ཡོ་ཧ་ནན། 15

ལེའུ་བཅོ་ལྔ།

ཡེ་ཤུས་རྒུན་འབྲུམ་སྡོང་པོ་ཞིག་ལེ་དཔེ་བསྟན་པ།

1དེ་ནས་ཡང་ཡེ་ཤུས་སློབ་མ་ཀྱ་ལེ། ང་ནི་རྒུན་འབྲུམ་གྱི་སྡོང་པོ་ངོ་ཐོག་དེ་ཡིན། ངའི་ཨ་ཀྱི་ནི་རྒུན་འབྲུམ་སྡོང་པོ་ལེ་ལྟ་རྟོག་གནང་མཁན་དེ་ཡིན་དིག 2ཁོང་གིས་ངའི་ནང་ལེ་འབྲས་བུ་མ་སྐྱེས་པའི་ཡལ་ག་དེའི་རིགས་ཡེ་རེ་བཅད་དེ་གཡུགས་ཀྱི་དིག ཡང་ངའི་ནང་ལེ་འབྲས་བུ་སྐྱེས་པའི་ཡལ་ག་རེ་རེ་ལེ་འབྲས་བུ་མང་པོ་འཕེལ་རྒྱུ་ཆེད་དུ་འདྲེག་བཅོས་གནང་གྱི་དིག 3ངས་ཁྱེད་ཀྱ་ལེ་སྨྲས་པའི་བཀའ་དེས་ཁྱེད་ཀྱ་དྲི་མ་མེད་པར་དམ་པ་ཞིག་བཟོས་ཚར་རི་དིག 4ང་ཁྱེད་ཀྱ་ཀྱི་ནང་ལེ་གནས་འོད་དི་ཅོག་འདྲ། ཁྱེད་ཀྱ་ཟང་ངའི་ནང་ལེ་གནས་པར་གྱིས་ཤིག དཔེར་ན། རྒུན་འབྲུམ་ཡལ་ག་ཅི་གི་ཞིག་ཡིན་ནའང་། རྒུན་འབྲུམ་གྱི་སྡོང་པོ་ལེ་མ་གནས་ནི། རང་ལེ་འབྲས་བུ་སྐྱེས་རྒྱུ་མེད་དིག འོ་དེ་ཅོག་འདྲ། ཁྱེད་ཀྱ་ཟང་ངའི་ནང་ལེ་མ་གནས་པི་ཡིན་ནི། ཁྱེད་ཀྱ་ལེ་ཟང་འབྲས་བུ་སྐྱེས་སྲིད་ཀྱི་མ་དིག 5ང་ནི་རྒུན་འབྲུམ་སྡོང་པོ་དིང་། ཁྱེད་ཀྱ་ནི་ཡལ་ག་ཅོག་འདྲ་ཡིན་དིག མི་སུ་ཞིག་ཡིན་ནའང་། ངའི་ནང་ལེ་གནས་པི་ཡིན་ནི། ང་ཟང་མི་དེའི་ནང་ལེ་གནས་པི་མ་ཟད། མི་དེ་ལེ་ཟང་འབྲས་བུ་མང་པོ་སྐྱེས་ཀྱི་དིག གལ་སྲིད་ང་རིང་ཁ་བྲལ་ལི་ཡིན་ནི། ཁྱེད་ཀྱ་ཀྱིས་ཅི་གང་བགྱིད་ཐུབ་ཀྱི་མ་དིག 6ངའི་ནང་ལེ་མི་གནས་མཁན་དེ་ནི། ཕྱི་ལེ་གཡུགས་པའི་ཡལ་ག་ཅོག་འདྲ་སྐམ་འགྲོ་བ་དིང་། ཡལ་ག་དེ་ཀྱ་ནི་མེ་ལེ་གཡུགས་ཏེ་འཚིག་འགྲོ་གྱི་དིག 7གལ་སྲིད་ཁྱེད་ཀྱ་ངའི་ནང་ལེ་གནས་པི་ཡིན་ནི། ངས་སྨྲས་པའི་བཀའ་དེ་ཟང་ཁྱེད་ཀྱ་ཀྱི་སེམས་ནང་ལེ་གནས་ཀྱི་དིག ཡང་ཁྱེད་ཀྱ་ལེ་འདོད་པ་ཅི་ཞིག་འོད་ནའང་། ཁྱེད་ཀྱ་ཀྱིས་ཁོང་ལེ་ཞུས་ནི་དེ་འགྲུབ་ཀྱི་དིག 