མད་ཐཱ། 22

ལེའུ་ཉི་ཤུ་རྩ་གཉིས།

ཆང་སའི་དཔེ་སྐོར།

1ཡེ་ཤུས་ཡང་དང་དཔེའི་བརྒྱུད་ནས་ཡ་ཧུ་དཱ་པའི་མི་དེ་ཀྱ་ལེ། 2ཞིང་ཁམས་ཀྱི་རྒྱལ་ཁབ་དེ་ནི། རང་གི་བི་སའི་སྐོར་ལེ་ཆང་ས་གྲ་སྒྲིག་བགྱིད་མཁན་རྒྱལ་པོ་ཞིག་དིང་ཅོག་འདྲ་ཡིན་དིག 3ཆང་ས་དེ་ལེ་མགྲོན་པོ་བོས་རྒྱུ་ཆེད་དུ་གཡོག་པོ་ཀྱ་བརྫངས་ནའང་། མི་དེ་ཀྱ་ཀྱིས་མགྲོན་པོ་ལེ་འོང་འདོད་མ་བྱས་པི་དིག 4ཡང་མགྲོན་པོ་ཀྱ་ལེ། ཉོན་དང༌། ངས་ཆང་སའི་གྲ་སྒྲིག་བྱས་ཚར་རི་མ་ཟད། གླང་པོ་ཤ་ཤེད་ཅན་ཀྱ་སྡིག་པ་བྱས་ཏེ། ཡེ་རེ་བཤམས་ཚར་འོད། ཤོག་དང་སྨྲོས་ལེད་ཟིན་རྒྱལ་པོ་ཁོས་གཡོག་པོ་གཞན་མ་ཀྱ་བརྫངས་པི་དིག 5ཡིན་ནའང་། མགྲོན་པོ་ཀྱ་ཀྱིས་ཁ་ལན་འདི་ལེ་དོ་སྣང་མ་བྱས་པི་མ་ཟད། མི་གཅིག་རང་གི་ཞིང་ལེ་ལས་བགྱིད་དུ་བུད་དི་དིག ཡང་མི་གཅིག་རང་གི་ཚོང་ཁང་ལེ་བུད་དིག 6ཡང་མི་གཞན་མ་ཀྱ་ཀྱིས་རྒྱལ་པོས་བརྫངས་པའི་གཡོག་པོ་དེ་ཀྱ་ལེ་བརྙས་བཅོས་བཏང་སྟེ་བསད་དི་དིག 7དེ་ནས་རྒྱལ་པོ་ཁོ་ཞེས་སྡང་འཇུ་གུ་ལངས་ཕེན། དམག་མི་བརྫངས་ཏེ་མི་གསོད་མཁན་དེ་ཀྱ་རྩ་མེད་བཏང་པི་མ་ཟད། ཁོང་ཀྱ་སྡོད་སའི་རྒྱལ་ས་དེ་ལེ་ཟང་མེ་བརྒྱབ་པི་དིག 8དེ་ནས་རྒྱལ་པོ་ཁོས་རང་གི་གཡོག་པོ་ཀྱ་ལེ། ཆང་སའི་གསོ་སྟོན་གྲ་སྒྲིག་ནུས་འོད་ནའང་། བོས་པའི་མི་དེ་ཀྱ་ནི་འོང་མི་འོས་པ་ཞིག་ཡིན་ཕེན། 9ད་ཁྱེད་ཀྱ་གཞུང་ལམ་ལེ་ཕྱིན་ཏེ། དེ་རུ་འོད་ཡོད་མི་ཡེ་རེ་ལེ་ཆང་སའི་གསོ་སྟོན་ལེ་ཤོག་སྨྲོས་ལེད་ཟིན་བརྫངས་པི་དིག 10དེ་ནས་གཡོག་པོ་ཀྱ་གཞུང་ལམ་ལེ་ཕྱིན་ཏེ། མི་བཟང་ངན་སུ་ཞིག་ཐུག་ནའང་ཡེ་རེ་ཁྲིད་འོངས་ཏེ། ཁང་པའི་ནང་ལེ་མགྲོན་པོས་བཀང་པི་དིག 11དེ་ནས་རྒྱལ་པོ་ཁོང་རང་མགྲོན་པོ་དེ་ཀྱ་ལེ་ལྟ་རུ་འོང་རྒྱ། དེ་རུ་ཆང་སའི་གོས་གྱོན་མེད་མེད་མི་ཞིག་འོད་དི་མཐོང་ཕེན། 12ཁོ་ལེ། རོགས་པོ། ཁྱོད་ཀྱིས་ཆང་སའི་གོས་མ་གྱོན་ཏེ། འདི་རུ་ཅི་གི་བྱས་ཏེ་འོངས་པི་ཡིན་དོ་ཟིན་དྲིས་པི་དིག ཡིན་ནའང་། མི་དེས་ཁོང་ལེ་ཅི་གང་ཞུ་མ་ནུས་པི་དིག 13དེ་ནས་རྒྱལ་པོ་ཁོས་གཡོག་པོ་ཀྱ་ལེ། ཁོའི་རྐང་ལག་བསྡམས་ཏེ། ངུ་སྐད་དིང་སོ་ཁྲིག་ཁྲིག་བགྱིད་ས་མུན་ནག་གི་ནང་ལེ་གཡུགས་ཤིག་སྨྲས་པི་དིག 14དེ་ནས་ཡེ་ཤུས་མགྲོན་པོ་ལེ་བོས་པ་མང་པོ་འོད་ནའང་། དངོས་སུ་བདམས་པི་དེ་ཉུང་མ་ཡིན་ཟིན་གསུངས་པི་དིག

