumaga murhacimuyêmêra?” 6“Na rhukaderha nti emw’abantu, olubaga lwoshi lwanarhubanda amabuye, bulya bayishi bwinjà oku Yowane anali mulêbi”». 7Okubundi banacishuza, mpu barhayishi aha bwahubukaga. 8Naye Yezu ababwîra, erhi: «Nâni ntammubwîre ninyu buhashe buci njiramwo ebi».

Omugani gw’abahinzi babî

(Mat 21, 33-46; Mrk 12, 1-12)

9Anacirhondêra okubwîra olubaga ogu mugani, erhi: «Muntu muguma anacigwîka olukoma lw’emizâbîbu, alulangîsa abahinzi, agal’icîbalamira nsiku nyinji. 10“Erhi amango gahika, arhuma omwambali emwa bahinzi mpu ahâbwe naye oku mburho y’emizâbîbu. Balya bahinzi bamushûrha banamushugunuka kwo maboko mûmu”. 11“Ashub’irhuma owundi mwambali. Naye bamujira buligo, bamujâcira banamushugunukakwo maboko mûmu”. 12“Ashub’irhuma owa kasharhu. Naye bamuyâgaza banamulibirhakwo”. 13“Nn’olukoma acîj’emurhima, erhi”: “Kurhi najira?” “Narhuma mugala wâni ntonya bwenêne; nkaba yeki bakenga”». 14Balya bahinzi erhi bamutumirhakwo amasù, bajà muligânwè, mpu: «Y’oyu ye wâyîme; rhumunige, rhubè rhwe rhuyish’icîyîmira muli byo». 15Ba nacimuhulusa mulya lukoma, bamuniga. «Kurhi olya nn’olukoma ayish’ibajirira? 16“Ayish’iyisha, aherêrekeze balya barhindisi b’olukoma, na lulya lukoma lwâge aluhè abandi”». Erhi bayumva ntyo, bamubwîra, mpu: «Okwo kurhabâga la!» 17Naye anacibamôlera amasù, erhi: «Kwo kuderha kuci okûla kuyandisirwe: ibuye abûbasi bagayaguzagya#20, 17 Lul 117 (118), 22., lyo lyayishir’ibà kaboko ka nyumpa? 18“Ngasi wâhirime kuli eryo ibuye ajonjolekana, naye oyu lyâhonerekwo, lyayish’imuvungunyula”». 19Aho abajinji b’abadâhwa n’abashamuka b’ihano balonza oku bamugwârha#20, 19 Ahâla, Abayahudi bo abo bahinzi babî, bayumvîrhe oku omugani gubayêrekîre. Nabo abahinzi bayish’ihâbwa olukoma ahâli h’Abayahudi, bo bapagani b’igulu lyoshi bahamagirwe okujà omu Ekleziya n’okubà bâna ba Nnâmahanga., ci bayôboha olubaga. Bâli bayumvîrhe oku ogo mugani bo aguderhîre.

Okuvurhira Sezari

(Mat 22, 15-22; Mrk 12, 13-17)

20Bamushimbulula, bàrhuma ebyumverhezi. Ebyo byumverhezi byaboneka nka bantu nkana, lyo birhega Yezu omu nderho binamuhâne emwa abakulu b’ecihugo n’emwa omurhegesi. 21Banacimudôsa, mpu: «Ewe Mwigîriza, rhuyishi oku oderha onayigîriza eby’okunali, orhanalola cikono ca muntu, ci enjira ya Nyamuzinda onayiyigîrize nka oku enali. 22Ka kukwânîne rhukavurhira Sezari erhi nanga?» 23Naye bulya àli amanyire obulyâlya bwâbo, anacibàbwîra, erhi: «Cirhumire mwantega’? 24Nyêreki olufaranga muvurha. Eyi nshusho eri ya ndi? N’aga mandiko?» Nabo, mpu: «Bya Kaizari» 25Bamushuza, mpu: «Bya Sezari». Naye, erhi: «Ahoo! Ebya Sezari bigaluliragi Sezari, n’ebya Nyamuzinda mubihè Nyamuzinda». 26Ntyo barhacibonaga oku bankamuyagiriza omu nderho zâge embere z’abantu; barhangâla n’ishuzo lyâge, baguguma.