8ཁྱེད་ཀྱ་ལེ་འབྲས་བུ་མང་པོ་སྐྱེས་ནི། ཁྱེད་ཀྱ་ནི་ངའི་སློབ་མ་ངོ་ཐོག་ཡིན་དི་མ་ཟད། དེའི་བརྒྱུད་ནས་ངའི་ཨ་ཀྱིའི་གཟི་བརྗིད་དེ་ཟང་མངོན་འོང་གྱི་དིག 9ཨ་ཀྱིས་ང་ལེ་བྱམས་བརྩེ་བ་གནང་པི་ཅོག་འདྲ། ངས་ཟང་ཁྱེད་ཀྱ་ལེ་བྱམས་བརྩེ་བ་བགྱིད་འོད། ཁྱེད་ཀྱ་ངའི་བྱམས་བརྩེ་བའི་ནང་ལེ་གནས་པར་གྱིས་ཤིག 10ངས་ང་རང་གི་ཨ་ཀྱིའི་བཀའ་ཀྱ་བསྲུངས་འོད་དི་མ་ཟད། ཁོང་གི་བྱམས་བརྩེ་བའི་ནང་ལེ་གནས་པི་ཅོག་འདྲ། ཁྱེད་ཀྱ་ཀྱིས་ཟང་ངའི་བཀའ་ཀྱ་བསྲུངས་ཏེ། ངའི་བྱམས་བརྩེ་བའི་ནང་ལེ་གནས་ཀྱི་དིག 11ངས་ཁྱེད་ཀྱ་ལེ་སྨྲས་པི་འདི་ཀྱ་ནི། ངའི་དགའ་སྤྲོ་ཁྱེད་ཀྱ་ཀྱི་སེམས་ནང་ལེ་གནས་རྒྱུ་དིང་། ཁྱེད་ཀྱ་དགའ་སྤྲོ་ཁེངས་རྒྱུ་ཆེད་དུ་ཡིན། 12ངས་ཁྱེད་ཀྱ་ལེ་བྱམས་བརྩེ་བ་བྱས་པི་ཅོག་འདྲ། ཁྱེད་ཀྱ་ཟང་ཕན་ཚུན་གཅིག་གིས་གཅིག་ལེ་བྱམས་བརྩེ་བ་གྱིས་ཤིག འདི་ནི་ངའི་བཀའ་ཡིན་དིག 13མི་ཞིག་གིས་རང་གི་རོགས་པོའི་དོན་ལེ་རང་སྲོག་བློས་བཏང་ནི། དེ་ལས་ལྷག་གི་བྱམས་བརྩེ་བ་གཞན་མེད་དིག 14ཡང་གལ་སྲིད་ཁྱེད་ཀྱ་ཀྱིས་ཟང་ངའི་བཀའ་ཅོག་འདྲ་བསྒྲུབས་པི་བྱས་ནི། ཁྱེད་ཀྱ་ཟང་ངའི་རོགས་པོ་ཡིན་དིག 15དུས་ད་ནས་ཕྱིན་ཆད། ངས་ཁྱེད་ཀྱ་ལེ་གཡོག་པོ་ཟེར་རྒྱུ་མན། ཅི་ལེ་ཟེར་ནི། དཔོན་པོས་ཅི་བགྱིད་གཡོག་པོས་མི་ཤེས་འོད་དིག ཡིན་ནའང་། ངས་ཨ་ཀྱིའི་དྲུང་ནས་ཅི་ཐོས་པི་དེ་ཡེ་རེ་ཁྱེད་ཀྱ་ལེ་སྨྲས་འོད་ཕེན། ངས་ཁྱེད་ཀྱ་ལེ་རོགས་པོ་མཛའ་མོ་ཟིན་འོད། 16ཁྱེད་ཀྱ་ཀྱིས་ང་ལེ་མ་བདམས་པི་དིག ཡིན་ནའང་། ངས་ཁྱེད་ཀྱ་ལེ་བདམས་ཏེ་བསྐོས་པི་ཡིན། ད་ཁྱེད་ཀྱ་ཕྱིན་ཏེ་འབྲས་བུ་སྐྱེས་རུ་བཅུག འབྲས་བུ་དེ་དུས་རྟག་ཏུ་གནས་པར་གྱིས་ཤིག དེ་ནས་ངའི་མིང་བརྒྱུད་ནས་ངའི་ཨ་ཀྱི་ལེ་ཅི་གི་ཞིག་ཞུས་ནའང་། ཁོང་གིས་ཟང་ཁྱེད་ཀྱ་ལེ་སྟེར་གནང་གྱི་དིག 17ཁྱེད་ཀྱ་ཀྱིས་ཕན་ཚུན་བར་ལེ་བྱམས་བརྩེ་བར་གྱིས་ཤིག དེ་ནི་ངའི་བཀའ་ཡིན་ཟིན་གསུངས་པི་དིག

