HECHOS 27
27
Pablota Roma puebloman cachashcamanta
1Mandac Festo ñucanchicta ña Italia llactaman cachagricushpaca, Pablotapish, shinallatac shuc prezucunatapish pasac soldadocunata mandac Juliomanmi cushpa cacharca. Chai Julioca Roma*f** llactata jatun mandac Augustopac soldadocunapurami carca. 2Adramitio pueblomanta cac shuc barcopimi huichicurcanchic. Chai barcoca Asia llactapi cac puertocunamanmi chayana carca. Macedonia llactapi cac Tesalónica pueblomanta Aristarco runapish, ñucanchichuanmi chai barcollapitac ricurca. 3Chai cayandic punzhaca Sidón pueblomanmi chayarcanchic. Chai pueblopimi mandac Julioca Pablota llaquishpa, paiman imallatapish cungapishchari nishpa, paipac ricsishcacunata ricumuchun cacharca. 4Sidonmanta barcopi rishpaca, huaira jarcacpimi, yacu chaupipi cac Chipre llacta alli ladota muyushpa rircanchic. 5Cilicia llacta, Panfilia llactacuna chimbapurapi cac mama cuchata rishpaca, Licia llactapi cac Mira pueblomanmi chayarcanchic.
6Chaipimi pasac soldadocunata mandacca Alejandría pueblomanta Italia llactaman ricuc barcota ricushpaca, ñucanchicta chai barcopi huichicuchirca. 7Munai huaira huactacucpimi, mana utca ri pudishpa allimanta rircanchic. Chashna rishpaca, mai llaquita apashpami, tauca punzhacunapi Gnido pueblo chimbapuraman chayarcanchic. Huaira ashtahuan alsarishpa mana ricta ruhuacpimi, Salmón shuti allpa ladota rishpa, yacu chaupipi cac Creta llactata muyugrircanchic. 8Munai llaquita apashpami allimanta rishpa, barcocuna shayarina Lasea pueblo uranicpi cac, Alli Shayarina nishcaman chayarcanchic.
9Chashnami tauca punzhacunata unaiyarcanchic. Yacuta ashtahuan rinapish ña mana alli carcachu. Shinallatac ayunana punzhacunapish ñami tucurirca. Chaimantami Pabloca paicunata yuyachishpaca:
10—¡Tucui caipi caccuna! Tamia punzhacunapi rishpaca, jatun llaquimari tucushun. Cai tucui imata apacushcacunapish yacupi chingarinman. Pacta ñucanchicpish huañunchicman— nirca.
11Pablo chashna nicpipish, pasac soldadocunata mandacca mana uyarcachu, ashtahuanpish barcota purichic, shinallatac barcoyuc ima nishcallatami uyarca. 12Tamia quillacunata mana chaipi caipac cashcamantami: “Creta llactapi cac Fenice puebloman chayashunpishchari” yuyashpa, llucshinata yuyarircacuna. Chai pueblopica janamanta, uramanta huaira shamushpapish, mana imata ruhuacchu carca. Chaimantami tamia quillacunataca chaipi cashun nircacuna.
Mama cuchapi darán huaira jatarishcamanta
13Chaimanta ashalla huichai huaira tiyacpica: “Ña cunancarin rinallami canchic” nishpami, barcota yacupi huatashpa charic anclacunata tandashpa, ri callarircanchic. Chashna rishpaca, Creta llacta cuchu cuchullatami rircanchic. 14Chaita ricucpica, cungailla janacmanta uraiman jatun darán huaira shamushpa, barcotaca apai callarircami. 15Huaira apacpi ñaupaman ña mana ri pudishpaca, huaira apachun saquircanchicllami. 16Yacu chaupipi cac uchilla Clauda llacta huashata ricucpica, ña mana huaira tiyashca carcachu. Chaimantami barco aisashpa ricushca uchilla canoata, munai chutacushpalla yacumanta huichicuchircanchic. 17Ña chai uchilla canoata huichicuchishpaca, barco ama p'aquirichunmi barcota purichiccunaca huascacunahuan huatarcacuna. Chai q'uipaca yacu chaupipi urcuyashca Sirte nishca t'iyupi pambarinata manchashpami, barcota purichic liensocunata uricuchishpa, huaira maita apashcata ringapac saquircacuna. 18Chai cayandic punzhapish huaira chashnallatac cacpimi, barcopi imata apacushcacunataca yacupi shitai callarircacuna. 19Ña quimsa punzhata chashnalla cacpimi, barcota purichina ima charishcacunatapish paicunallatac yacupi shitarcacuna. 20Achca punzhacunata intipish, lucerocunapish mana ricurishpa, munai tamialla huairalla cacpimi: “Ña mana causashunchu” nishpa yuyarcanchic.
