लुका 14
14
येसुइ यातचाक बिरामिकाय यहुदि धोओ दिनहाङ स्याक्ताक्सास्यावो
1यातज्यो यहुदि धोओ दिनहाङ येसु फरिसिलमको यातचाक अगुवाको किमहाङ जेःगा जेःलाङ आल्सास्यावा। फरिसिलम र यहुदि नेम-कानुन चिःओ मान्तालम येसुइ ओउमयको नेम-कानुनको बिरोतहाङ केहि जाह्ङ्नउ या त दाह्य्ति जुःति योतिमुओ खेइतो। 2ओउ थाउहाङ क्रुत र दोम माङो रोगइ ङाःयो यातचाक मान्ता येसुको ङ्हा वाङा। 3अनि येसुइ फरिसिलम र यहुदि नेम-कानुन चिःओ मान्तालमकाय ह्वत्सास्यावा, “निको यहुदि नेम-कानुन अनुसार यहुदि धोओ दिनहाङ बिरामिकाय स्याक्ताक्सा उचित स्याउना या स्याउल या?”
4तर फरिसिलम र यहुदि नेम-कानुन चिःओ मान्तालमइ जवाफ बइनिलि। अनि येसुइ ओउ बिरामिकाय क्रुतइ धिन्ति स्याक्ताक्सास्यावा र ओउकाय किमताङ ल्होक्सास्यावा। 5ओहाङसयको येसुइ ओउमयकाय तोसास्यावा, “यदि निङमध्ये कुनय यातचाकको चोः#१४:५ चोः कुनय सङ्सकरनलमइखे “गधा” त तोओ मुना। अथबा स्याः, यहुदि धोओ दिन इनारहाङ ज्युप्ना त खेया, निङइ ओउकाय रेह्न्तोले त्याल्तेनिलि र? पक्कामा त्याल्तेनानि!”
6अनि ओउमय सुइमा इ कुराको जवाफ बइसा खाइनिलि।
लयकाय महत्वको जाह्ङ्लाम
7ओहाङ वाङो केहि पाहुनालमइ मुख्य मान्तालम च्युःङ्साकाय दोक्तिगमो सम्मानित थाउहाङ च्युःङ्सा बोःङो च्यउति येसुइ ओउमयकाय सल्लाहको रुपहाङ यातज्यो ल्हाकराय तोसास्यावा— 8“जब कुनय मान्ताइ बिह्याको भोसहाङ नाङकाय निम्तो जाह्ङ्तेना, ताह्ङो मान्ताकाय च्युःङ्सा दाह्य्ति दोक्तिगमो मुख्य थाउहाङ च्युःङ्लाम। ओहाङ नाङसय ताह्ङो मान्ताकायमा निम्तो बयो स्याउसा खाइनउ। 9अनि निङ्जि निसचाककायमा निम्तो बयो मान्ता वाङ्ति ‘नाङ च्युःङो थाउहाङ इकाय च्युःङ्सा बयु!’ त तोतेना, अनि नाङ लोन्हेको थाउहाङ च्युःङ्सा परतेना, र नाङ रास्सितो स्याउतेना। 10तर जब नाङकाय भोसहाङ निम्तो जाह्ङ्तेना, नाङ आल्ति जुदासय लोन्हेको थाउहाङ च्युःङ। अनि जब भोसहाङ निम्तो बयो मान्ता वाङ्ति नाङकाय तोतेना, ‘होया, ङ्हा वाङ्ति पेओ थाउहाङ च्युःङ।’ ओउबेलाहाङखे जुदाको ङ्हा नाङको ताह्ङ्तो सम्मान स्याउलेना। 11धइतिदाह्य्सा सुइ लयमयकाय ताह्ङ्तो जाह्ङ्नाइसि, परमेस्वरइ ओउमयकाय मइतो जाह्ङ्सास्याउना र सुइ लयमयकाय मइतो जाह्ङ्नाइसि, परमेस्वरइ ओउमयकाय ताह्ङ्तो जाह्ङ्सास्याउलेना।”
12अनि येसुइ लयकाय निम्तो बयो ओउ मान्ताकाय तोसास्यावा, “जब नाङइ हिदिङ अथबा राह्मको आह्म् जेःलाङ मान्तालमकाय निम्तो बइतेनउ, नाङको होयालम अथबा माचरलम अथबा अरु लयको मान्तालम अथबा नाङको धनि छिमेकिलमकाय निम्तो बइलाम। धइतिदाह्य्सा ओउमयइ नाङकाय आह्म् जेःसाकाय लोन्हे द्याःन्ति निम्तो बइसा खाइतेना। ओउतहाइति ओउमयइ नाङकाय पय्चो पाय्क्तेना। 13तर जब नाङइ भोस बइतेनउ, गरिबलम, अपाङ्गलम, खोन्द्यालम, र मिक च्यउमालोलमकाय निम्तो बयु। 14अनि नाङ धन्नेको स्याउतेना, धइतिदाह्य्सा ओउमयइ नाङकाय पय्चो पाय्क्सा खाइतेल। तर धर्मि मान्तालम सिआक्तिको उह्ति च्योको समयहाङ परमेस्वरइ नाङकाय इनाम बइसास्याउना।”
ताह्ङो भोसको ल्हाकराय
(मति २२:१-१०)
15जब ओहाङ च्युःङ्तिमुओ पाहुनालम मध्येको यातचाकइ इ कुरा सायाकान, ओउइ येसुकाय तोआथय, “परमेस्वरको राज्यहाङ च्युःङ्ति भोस जेःसा दोःओ मान्ता गच्युक धन्नेको खेना!”
