ཡོ་ཧ་ནན། 16

ལེའུ་བཅུ་དྲུག

དམ་པའི་ཐུགས་ཉིད་ཀྱི་སྐོར་ལེ་གསུངས་པ།

1དེ་ནས་ཡང་ཡེ་ཤུས་ངས་དོན་དེ་ཡེ་རེ་ཁྱེད་ཀྱ་ལེ་ཟེར་རྒྱུ་དེ་ནི། ཁྱེད་ཀྱ་ཀྱི་དད་པ་ཉམས་མི་འགྲོ་བའི་ཆེད་དུ་ཡིན། 2མི་དེ་ཀྱ་ཀྱིས་ཁྱེད་ཀྱ་ཚོགས་ཁང་ནས་ཕྱི་ལེ་འབུད་ཀྱི་དིག ཡང་མི་སུ་ཞིག་གིས་ཁྱེད་ཀྱ་གསོད་ཇུས་བགྱིད་རྒྱུ་དེ་ནི། མི་དེ་ཀྱ་ཀྱིས་དཀོན་མཆོག་ལེ་བསྙེན་བཀུར་གྱི་ལས་བྱས་པི་ཡིན་བསམ་པའི་དུས་ཞིག་སླེབས་འོང་གྱི་དིག 3མི་དེ་ཀྱ་ཀྱིས་ངའི་ཨ་ཀྱི་ཟང་ངོ་མ་ཤེས་པི་མ་ཟད། ང་ཟང་ངོ་མ་ཤེས་ཕེན། ཁྱེད་ཀྱ་ལེ་འོ་དེ་ཅོག་འདྲ་བགྱིད་ཀྱི་དིག 4ཡིན་ནའང་། ངས་དོན་དེ་ཁྱེད་ཀྱ་ལེ་ཟེར་རི་རྒྱུ་མཚན་དེ་ནི། དུས་དེ་སླེབས་རྒྱ་ཁྱེད་ཀྱ་ཀྱིས་ངས་སྨྲས་པི་དེ་དྲན་རྒྱུ་ཆེད་དུ་ཡིན། སྔོན་མ་དོན་དེའི་སྐོར་ངས་ཁྱེད་ཀྱ་ལེ་མ་སྨྲས་པི་ཡིན། ཅི་ལེ་ཟེར་ནི། དེ་རྒྱ་ང་ནི་ཁྱེད་ཀྱ་དིང་སྐྱེན་ལེ་འོད་དིག 5ད་ང་ནི་ད་ལྟ་ང་རང་རྫོང་མཁན་གྱི་དྲུང་དུ་འགྲོ་བ་ཡིན། ཁྱེད་ཀྱ་ནང་ནས་སུ་ཞིག་གིས་ཟང་ཁྱེད་རང་ག་ན་ལེ་འགྲོ་བ་ཡིན་དོ་ཟིན་མི་འདྲི་འོད་དིག 6ངས་དོན་འདི་ཀྱ་ཁྱེད་ཀྱ་ལེ་སྨྲས་ཕེན། ཁྱེད་ཀྱ་སེམས་སྡུག་འཇུ་གུ་བྱུང་པི་དིག 7ཡིན་ནའང་། ང་ཁྱེད་ཀྱ་ལེ་བདེན་པ་ཟེར་རོ། ང་འགྲོ་རྒྱུ་དེ་ནི་ཁྱེད་ཀྱ་ལེ་ཕན་ཐོགས་འོད་དིག གལ་སྲིད་ང་མ་ཕྱིན་དི་ཡིན་ནི། རོགས་རམ་བགྱིད་མཁན་དམ་པའི་ཐུགས་ཉིད་དེ་ཁྱེད་ཀྱ་འོད་ས་ལེ་འོང་གྱི་མ་དིག འོ་དེ་ལེ་བརྟེན་ཏེ། ང་ཕྱིན་ཏེ་ཁྱེད་ཀྱ་ཀྱི་རྩ་ལེ་ཐུགས་ཉིད་ཁོང་རྫོངས་ངོ་། 