21Ña tauca punzhacunatami mana micurcanchic. Chaimantami Pabloca tucui chaipi caccunapac chaupipi shayarishpa:
—¡Tucui caipi caccuna! Ñuca nishcata uyashca cashpaca, Cretamantaca mana llucshishpa shamunchicmanchu carca. Mana ima cashna llaquitapish apanchicmanchu carca. Imatapish mana shitanchicmanchu carca. 22Shina cacpipish cancunataca cashna nishpami, ñucaca cushichisha nini: Cai barcollami ucuyanga, ashtahuanpish cancunaca shucllapish mana huañunguichicchu. 23Ñucaca Taita Diospac cashpami, paita servini. Chashna cashcamantami Taita Diosca cunan tuta paipac angelta cachashpaca: 24‘Pablo, ama manchaichu. Canca Roma*f** llactata jatun mandac Cesarpacman*f** chayanatacmi cangui. Canmantami tucui canhuan riccunatapish huañuimanta quishpichisha’ nishpa huillachirca. 25Taita Dios angelman huillachishcata pactachina cashcataca crinimi. Chaimanta ama manchaichicchu. 26Ñucanchicca yacu chaupipi cac llactallamanmi, maipi cashpapish chayana canchic— nirca.
27Ña ishcai semanata huaira caiman chaiman shitashpa aparicucllapimi, cungailla shuc tutaca Adria shuti mama cuchapi tarirircanchic. Chai chaupi tutallatacmi barcota purichiccunaca ña allpaman chayacushcata yuyarcacuna. 28Chashna yuyacushpa, yacu jahuamanta ucu allpaman medicpica, quimsa chunga sucta metromi cashca carca. Cutin chainic chainiclla medicpica, ishcai chunga canchis metromi cashca carca. 29Rumicunapi huactarinata manchashpami, barcota charic chuscu anclacunata huashaman cacharircacuna. Tutarac cacpimi, ña punzhayamanlla nicurcacuna. 30Barcota purichiccunaca: “Cai barcota shitashpa rishun” nishpa yuyarcacuna. Chaimanta “barcota charic ñaupa anclacunatami uricuchicunchic” nic tucushpa, uchilla canoata yacuman uricuchi callarircacuna. 31Chaimantami Pabloca pasac soldadocunata mandactapish, caishuc soldadocunatapish:
—Cai barcota purichiccuna shitashpa ricpica, cancunaca huañunguichicmi— nirca.
32Chashna nicpi, soldadocunaca huatashca huascacunata p'itishpami, chai uchilla canoata yacupi urmachichircacuna.
33Ña achicyamucpimi, Pabloca tucui chaipi caccunataca:
—Imallatapish micuichic. Ña ishcai semanatami imata mana micushcapish, mana suiñushcapish canguichic. 34Chaimanta cancunaca ama ima tucungapac imallatapish micuichic. Cancunapac shuc uma acchallapish mana chingaringachu— nirca.
35Chashna nishpa Pabloca tandata japishpami, tucui chaipi caccunapac ñaupapi Taita Diosta pagui nishpa, tandata chaupishpa micui callarirca. 36Chashna micucucpica, paicunapish cushicushpami, tucui mashna micui callarircacuna. 37Chai barcopica, ishcai pasac canchis chunga suctami carcanchic. 38Ña mana nicta micushpaca, barco p'angalla tucuchunmi trigota yacuman shitarcacuna.
Yacupi barco ucuyashcamanta
39Ña punzhayamucpica, barcota purichiccunaca mai llactapi cashcata mana yacharcacunachu. Chashna mana yachashpapish, barcota shayachinalla caipac yuyachicpimi: “Chaiman barcota cuchuyachishun” nishpa yuyarcacuna. 40Yacu ucuman cacharishca anclacunata charicuc huascacunata p'itishpami, chai anclacunataca yacullapitac saquircacuna. Barcota caiman chaiman apac caspicunataca cacharishpa, barcota purichic ñaupa lado liensotapish jahuaman churacpimi, huairaca barcotaca allpaman cuchuyachi callarirca. 41Ña allpaman cuchuyacushpaca, yacu ucupi urcuyashca t'iyupimi barco ñaupa ladoca pambarirca. Chashna pambaricpimi, huashamanta yacu huactashpa, barcota p'aqui callarirca. 42Chashna tucucucpimi, prezu apacushca runacuna yacupi huambushpa maipi ama miticugrichun soldadocunaca: “¡Huañuchishunchic!” nircacuna. 43Chashna nicpica, pasac soldadocunata mandacca Pablota mana huañuchisha nishpami:
—Huambunata yachaccunarac, huambushpa llucshichic. 44Caishuccunaca tablacunapi, barco p'aquirishca caspicunapi huambushpa llucshichuncuna— nirca.
Chashnami tucui mashna mana ima tucushpa, allpamanca llucshircanchic.
Currently Selected:
HECHOS 27: QXR96
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.