16येसुइ ओउकाय तोसास्यावा, “यातचाक मान्ताइ ताह्ङो भोसको तयारि जाह्ङाकान र नाःतो मान्तालमकाय निम्तो बयाकान। 17जब भोस तयार स्यावा, ‘द्याह वाङ्न, धइतिदाह्य्सा भोसको जुदा थोकलम तयार स्यावा’ त दाह्य्ति पाहुनालमकाय गोत्लाङ लयको नोकरकाय ल्होकाकान। 18तर ओउ पाहुनालमइ यातपछि अर्को बहाना जाह्ङ्ति वाङ्सा ग्याइलि। ङ्हाको यातचाकइ ओउ नोकरकाय तोआथय, ‘ङाइ राङ लेःओ मुना र ङा ओउ योलाङ आल्सा परनाङ। नाङको मालिककाय तोउ, ङा वाङ्सा खाइङल, ङाकाय छेमा बइपाताङ।’ 19अर्कोइ तोआथय, ‘ङाइ पोङाहल स्याः लेःओ मुना, र तेनले ओउमयकाय दावति योलाङ आल्धय मुनाङ। नाङको मालिककाय तोउ, ङा वाङ्सा खाइङल, ङाकाय छेमा बइपाताङ।’ 20अर्को मान्ताइमा तोआथय, ‘ङाइ भखरले बिह्या जाह्ङो खेनाङ, ओउतझ्यान्ते ङा वाङ्सा खाइङल।’
21 ओहाङसय ओउ नोकर द्याह्न्ति दाहा अनि ओउमयइ तोओ जुदा कुरा मालिककाय ल्हाक्ति छ्यानाकान। मालिक आन जोक्तो रिस वाङा अनि ओउकाय तोआथय, ‘सहरको ल्यामलम र गल्लिलमहाङ रेह्न्तो आल, ओहाङसय गरिबलम, अपाङ्गलम, मिक च्यउमालोलम, र खोन्द्यालमकाय इहाङ ङाको किमहाङ लात्ति वानु।’ 22ओहाङसय ओउ नोकर आला र मालिकइ तोओ अनुसार जाह्ङाक्तिको द्याह्न्ति पाह्य्तिवाङा र मालिककाय तोआथय, ‘मालिक, नाङइ तोसास्यावो लेखाले ङाइ जुदाकाय गोत्ति वानालाङ, तर अझले नाःतो कोथा खालि मुना।’ 23अनि मालिकइ ओउ नोकरकाय तोआथय, ‘सहरसय बाहिरताङ आल्ति मुलल्याम र गल्लिलमहाङ मान्तालमकाय बोःङु। ओहाङ मुओ जुदा मान्तालमकाय इहाङ वाङ्तो जाह्ङु, ङाको किम मान्तालमइ ब्लिङो स्याउसा परना। 24धइतिदाह्य्सा ङाइ निङकाय तोनेनाङ्स, निम्तो दोःओलममध्ये सुइमा ङाको भोसको स्वाद याङसा दोःलेइलि।’”
येसुइ लयको चेला स्याउधार्ना दुक्तो स्याउना त दाह्य्ति दर्कसास्यावो
(मति १०:३७-३८)
25यात दिन मान्तालमको ताह्ङो हुल येसुकुस आल्धय खेइतो। येसुइ ओउमयकताङ द्याह्न्ति तोसास्यावा, 26“यदि कुनय मान्ताइ ङाकहाङ वाङ्सा चाहना, तर लयको आपा, आमा, माचा, चोः, चोःद्याङलम, पुःचोङलम, नाःचोङलम, र लयको रुवाङकाय ङाकाय भन्दामा न्हाङ्तो राप्नउ त खेया, ओउइ ङाको चेला स्याउसा खायुलु। 