ཁྲལ་འཇལ་དགོས་འོད་མེད་ཀྱི་སྐོར།

15དེ་ནས་ཕཱ་རུ་ཤི་པ་ཀྱ་ཕྱི་ལེ་ཐོན་ཏེ། ཡེ་ཤུ་ལེ་ཁྲིམས་འགལ་གྱི་ལབ་ཤོད་དུ་འཇུག་རྒྱུ་ཆེད་དུ་ཁོང་ཀྱ་ཀྱིས་ངན་ཇུས་བྱས་ཏེ། 16ཕཱ་རུ་ཤི་པའི་སློབ་མ་ཀྱ་དིང༌། ཧེ་རོ་དཱེའི་ཕྱོགས་ཀྱི་མི་ཁ་ཤས་ཞིག་ཡེ་ཤུའི་དྲུང་དུ་བརྫངས་པི་དིག དེ་ནས་ཁོང་ཀྱ་ཀྱིས་ཡེ་ཤུ་ལེ། རྒན། ཁྱེད་ནི་གཤིས་ཀ་དྲང་པོ་ཞིག་ཡིན་དི་མ་ཟད། ཁྱེད་ཀྱིས་དྲང་བདེན་ངང་ནས་དཀོན་མཆོག་གི་ཐུགས་དགོང་ཅོག་འདྲ། ཉེད་ཀྱ་ཀྱིས་མི་ཚེ་ཅི་གི་བྱས་ཏེ་སྐྱེལ་དགོས་པའི་སྐོར་ལེ་བསྟན་གནང་བྱུང་། ཡང་ཁྱེད་ཀྱིས་མིའི་ངོ་ལེ་མི་ལྟ་འོད་དི་མ་ཟད། མི་ལེ་ཕྱོགས་རིས་མི་གནང་འོད་དི་ཉེད་ཀྱ་ཀྱིས་ཧ་གོ་བྱུང་། 17འོ་དེ་ལེ་བརྟེན་ཏེ། ཁྱེད་ཀྱིས་གསུངས་དང་། དཀོན་མཆོག་གི་ཆོས་ཁྲིམས་ཅོག་འདྲ་བྱས་ནི། ཉེད་ཀྱ་ཀྱིས་རྒྱལ་པོ་སེ་བཟིར་ལེ་ཁྲལ་གཏོད་དགོས་འོད་དི་གོ་མེད་དི་གོ་ཟིན་དྲིས་པི་དིག#22.17 དེ་དུས་ཀྱི་རྒྱལ་པོ་དེ་ནི། རོ་མཱ་གོང་མའི་རྒྱལ་ཁབ་ཀྱི་སེ་བཟིར་རྒྱལ་རབས་ཀྱི་རྒྱལ་པོ་ཐེ་པེར་ཡེའུ་ཟི་ཟེར་མཁན་དེ་ཡིན་དིག 18ཡིན་ནའང་། ཡེ་ཤུས་ཁོང་ཀྱ་ཀྱི་ངན་སེམས་དེ་མཁྱེན་ཕེན། ཁོང་ཀྱ་ལེ། ཁ་ཚིག་དོན་ལེ་མི་གནས་མཁན་ཁྱེད་ཀྱ། ང་ལེ་ཉམས་ཚོད་ལེན་དགོས་པའི་རྒྱུ་མཚན་ཅི་ཡིན་དོ། 19ཁྲལ་གཏོད་རྒྱུ་དངུལ་གྱི་སྒོར་མོ་ཞིག་ང་ལེ་སྟོན་དང་ཟིན་གསུངས་ཕེན། ཁོང་ཀྱ་ཀྱིས་སྒོར་མོ་གཅིག་ཁོང་ལེ་གཏད་དི་དིག 20ཁོང་གིས་མི་དེ་ཀྱ་ལེ། སྒོར་མོ་འདི་ལེ་བྲིས་པའི་རི་མོ་དིང་ཡི་གེ་འདི་སུའི་ཡིན་གོ་ཟིན་དྲིས་ཏེ། 21ཁོང་ཀྱ་ཀྱིས་རྒྱལ་པོ་སེ་བཟིར་གྱི་ཡིན་དིག་སྨྲས་ཕེན། ཁོང་གིས་མི་དེ་ཀྱ་ལེ། འོ་ནེ། རྒྱལ་པོ་སེ་བཟིར་གྱི་ཡིན་པ་དེ་རྒྱལ་པོ་ལེ་ཕུལ། ཡང་དཀོན་མཆོག་གི་ཡིན་དི་དེ་དཀོན་མཆོག་ལེ་ཕུལ་ཟིན་གསུངས་པི་དིག 22མི་དེ་ཀྱ་ཀྱིས་གསུང་དེ་ཐོས་ཕེན། ཧ་ལས་ཆེན་པོ་བྱུང་སྟེ། ཁོང་དིང་ཁ་གྱེས་ཏེ་ཕ་ལེ་བུད་དིག