HECHOS 27
27
Pablota Roma puebloman cachashcamanta
1Mandac Festo ñucanchicta ña Italia llactaman cachagricushpaca, Pablotapish, shinallatac shuc prezucunatapish pasac soldadocunata mandac Juliomanmi cushpa cacharca. Chai Julioca Roma*f** llactata jatun mandac Augustopac soldadocunapurami carca. 2Adramitio pueblomanta cac shuc barcopimi huichicurcanchic. Chai barcoca Asia llactapi cac puertocunamanmi chayana carca. Macedonia llactapi cac Tesalónica pueblomanta Aristarco runapish, ñucanchichuanmi chai barcollapitac ricurca. 3Chai cayandic punzhaca Sidón pueblomanmi chayarcanchic. Chai pueblopimi mandac Julioca Pablota llaquishpa, paiman imallatapish cungapishchari nishpa, paipac ricsishcacunata ricumuchun cacharca. 4Sidonmanta barcopi rishpaca, huaira jarcacpimi, yacu chaupipi cac Chipre llacta alli ladota muyushpa rircanchic. 5Cilicia llacta, Panfilia llactacuna chimbapurapi cac mama cuchata rishpaca, Licia llactapi cac Mira pueblomanmi chayarcanchic.
6Chaipimi pasac soldadocunata mandacca Alejandría pueblomanta Italia llactaman ricuc barcota ricushpaca, ñucanchicta chai barcopi huichicuchirca. 7Munai huaira huactacucpimi, mana utca ri pudishpa allimanta rircanchic. Chashna rishpaca, mai llaquita apashpami, tauca punzhacunapi Gnido pueblo chimbapuraman chayarcanchic. Huaira ashtahuan alsarishpa mana ricta ruhuacpimi, Salmón shuti allpa ladota rishpa, yacu chaupipi cac Creta llactata muyugrircanchic. 8Munai llaquita apashpami allimanta rishpa, barcocuna shayarina Lasea pueblo uranicpi cac, Alli Shayarina nishcaman chayarcanchic.
9Chashnami tauca punzhacunata unaiyarcanchic. Yacuta ashtahuan rinapish ña mana alli carcachu. Shinallatac ayunana punzhacunapish ñami tucurirca. Chaimantami Pabloca paicunata yuyachishpaca:
10—¡Tucui caipi caccuna! Tamia punzhacunapi rishpaca, jatun llaquimari tucushun. Cai tucui imata apacushcacunapish yacupi chingarinman. Pacta ñucanchicpish huañunchicman— nirca.
11Pablo chashna nicpipish, pasac soldadocunata mandacca mana uyarcachu, ashtahuanpish barcota purichic, shinallatac barcoyuc ima nishcallatami uyarca. 12Tamia quillacunata mana chaipi caipac cashcamantami: “Creta llactapi cac Fenice puebloman chayashunpishchari” yuyashpa, llucshinata yuyarircacuna. Chai pueblopica janamanta, uramanta huaira shamushpapish, mana imata ruhuacchu carca. Chaimantami tamia quillacunataca chaipi cashun nircacuna.
Mama cuchapi darán huaira jatarishcamanta
13Chaimanta ashalla huichai huaira tiyacpica: “Ña cunancarin rinallami canchic” nishpami, barcota yacupi huatashpa charic anclacunata tandashpa, ri callarircanchic. Chashna rishpaca, Creta llacta cuchu cuchullatami rircanchic. 14Chaita ricucpica, cungailla janacmanta uraiman jatun darán huaira shamushpa, barcotaca apai callarircami. 15Huaira apacpi ñaupaman ña mana ri pudishpaca, huaira apachun saquircanchicllami. 16Yacu chaupipi cac uchilla Clauda llacta huashata ricucpica, ña mana huaira tiyashca carcachu. Chaimantami barco aisashpa ricushca uchilla canoata, munai chutacushpalla yacumanta huichicuchircanchic. 17Ña chai uchilla canoata huichicuchishpaca, barco ama p'aquirichunmi barcota purichiccunaca huascacunahuan huatarcacuna. Chai q'uipaca yacu chaupipi urcuyashca Sirte nishca t'iyupi pambarinata manchashpami, barcota purichic liensocunata uricuchishpa, huaira maita apashcata ringapac saquircacuna. 18Chai cayandic punzhapish huaira chashnallatac cacpimi, barcopi imata apacushcacunataca yacupi shitai callarircacuna. 19Ña quimsa punzhata chashnalla cacpimi, barcota purichina ima charishcacunatapish paicunallatac yacupi shitarcacuna. 20Achca punzhacunata intipish, lucerocunapish mana ricurishpa, munai tamialla huairalla cacpimi: “Ña mana causashunchu” nishpa yuyarcanchic.