27लयको क्रुस#१४:२७ लयको क्रुस येसुको पालाहाङ, क्रुसहाङ योकोति सिसाकाय दन्द दोःओ मान्ताइखे क्रुसहाङ योकोओ थाउसम्म लयको क्रुस लयले लात्ति आल्सा परतो। अनि येसुइमा लयकाय क्रुसहाङ योकोति सातो थाउसम्म लयको क्रुस लात्ति आल्सास्यावा। ओउतझ्यान्ते येसुइ इहाङ तोसास्यावोको मानेखे, “येसुको चेला स्याउसा अथबा लोन्हे गुह्ल्ति वाह्सा झाको मान्ताइखे येसुको चेला स्यावो कारनइ दुख दोःसा अथबा सिसाले परयाकायमा ओउको लागि तयार स्याउसा परना” त तोओ खेना। लात्ति ङाको लोन्हे वाङ्मालोखे सु मान्ता खेयाकायमा ङाको चेला स्याउसा खाइलेउलु।#१४:२७ इको मानेखे, “ख्रिस्तको लागि दुख-कस्त दोःसा र सिसा चाहमालो मान्ताइखे येसुको चेला स्याउसा खायुलु” त तोओ स्याउना।
28 यदि निङमध्ये कुनय यातचाकइ यातज्यो धरहरा जाह्ङ्सा म्हर्ना त खेया, ओउ धरहरा जाह्ङ्ति द्युम्साकाय थेपोइ दाह्नउ या दाहुलु या, गच्युक खर्च लागना, जुदा हिसाब ङ्हाले जाह्ङ्सा परल र? 29यदि ओउइ धरहराको तोस काति द्युम्तो जाह्ङ्सा खायुलु त खेया, ओउ च्यवो जुदा मान्तालमइ ओउकाय थ्याउनाथय। 30ओउमय एत दाह्य्सा खाइनानि, ‘इ मान्ताइ धरहरा जाह्ङ्सापाय बोःङाकान, तर द्युम्तो जाह्ङ्सा खायुलु!’
31 अथबा यदि यातचाक राजाइ अर्को राजाकुस युद्ध जाह्ङ्लाङ आल्धार्ना ‘दसहजार सेना लात्ति बिसहजार सेना नाःओकुस युद्ध जाह्ङ्सा खाइना या खाइल या’ त दाह्य्ति ङ्हाले लयको सल्लाहकारलमकुस मुति सल्लाह जाह्ङुलु र? 32यदि ओउइ लयको सेनालमइ ओउ सेनालमकुस युद्ध जाह्ङ्सा खाइनिलि त म्हर्ना त खेया, ओउमय लोक्तो मुतोकहाङले ‘नाङको राज्यकुस मिलापहाङ मुसाकाय ङाइ दोह जाह्ङ्सा परनाङ?’ त दाह्य्ति लयको राजदुतलमकाय खबर ल्होकुलु र?
33 ओउतले सुखेइ ङाको लागि लयको जुदा थोकलम फेउलु, ओउइखे ङाको चेला स्याउसा खाइलेउलु।
34 छेः पेओ थोक खेना, तर छेःको स्वाद आल्ना त खेया, फेरि गतहाइति ओउकाय ल्हाम्ताक्सा र? # १४:३४ कुनय मान्ताइ येसुकाय गुह्ल्ति वाह्ना र लोन्हे येसुकाय फेति लोह्न्ताङ द्याह्न्ना त खेया ओउ ल्हाम्मालो छेः लेखाले स्याउना। ओउतताह्ङो मान्ता परमेस्वरको लागि दोह कामकोमा लागलेल (मति ५:१३; मर्कुस ९:५०)। 35ओउखे नाङइ लयको राङहाङ मलको रुपहाङमा कासा खाइतेउलु, धइतिदाह्य्सा ओउइ भुयारकाय पेतो जाह्ङुलु। नाङइ ओउकाय तातिवाइसा मात्र ज्योना।
‘सुको साइसा नो मुना, ओउइ साइपनउ।’” #
मति ११:१५; १३:९,४३; मर्क ४:९,२३; ७:१६; लुक ८:८
Currently Selected:
लुका 14: CHEP
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