འཇིག་རྟེན་མི་ཀྱ་ཀྱིས་ཡེ་ཤུའི་སློབ་མ་ཀྱ་ལེ་དགྲ་སྡང་པོ་བྱས་པ།

18ཡང་ཡེ་ཤུས། གལ་སྲིད་འཇིག་རྟེན་གྱི་མི་ཀྱ་ཀྱིས་ཁྱེད་ཀྱ་ལེ་དགྲ་སྡང་པོ་བྱས་ནི། ཁྱེད་ཀྱ་ཀྱི་སྔོན་ལེ་ང་རང་ལེ་དགྲ་སྡང་པོ་བྱས་པི་དེ་ཁྱེད་ཀྱ་ཀྱིས་ཧ་གོ་བར་བགྱིད་དགོས་འོད་དིག 19གལ་སྲིད་ཁྱེད་ཀྱ་འཇིག་རྟེན་གྱི་ཁོངས་ལེ་གཏོགས་འོད་ནི། འཇིག་རྟེན་མི་ཀྱ་ཀྱིས་རང་གི་ཡིན་པ་དེ་ལེ་གཅེས་པོ་བགྱིད་འོད་དིག ཡིན་ནའང་། ངས་ཁྱེད་ཀྱ་འཇིག་རྟེན་གྱི་ནང་ནས་བདམས་པི་ཡིན། ད་ཁྱེད་ཀྱ་འཇིག་རྟེན་འདིའི་ཁོངས་གཏོགས་ལེ་མེད་དིག འོ་དེ་ལེ་བརྟེན་ཏེ། འཇིག་རྟེན་གྱི་མི་ཀྱ་ཀྱིས་ཁྱེད་ཀྱ་ལེ་དགྲ་སྡང་པོ་བགྱིད་འོད་དིག 20སྔོན་མ་ངས་ཁྱེད་ཀྱ་ལེ་གཡོག་པོ་ནི་དཔོན་པོའི་གོང་ལེ་མི་སླེབས་འོད་དིག་ཟིན་སྨྲས་པི་དེ་ལེ་དྲན་པ་གྱིས་ཤིག གལ་སྲིད་འཇིག་རྟེན་མི་ཀྱ་ཀྱིས་ང་ལེ་གནོད་འཚེ་བྱས་པི་ཡིན་ནི། ཁྱེད་ཀྱ་ལེ་ཟང་གནོད་འཚེ་བགྱིད་ཀྱི་དིག ཡང་ཁོང་ཀྱ་ཀྱིས་ངས་སྨྲས་པའི་བཀའ་དེ་ཀྱ་བསྲུངས་པི་ཡིན་ནི། ཁྱེད་ཀྱ་ཀྱི་སྨྲས་པི་དེ་ཟང་བསྲུང་གྱི་དིག#15.20 ཚིགས་བཅད་འདི་ནི་ཡོ་ཧ་ནན་གྱིས་བྲིས་པའི་གཏམ་བཟང་ལེའུ་ 13 ཨང་16 ནང་ལེ་གཟིགས་རོགས། 21ཡིན་ནའང་། ཁྱེད་ཀྱ་ངའི་ཁོངས་གཏོགས་ལེ་འོད་ཕེན། འཇིག་རྟེན་གྱི་མི་ཀྱ་ཀྱིས་ཁྱེད་ཀྱ་ལེ་གནོད་འཚེ་བགྱིད་ཀྱི་དིག ཅི་ལེ་ཟེར་ནི། མི་དེ་ཀྱ་ཀྱིས་ང་རྫོང་མཁན་ཁོང་ལེ་ངོ་མ་ཤེས་པའི་རྐྱེན་གྱིས་ཡིན་དིག 