8ཡང་ཐུགས་ཉིད་ཁོང་རང་ཕེབས་ཏེ། སྡིག་པ་དིང་། དྲང་བདེན། ཁྲིམས་གཅོད་དེ་གསུམ་གྱི་སྐོར་ལེ། འཇིག་རྟེན་གྱི་མི་ཀྱ་ལེ་གསལ་པོ་སྟོན་ཏེ་བདེན་པའི་དཔང་པོ་གནང་གྱི་དིག 9སྡིག་པ་དེ་ནི། མི་ཀྱ་ཀྱིས་ང་ལེ་དད་པ་མེད་དི་དོན་ཡིན་དི་དིང་། 10དྲང་བདེན་དེ་ནི། ང་ཨ་ཀྱི་དྲུང་དུ་འགྲོ་བ་དིང་། དུས་ད་ཕྱིན་ཆད། ཁྱེད་ཀྱ་ཀྱིས་ང་མི་མཐོང་བའི་དོན་དེ་ཡིན་དིང་། 11ཁྲིམས་གཅོད་རྒྱུ་དེ་ནི། འཇིག་རྟེན་འདིའི་དབང་འཛིན་མཁན་དེ་ལེ་ཉེས་པའི་ཁྲིམས་བཅད་བྱས་ཚར་རི་དོན་ཡིན་དིག 12ང་ལེ་ད་རུང་ལབ་མང་པོ་ཟེར་རྒྱུ་འོད། ཡིན་ནའང་། ད་ལྟ་དེ་ཡེ་རེ་སྨྲས་པི་ཡིན་ནི། ཁྱེད་ཀྱ་ཀྱིས་བཟོད་ཐུབ་ཀྱི་མ་དིག 13ཡིན་ནའང་། དཀོན་མཆོག་གི་བདེན་པ་སྟོན་མཁན་ཐུགས་ཉིད་དེ་ཕེབས་ཏེ། ཁོང་གིས་ཁྱེད་ཀྱ་ལེ་དཀོན་མཆོག་གི་བདེན་པ་ཡེ་རེའི་ནང་ལེ་འཁྲིད་གནང་གྱི་དིག ཡང་དཀོན་མཆོག་ནས་ཅི་ཐོས་པི་དེ་རང་མ་གཏོགས། རང་གི་འདོད་པ་ཅི་ཡོད་ཅོག་འདྲ་གསུང་གནང་གྱི་མ་དིག མ་འོངས་པའི་དོན་དེ་ཀྱ་ཟང་ཁྱེད་ཀྱ་ལེ་གསུང་གནང་གྱི་དིག 14དེ་ནས་ཐུགས་ཉིད་ཀྱིས་ངའི་གཟི་བརྗིད་མངོན་དུ་བཅུག་སྟེ། ངའི་ཡིན་པ་དེ་ཀྱ་བླངས་ཏེ་ཁྱེད་ཀྱ་ལེ་སྟོན་གནང་གྱི་དིག 15ཨ་ཀྱི་ལེ་ཅི་འོད་ཡོད་དེ་ཡེ་རེ་ངའི་ཡིན་དིག འོ་དེ་ལེ་བརྟེན་ཏེ། ཐུགས་ཉིད་ཀྱིས་ངའི་ཡིན་པ་དེ་ཀྱ་བླངས་ཏེ། ཁྱེད་ཀྱ་ལེ་སྟོན་གནང་གྱི་དིག་ཟིན་ངས་ཁྱེད་ཀྱ་ལེ་སྨྲས་ཚར་རི་ཡིན། 16ད་ཅུང་མ་ཞིག་རྗེས་ལེ་ཁྱེད་ཀྱ་ཀྱིས་ང་མཐོང་གྱི་མ་དིག དེ་ནས་ཡང་ཅུང་མ་རྗེས་ལེ་ཁྱེད་ཀྱ་ཀྱིས་ང་མཐོང་གྱི་དིག་ཟིན་གསུངས་པི་དིག