འཆི་བ་ནས་ཡང་དང་གསོན་པའི་སྐོར།

23ཡང་ཉིན་མ་འདི་རང་ལེ་གཤིན་པོ་ཀྱ་ཡང་དང་གསོན་པོ་སློང་རྒྱུ་མེད་ཟེར་མཁན་སཱ་ཅུ་སེ་པའི་ནང་ནས་མི་ཁ་ཤས་ཞིག་ཡེ་ཤུའི་དྲུང་དུ་འོངས་ཏེ། 24ཁོང་ལེ། རྒན། ལུང་སྟོན་པ་མོ་ཤེས། གལ་སྲིད་སྐྱེས་པ་ཞིག་ལེ་བུ་ཕྲུག་མ་བྱུང་སྟེ་ཤི་ནི། ཁོའི་སྤུན་གྱིས་བུ་མའ་དེ་རང་གི་མནའ་མ་ལེ་བླངས་ཏེ། སྤུན་གྱི་ཆེད་དུ་རིགས་རྒྱུད་སྤེལ་དགོས་འོད་དིག་ཟིན་གསུངས་འོད་དིག 25དཔེར་ན་ཆ་གཞག་ན། ཉེད་ཀྱ་ཀྱི་དཀྱིལ་ལེ་བི་ས་སྤུན་བདུན་འོད་དི་དིང་། ཨ་ཇོ་ཆེ་ཤོས་ཁོས་མནའ་མ་བླངས་ནའང་། ཁོ་རང་ལེ་བུ་ཕྲུག་མ་བྱུང་སྟེ་ཁོ་ཤི་པི་དིག ཡང་ནུ་བོ་ཁོས་ཟང་བུ་མའ་དེ་རང་གི་མནའ་མ་ལེ་བླངས་པི་དིག ཁོ་ལེ་ཟང་བུ་ཕྲུག་མ་བྱུང་སྟེ་ཤི་པི་དིག 26ད་གང་བྱས་བི་ས་སྤུན་བདུན་ཀ་ཀྱིས་མནའ་མ་ལེ་གཅིག་གི་ཐོག་ལེ་བསྡད་ནའང་བུ་ཕྲུག་མ་བྱུང་སྟེ་ཤི་པི་མ་ཟད། 27མཇུག་མཐའ་མ་བུ་མའ་མོ་རང་ཟང་ཤི་པི་ཡིན་ནི། 28ད་བི་ས་སྤུན་བདུན་ཀ་ཀྱིས་མནའ་མ་གཅིག་གི་ཐོག་ལེ་བསྡད་ཕེན། གཤིན་པོ་ཀྱ་ཡང་དང་གསོན་པོ་ལངས་རྒྱ། མོ་སུའི་མནའ་མ་ཡིན་གོ་ཟིན་དྲིས་ཏེ། 29ཡེ་ཤུས་མི་དེ་ཀྱ་ལེ། ཁྱེད་ཀྱ་ཀྱིས་གསུང་རབ་ཟང་ཧ་མ་གོ་པི་མ་ཟད། དཀོན་མཆོག་གི་ནུས་མཐུ་ཟང་ཧ་མ་གོ་ཕེན། ཁྱེད་ཀྱ་ཀྱིས་གཤིན་པོའི་སྐོར་ལེ་གོ་ནོར་ཐེབ་པི་དིག 30གཤིན་པོ་ཀྱ་ཡང་དང་གསོན་པོ་ལངས་རྒྱ། མི་སུ་ཞིག་གིས་ཟང་མག་པ་དིང་མནའ་མ་མི་ལེན་འོད་དིག མི་དེ་ཀྱ་ནི་དཀོན་མཆོག་གི་ཞིང་ཁམས་ཀྱི་ཕོ་ཉ་དིང་ཅོག་འདྲ་ཡིན་དིག 31ཡིན་ནའང་། གཤིན་པོ་ཀྱ་ཡང་དང་གསོན་པོ་ལང་རྒྱུ་ཡིན་དི་སྐོར་ལེ། དཀོན་མཆོག་གིས་ཁྱེད་ཀྱ་ལེ་ཅི་གསུངས་པི་དེ་ཁྱེད་ཀྱ་ཀྱིས་ཀློག་མྱོང་མེད་དས། 32ང་ནི་ཁྱེད་ཀྱ་ཀྱི་མི་རབས་སྔོན་མའི་མེས་མེས་ཨབ་ར་ཧམ་གྱི་དཀོན་མཆོག་དིང༌། ཨི་སཱག་གི་དཀོན་མཆོག ཡ་ཀོབ་ཀྱི་དཀོན་མཆོག་ཡིན། ཁོང་ནི་གཤིན་པོ་ཀྱ་ཀྱི་དཀོན་མཆོག་མ་དིག གསོན་པོ་ཀྱ་ཀྱི་དཀོན་མཆོག་ཡིན་དིག་ཟིན་གསུངས་པི་དིག#22.32 ཚིགས་བཅད་འདི་ནི་ལུང་སྟོན་པ་མོ་ཤེས་བྲིས་པའི་མདོ་གཉིས་པ་ཐེགས་པ་ལེའུ་ 3 ཨང་ 6 ནང་ལེ་གཟིགས་རོགས། ཨབ་ར་ཧམ་དིང་། ཨི་སཱག ཡ་ཀོབ་ཁོང་ཀྱ་ནི་ཡ་ཧུ་དཱ་པའི་མི་རིགས་ཀྱི་མེས་མེས་ཡིན་དིག 33དེ་ནས་མི་ཚོགས་ཀྱིས་དེ་ཐོས་ཏེ། ཁོང་གིས་གསུངས་པའི་ཆོས་དེ་ལེ་ཡ་མཚན་ཆེན་པོ་སྐྱེས་པི་དིག