21Ña tauca punzhacunatami mana micurcanchic. Chaimantami Pabloca tucui chaipi caccunapac chaupipi shayarishpa:
—¡Tucui caipi caccuna! Ñuca nishcata uyashca cashpaca, Cretamantaca mana llucshishpa shamunchicmanchu carca. Mana ima cashna llaquitapish apanchicmanchu carca. Imatapish mana shitanchicmanchu carca. 22Shina cacpipish cancunataca cashna nishpami, ñucaca cushichisha nini: Cai barcollami ucuyanga, ashtahuanpish cancunaca shucllapish mana huañunguichicchu. 23Ñucaca Taita Diospac cashpami, paita servini. Chashna cashcamantami Taita Diosca cunan tuta paipac angelta cachashpaca: 24‘Pablo, ama manchaichu. Canca Roma*f** llactata jatun mandac Cesarpacman*f** chayanatacmi cangui. Canmantami tucui canhuan riccunatapish huañuimanta quishpichisha’ nishpa huillachirca. 25Taita Dios angelman huillachishcata pactachina cashcataca crinimi. Chaimanta ama manchaichicchu. 26Ñucanchicca yacu chaupipi cac llactallamanmi, maipi cashpapish chayana canchic— nirca.
27Ña ishcai semanata huaira caiman chaiman shitashpa aparicucllapimi, cungailla shuc tutaca Adria shuti mama cuchapi tarirircanchic. Chai chaupi tutallatacmi barcota purichiccunaca ña allpaman chayacushcata yuyarcacuna. 28Chashna yuyacushpa, yacu jahuamanta ucu allpaman medicpica, quimsa chunga sucta metromi cashca carca. Cutin chainic chainiclla medicpica, ishcai chunga canchis metromi cashca carca. 29Rumicunapi huactarinata manchashpami, barcota charic chuscu anclacunata huashaman cacharircacuna. Tutarac cacpimi, ña punzhayamanlla nicurcacuna. 30Barcota purichiccunaca: “Cai barcota shitashpa rishun” nishpa yuyarcacuna. Chaimanta “barcota charic ñaupa anclacunatami uricuchicunchic” nic tucushpa, uchilla canoata yacuman uricuchi callarircacuna. 31Chaimantami Pabloca pasac soldadocunata mandactapish, caishuc soldadocunatapish:
—Cai barcota purichiccuna shitashpa ricpica, cancunaca huañunguichicmi— nirca.
32Chashna nicpi, soldadocunaca huatashca huascacunata p'itishpami, chai uchilla canoata yacupi urmachichircacuna.
33Ña achicyamucpimi, Pabloca tucui chaipi caccunataca:
—Imallatapish micuichic. Ña ishcai semanatami imata mana micushcapish, mana suiñushcapish canguichic. 34Chaimanta cancunaca ama ima tucungapac imallatapish micuichic. Cancunapac shuc uma acchallapish mana chingaringachu— nirca.
35Chashna nishpa Pabloca tandata japishpami, tucui chaipi caccunapac ñaupapi Taita Diosta pagui nishpa, tandata chaupishpa micui callarirca. 36Chashna micucucpica, paicunapish cushicushpami, tucui mashna micui callarircacuna. 37Chai barcopica, ishcai pasac canchis chunga suctami carcanchic. 38Ña mana nicta micushpaca, barco p'angalla tucuchunmi trigota yacuman shitarcacuna.
Yacupi barco ucuyashcamanta
39Ña punzhayamucpica, barcota purichiccunaca mai llactapi cashcata mana yacharcacunachu. Chashna mana yachashpapish, barcota shayachinalla caipac yuyachicpimi: “Chaiman barcota cuchuyachishun” nishpa yuyarcacuna. 40Yacu ucuman cacharishca anclacunata charicuc huascacunata p'itishpami, chai anclacunataca yacullapitac saquircacuna. Barcota caiman chaiman apac caspicunataca cacharishpa, barcota purichic ñaupa lado liensotapish jahuaman churacpimi, huairaca barcotaca allpaman cuchuyachi callarirca. 41Ña allpaman cuchuyacushpaca, yacu ucupi urcuyashca t'iyupimi barco ñaupa ladoca pambarirca. Chashna pambaricpimi, huashamanta yacu huactashpa, barcota p'aqui callarirca. 42Chashna tucucucpimi, prezu apacushca runacuna yacupi huambushpa maipi ama miticugrichun soldadocunaca: “¡Huañuchishunchic!” nircacuna. 43Chashna nicpica, pasac soldadocunata mandacca Pablota mana huañuchisha nishpami:
—Huambunata yachaccunarac, huambushpa llucshichic. 44Caishuccunaca tablacunapi, barco p'aquirishca caspicunapi huambushpa llucshichuncuna— nirca.
Chashnami tucui mashna mana ima tucushpa, allpamanca llucshircanchic.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.