Okufûka kw’abafîre

(Mat 22, 23-33; Mrk 12, 18-27)

27Baguma omu Basaduceyi, bo balya bakaderha mpu ntà bufûke bw’abafîre, bamujaho, bamudôsa, mpu: 28«Ewe Mwigîriza, Mûsa arhurhegesire mpu irhondo mwene wâbo omuntu akafà, nka alesire omukazi arhanasiziri mwâna, mwene wâbo anayinjire olya mukana, ahè mwene wâbo iburha. 29Lêro haligi balondana nda. Omurhanzi ayanka omukazi, afà buzira mwâna. 30Owa kabiri ayinjira olya mukazi, afà naye buzira mwâna. 31Owa kasharhu naye amuyinjira. Boshi oku bànali nda kwo n’okwo, bafà buzira kusiga mwâna. 32Buzinda nyamukazi naye anacifà. 33Ewe, aha kufûka kw’abafù, ayish’ibà mukà-ndi muli bo? Bulya ayansirwe na bantu nda». 34Yezu anacibashuza, erhi: «Abâna b’eri igulu bayanka abakazi n’okuyankwa n’abalume. 35Ci balya bayish’ikwânana okushangîra obuzîne bwâyisha n’okufûka omu bafù, barhakasheba barhakanashebwa; 36bulya barhakacifa bundi: kwo banacibêrere nka bamalahika, bâna ba Nyamuzinda, bo bâna bw’obufûke, 37N’oku abafù bâfûke, Mûsa naye akumanyisize, halya aganîre olw’Ishaka, erhi aderha oku Nyakasane ye Nyamuzinda w’Abrahamu, ye na Nyamuzinda w’Izaki na Nyamuzinda wa Yakôbo#20, 37 Lub 3, 1-6: Ishaka lyagulumira. . 38Arhali Nyamuzinda wa bafù, ci wa bazîne; bulya ye boshi balamira». 39Obwo baguma omu bashamuka b’ihano bashuza, bamubwîra, mpu: «Mushâna Mwigîriza, wadesire bwinjà!» 40Bulya barhàcihalizagya mpu bamudôsa akantu.

Kristu mugala wa Daudi na Nnawâbo

(Mat 22, 41-45; Mrk 12, 35-37)

41Anacibabwîra, erhi: «Cirhuma baderha mpu Kristu ali mwene-Daudi? 42N’obwo Daudi yênene adesire omu citabu c’Ennanga, erhi: Nyakasane abwîzire Nnâhamwîrhu, erhi: Tamala ekulyo kwâni, 43kuhika abashombanyi bâwe mbayandaze burhaba aha magulu gâwe#Lul 109(110), 1. 44“Akabà Daudi amudesire mpu ye Nnawâbo, kurhi ankacibaga mugala?”»

Obulyâlya bw’abashamuka b’ihano

(Mat 23, 6-7; Mrk 12, 38-40)

45Abantu boshi erhi babà badwîrhe bamurhegêra, anacibwîra abaganda bâge, erhi: 46«Mucîlange oku bashamuka b’ihano, abasîma okulambagira bayambîrhe ebishûli birîrî n’okulamusibwa oku mmâna n’okubwârhala oku ntebe z’embere omu masinagogi n’ebibwârhalo birhanzi oku cîbo: 47abànyomanya ebirugu by’abakana banaderha amasala malîmalî g’oburhebanyi. Bâbone olubanja lukali kulusha!»

Currently Selected:

Luka 20: MKB

Highlight

Copy