ཆོས་ཁྲིམས་ནང་ནས་གལ་ཆེ་ཤོས།

34དེ་ནས་ཕཱ་རུ་ཤི་པ་ཀྱ་ཀྱིས་ཡེ་ཤུས་སཱ་ཅུ་སེ་པའི་མི་ཀྱ་ལེ། ལན་ཚ་པོ་རྒྱག་གི་ཐོས་ཕེན། ཕཱ་རུ་ཤི་པའི་མི་ཀྱ་འཛོམས་འོངས་པི་དིག 35ཡང་མི་དེ་ཀྱ་ནང་ནས་ཆོས་ཁྲིམས་མཁས་པ་ཞིག་གིས་ཡེ་ཤུ་ལེ་ཉམས་ཚོད་ལེན་རྒྱུ་ཆེད་དུ། 36ཡེ་ཤུ་ལེ། སློབ་དཔོན། ཆོས་ཁྲིམས་ནང་ནས་གལ་ཆེ་ཤོས་དེ་ཅི་ཡིན་གོ་ཟིན་སྐད་ཆ་དྲིས་ཕེན། 37ཁོང་གིས་ཁྱེད་ཀྱ་ཀྱིས་རང་གི་ཇོ་བོ་དཀོན་མཆོག་ལེ། ལུས་ངག་ཡིད་གསུམ་ངང་ནས་བྱམས་བརྩི་བཀུར་གྱིས་ཤིག#22.37 མོ་ཤེས་བྲིས་པའི་མདོ་བཀའ་ལུང་ལེའུ་ 5 ཨང་ 21 ནང་ལེ་གཟིགས་རོགས། 38དེ་ནི་ཆོས་ཁྲིམས་ཡེ་རེ་ནང་ནས་གལ་ཆེ་ཤོས་དིང་དང་པོ་དེ་ཡིན་དིག 39གཉིས་པ་དེ་ཟང་། དང་པོ་ཅོག་འདྲ་གལ་ཆེན་པོ་ཡིན་ཕེན། ཁྱེད་ཀྱ་རང་གིས་རང་ལེ་གཅེས་པོ་བགྱིད་དི་ཅོག་འདྲ། རང་གི་ཁྱིམ་མཚེས་ཀྱ་ལེ་ཟང་གཅེས་པོ་གྱིས་ཤིག#22.39 ལུང་སྟོན་པ་མོ་ཤེས་བྲིས་པའི་མདོ་གསུམ་པ་ལེ་ཝི་ཚུལ་ཁྲིམས་ལེའུ་ 19 ཨང་ 18 ནང་ལེ་གཟིགས་རོགས། 40ཆོས་ཁྲིམས་དེ་གཉིས་ནི་ཆོས་ཁྲིམས་ཡེ་རེ་དིང༌། ཡང་ལུང་སྟོན་པ་ཀྱ་ཀྱིས་བསྟན་གནང་པི་དེ་ཟང་། རྩ་བ་འོ་དེ་ལེ་རྟེན་འོད་དིག་ཟིན་གསུངས་པི་དིག