22གལ་སྲིད་ང་འཇིག་རྟེན་དུ་འོང་སྟེ་མི་དེ་ཀྱ་ལེ་ཆོས་མ་བཤད་ནི། ཁོང་ཀྱ་ལེ་སྡིག་པའི་ཉེས་པ་མེད་དིག ཡིན་ནའང་། ད་ལྟ་མི་དེ་ཀྱ་ཀྱིས་ཉེད་ཀྱིས་སྡིག་ཉེས་མ་བྱས་འོད་ཟེར་ས་མེད་དིག 23ང་ལེ་དགྲ་སྡང་པོ་བགྱིད་མཁན་ཀྱ་ཀྱིས་ངའི་ཨ་ཀྱི་ལེ་ཟང་དགྲ་སྡང་པོ་བགྱིད་འོད་དིག 24གལ་སྲིད་མི་སུ་ཞིག་གིས་བགྱིད་མྱོང་མེད་པའི་དོན་དེ་ཀྱ། ངས་མི་དེ་ཀྱ་ཀྱི་མིག་གི་མདུན་དུ་མ་བྱས་འོད་ནི། མི་དེ་ཀྱ་ལེ་ཟང་སྡིག་ཉེས་མེད་དིག ཡིན་ནའང་། ད་ལྟ་མི་དེ་ཀྱ་ཀྱིས་ངས་ཅི་བྱས་པི་དོན་དེ་ཀྱ་ཡེ་རེ་མཐོང་མྱོང་འོད་ནའང་། མི་དེ་ཀྱ་ཀྱིས་ང་དིང་ངའི་ཨ་ཀྱི་ཉེད་གཉིས་ལེ་དགྲ་སྡང་པོ་བགྱིད་འོད་དིག 25ཡིན་ནའང་། དེ་ནི་གསུང་རབ་ཀྱི་མདོ་ནང་ལེ། ཁོང་ཀྱ་ཀྱིས་དོན་མེད་ང་ལེ་དགྲ་སྡང་པོ་བགྱིད་ཀྱི་དིག་ཟེར་རི་བཀའ་དེ་འགྲུབ་རྒྱུ་ཆེད་དུ་ཡིན་དིག#15.25 ཚིགས་བཅད་འདི་ནི་གསུང་མགུར་མདོ་ལེའུ་ 35 ཨང་ 19 དིང་། གསུང་མགུར་མདོ་ལེའུ་ 69 ཨང་ 4 ནང་ལེ་གཟིགས་རོགས། 26ངས་ཨ་ཀྱིའི་དྲུང་ནས་ཁྱེད་ཀྱ་ལེ་རོགས་རམ་བགྱིད་མཁན་ཞིག་རྫོངས་ཀྱི་ཡིན། ཁོང་ནི་ཨ་ཀྱི་ནས་བྱུང་བའི་ཐུགས་ཉིད་བདེན་པ་དེ་ཡིན་དིག ཁོང་གིས་ངའི་སྐོར་ལེ་བདེན་པའི་དཔང་པོ་གནང་གྱི་དིག 27ཡང་ཁྱེད་ཀྱ་ཟང་སྔོན་མ་ནས་ཕེན་ངའི་སྐྱེན་ལེ་སྡོད་མཁན་ཡིན་ཕེན། ངའི་སྐོར་ལེ་བདེན་པའི་དཔང་པོ་བགྱིད་དིག་ཟིན་གསུངས་པི་དིག །

Currently Selected:

ཡོ་ཧ་ནན། 15: DLPO

Highlight

Copy