སློབ་མ་ཀྱ་ཀྱིས་དཀའ་ངལ་ནས་དགའ་སྤྲོ་སྐྱེས་པ།

17དེ་ནས་སློབ་མ་ཀྱ་ཕན་ཚུན་གཅིག་གིས་གཅིག་ལེ། ཁོང་གིས་ད་ཅུང་མ་ཞིག་རྗེས་ལེ་ཁྱེད་ཀྱ་ཀྱིས་ང་མཐོང་གྱི་མ་དིག་ཟིན་གསུངས་པི་དིང་། དེ་ནས་ཡང་ཅུང་མ་རྗེས་ལེ་ཁྱེད་ཀྱ་ཀྱིས་ང་མཐོང་གྱི་དིག་ཟིན་གསུངས་པི་མ་ཟད། ཡང་ང་ཨ་ཀྱིའི་དྲུང་དུ་འགྲོ་བ་ཡིན་གསུངས་པའི་དོན་དེ་ཅི་ཡིན་ནེ་སྨྲས་པི་དིག 18ཡང་སློབ་མ་ཀྱ་ཕན་ཚུན་གཅིག་གིས་གཅིག་ལེ། ཁོང་གིས་ཅུང་མ་ཞིག་རྗེས་ལེ་གསུངས་པའི་དོན་དེ་ཅི་ཡིན་ནེ། ཁོང་གིས་གསུངས་པའི་དོན་དག་དེ་ཧ་མི་གོ་འདུག་ཟིན་འོད་དིག 19ཡང་སློབ་མ་ཀྱ་ཀྱིས་ཁོང་ལེ་དེའི་དོན་ལེ་སྐད་ཆ་འདྲི་འདོད་འོད་དེ་ཡེ་ཤུས་མཁྱེན་གནང་ཕེན། ཁོང་གིས་ངས་ཅུང་མ་ཞིག་རྗེས་ལེ་ཁྱེད་ཀྱ་ཀྱིས་ང་མཐོང་གྱི་མ་དིག ཡང་ཅུང་མ་རྗེས་ལེ་ང་མཐོང་གྱི་དིག་ཟེར་རི་དོན་དེ་ཅི་ཟེར་རི་ཡིན་དི་སྐོར་ལེ་ཁྱེད་ཀྱ་ལེ་དྲི་བ་འོད་དས། 20ང་ཁྱེད་ཀྱ་ལེ་བདེན་པ་ཟེར་རོ། ཁྱེད་ཀྱ་ངུས་ཏེ་མྱ་ངན་བྱས་ནའང་། འཇིག་རྟེན་གྱི་མི་ཀྱ་ཀྱིས་དགའ་རི་བགྱིད་ཀྱི་དིག ཁྱེད་ཀྱ་ལེ་དཀའ་ངལ་འབྱུང་ནའང་། ཁྱེད་ཀྱ་ཀྱི་དཀའ་ངལ་འདི་དགའ་སྤྲོ་ལེ་འགྱུར་གྱི་དིག 21དཔེར་ན། སྐྱེ་རེན་པའི་བུ་མའ་ཞིག་ལེ་སྐྱེ་ཟུག་གི་དཀའ་ངལ་འོད་ནའང་། ཕྲུ་གུ་ཞིག་འཇིག་རྟེན་ལེ་སྐྱེས་པི་དེ་ལེ་དགའ་རེ་བྱུང་སྟེ། སྐྱེ་ཟུག་གི་དཀའ་ངལ་དེ་མི་དྲན་འོད་དིག 22དཔེ་དེ་ཅོག་འདྲ། ད་ལྟ་ཁྱེད་ཀྱ་ལེ་དཀའ་ངལ་འོད་ནའང་། ཡང་དང་ང་ཁྱེད་ཀྱ་ལེ་ཐུག་དུ་འོང་རྒྱུ་ཡིན་དི་མ་ཟད། ཁྱེད་ཀྱ་དགའ་སྤྲོ་འོང་གྱི་དིག དེ་རྒྱ་མི་སུ་ཞིག་གིས་ཟང་། ཁྱེད་ཀྱ་ཀྱི་དགའ་སྤྲོ་དེ་འཕྲོག་སྲིད་ཀྱི་མ་དིག 23དུས་དེ་སླེབས་རྒྱ་ཁྱེད་ཀྱ་ཀྱིས་ང་ལེ་དྲི་བ་ཅི་གང་དྲིས་ཀྱི་མ་དིག ང་ཁྱེད་ཀྱ་ལེ་ང་བདེན་པ་ཟེར་རོ། ཁྱེད་ཀྱ་ཀྱིས་ངའི་མིང་བརྒྱུད་ནས་ངའི་ཨ་ཀྱི་ལེ་ཅི་ཞིག་ཞུས་ནའང་ཁོང་གིས་ཁྱེད་ཀྱ་ལེ་གནང་གྱི་དིག 24ད་ལྟ་བར་དུ་ཁྱེད་ཀྱ་ཀྱིས་ངའི་མིང་ནང་ལེ་ཅི་གང་ཞུས་མྱོང་མེད་དིག ད་ཁྱེད་ཀྱ་ཀྱི་དགའ་སྤྲོ་དེ་འགྲུབ་རྒྱུ་ཆེད་དུ་གསོལ་བ་སྨོན་ལམ་ཐོབ་དང་། ཁྱེད་ཀྱ་ལེ་དེ་འཐོབ་ཀྱི་དིག་ཟིན་གསུངས་པི་དིག 25ད་ལྟ་ངས་དོན་དེ་ཀྱ་དཔེའི་བརྒྱུད་ནས་ཁྱེད་ཀྱ་ལེ་སྨྲས་པི་ཡིན། ཡིན་ནའང་། ཁྱེད་ཀྱ་ལེ་དཔེ་མ་སྟོན་ཏེ་ངའི་ཨ་ཀྱིའི་སྐོར་ཡེ་རེ་གསལ་པོ་བྱས་ཏེ་ཟེར་རི་དུས་དེ་སླེབས་ཀྱི་དིག 26དུས་དེ་རྒྱ་ཁྱེད་ཀྱ་ཀྱིས་ངའི་མིང་ནང་ལེ་དཀོན་མཆོག་ལེ་གསོལ་བ་སྨོན་ལམ་འདེབས་ཀྱི་དིག ང་ཁྱེད་ཀྱ་ཀྱི་ཆེད་དུ་ངའི་ཨ་ཀྱི་ལེ་གསོལ་བ་སྨོན་ལམ་འདེབས་ཀྱི་ཡིན་ཟེར་རྒྱུ་མན། 27ཅི་ལེ་ཟེར་ནི། ཁྱེད་ཀྱ་ཀྱིས་ང་ལེ་བྱམས་བརྩེ་བ་བགྱིད་འོད་དི་མ་ཟད། ང་ནི་དཀོན་མཆོག་གི་དྲུང་ནས་འོངས་པི་དེ་ལེ་ཡིད་ཆེས་བྱས་ཕེན། ཨ་ཀྱིས་ཟང་ཁྱེད་ཀྱ་ལེ་བྱམས་བརྩེ་བ་གནང་གྱོ་འོད་དིག 28ང་ཨ་ཀྱིའི་དྲུང་ནས་འཇིག་རྟེན་འདི་རུ་འོངས་པི་དིང་། ཡང་འཇིག་རྟེན་དིང་ཁ་བྲལ་ཏེ་ཨ་ཀྱིའི་དྲུང་དུ་འགྲོ་བ་ཡིན་ཟིན་གསུངས་པི་དིག