དཱ་བིད་ཀྱི་སྲས་སུ་ཡིན་མིན་གྱི་སྐོར།

41ཕཱ་རུ་ཤི་པ་ཀྱ་འཛོམས་འོང་ཕེན། ཡེ་ཤུས་ཁོང་ཀྱ་ལེ། 42ཁྱེད་ཀྱ་ཀྱིས་སྐྱབས་མགོན་གྱི་སྐོར་ལེ་ཅི་སེམས་ཀྱི་འདུག་གོ། ཁོང་ནི་སུའི་སྲས་ཡིན་གོ་ཟིན་བཀའ་འདྲི་གནང་ཕེན། ཕཱ་རུ་ཤི་པ་ཀྱ་ཀྱིས་ཁོང་ལེ། རྒྱལ་པོ་དཱ་བིད་ཀྱི་སྲས་ཡིན་དིག་སྨྲས་པི་དིག 43ཁོང་གིས་མི་དེ་ཀྱ་ལེ། འོ་ནེ། དཀོན་མཆོག་གི་དམ་པའི་ཐུགས་ཉིད་ཀྱིས་བསྐུལ་ཏེ། དཱ་བིད་ཀྱིས་ཁོང་ལེ་ཇོ་བོ་ཟིན་ཅི་ལེ་ཟེར་རི་ཡིན་གོ། 44དཀོན་མཆོག་གིས་ངའི་ཇོ་བོ་ལེ། །

ཁྱེད་ཀྱི་དགྲ་བོ་ཀྱ་ཁྱེད་ཀྱི་ཞབས་འོག་ཏུ། །

ངས་མ་བཅུག་བར་དུ་ཁྱེད་རང་། །

ངའི་གཡས་ལེ་བཞུགས་རོགས། །

ཟིན་ཞུས་འོད་དིག#22.44 ཚིགས་བཅད་འདི་ནི་གསུང་མགུར་མདོ་ལེའུ་ 110 ཨང་ 1 ནང་ལེ་གཟིགས་རོགས། 45རྒྱལ་པོ་དཱ་བིད་ཀྱིས་སྐྱབས་མགོན་ལེ། ངའི་ཇོ་བོ་ཟིན་ཞུས་ནི། སྐྱབས་མགོན་ནི། དཱ་བིད་ཀྱི་སྲས་ཅི་བྱས་ཏེ་ཡིན་སྲིད་རྒྱུ་ཟིན་གསུངས་ཕེན། 46མི་སུ་ཞིག་གིས་ཟང་ཡེ་ཤུ་ལེ་ལན་སློག་མ་ནུས་པི་མ་ཟད། དེའི་རྗེས་ལེ་མི་སུ་ཞིག་གིས་ཁོང་ལེ་དྲི་བ་དྲི་ལས་བགྱིད་མ་ཕོད་པི་དིག །

Currently Selected:

མད་ཐཱ། 22: DLPO

Highlight

Copy