29དེ་ནས་སློབ་མ་ཀྱ་ཀྱིས། ད་ཁྱེད་ཀྱིས་དཔེ་སྟོན་ཏེ་པ་རྐྱང་མ་གསུངས་ཏེ། གསོལ་པོ་བྱས་ཏེ་གསུང་གྱོ་འོད་དི་མ་ཟད། 30ད་ལྟ་ཉེད་ཀྱ་ཀྱིས་ཁྱེད་ཀྱིས་དོན་ཡེ་རེ་མཁྱེན་གནང་གྱོ་འོད་དི་ཧ་གོ་བྱུང་། འོ་དེ་ལེ་བརྟེན་ཏེ། མི་སུ་ཞིག་གིས་ཟང་ཁྱེད་ལེ་བཀའ་འདྲི་ཞུ་དགོས་མེད་དིག ཁྱེད་ནི་ངོ་ཐོག་དཀོན་མཆོག་གི་དྲུང་ནས་ཕེབས་གནང་པི་ཡིན་དི་ཉེད་ཀྱ་ཀྱིས་ཡིད་ཆེས་བགྱིད་འོད་ཟིན་ཞུས་ཕེན། 31ཡེ་ཤུས་ད་ལྟ་ཁྱེད་ཀྱ་ཀྱིས་དད་པ་ངོ་ཐོག་བགྱིད་འོད་དས། 32ལྟོས་དང་། དུས་དེ་སླེབས་རེན་འོད་དི་མ་ཟད། ད་ལྟ་ངོ་ཐོག་སླེབས་ཟང་ཚར་འོད་དིག ད་ཁྱེད་ཀྱ་ཀྱིས་ང་གཅིག་རང་གཡུགས་ཏེ། རང་སོ་སོ་ཁ་འགྱེས་འགྲོ་གྱི་དིག ཡིན་ནའང་། ངའི་ཨ་ཀྱི་ནི་ངའི་སྐྱེན་ལེ་བཞུགས་འོད་ཕེན། ང་གཅིག་རང་མ་དིག 33ཁྱེད་ཀྱ་ངའི་ནང་ལེ་གནས་འོད་ཕེན། ངའི་བརྒྱུད་ནས་ཁྱེད་ཀྱ་ཞི་བདེ་འཐོབ་རྒྱུ་ཆེད་དུ། ངས་ཁྱེད་ཀྱ་ལེ་འོ་དེ་ཀྱ་སྨྲས་པི་ཡིན། འཇིག་རྟེན་འདི་རུ་ཁྱེད་ཀྱ་ཀྱིས་དཀའ་ངལ་མྱོང་དགོས་འབྱུང་ནའང་། ང་རང་ནི་འཇིག་རྟེན་གྱི་དགྲོ་བོའི་ལག་ནས་རྒྱལ་ཕེན། ད་ཁྱེད་ཀྱ་འཁྱར་སྣང་མ་བགྱིད་ཅིག་ཟིན་གསུངས་པི་དིག །

Currently Selected:

ཡོ་ཧ་ནན། 16: DLPO

Highlight

Copy