प्रेरित 11
11
पत्रुसले यरुसलेम मण्डलिमि स्पस्टिकरण दियो
1यहुदियामि हुन्या प्रेरित रे दाइभाइनले अउरजातिनले लइ परमेस्वरका बचनमि बिस्वास अर्या छन् भुन्न्या सुण्यो। 2जबइ पत्रुस यरुसलेमि आया, तबइ #११:२ खतना वाला भन्या यहुदि ख्रिस्ट्यानन् हुन् जो बिस्वास अरिसक्यापाछा लइ यहुदि चालचलन छाड्ड माण्या थेनन्।खतना अद्द्यानका दलले तनसित यसो भुन्नाइ तनरो खिसि अद्द लाग्या, 3“खतना नअद्द्या मान्सनका वा गइबर तिनुनसित तमले क्याकि खानिपिनि अर्या?” 4तबइ पत्रुसले कि कि भया थ्यो, तन सप्पइ कुरा सुरुबटहइ सुणाउन लाग्या।
5“मु योप्पा सहरमि हुन्ज्या प्रार्थना अद्दा थ्या। तन्ज्या मु ध्यान-मगन भया रे एक यसो दर्सन धेक्या, स्वर्गबटहइ एक ठुलो तन्नाजसो थोक चार कुनामि समाइबर तल्तिर मेरा वा झड्डारया धेक्या। 6मुइले निकेरि हेरन्ज्या त तइमि चारखुट्या पसुन, जङ्गलि जनाबर, घसाडिन्या जिबजन्तु रे अग्गासका चणाचुणुङिन धेक्या। 7तइपाछा मुइले यसो भुन्न्या एक आबाज सुण्या, ‘ए पत्रुस, उठ रे इनुनलाइ मारिबर खाँ।’ 8तर मुइले भुण्या, हइन प्रभु! यसो कुरा मु कसेरि खान सक्दउ, केइ अपबित्तर या असुद्द कुरा मेरा मुखमि कभइ पण्या आथिन्। 9अज तइ आबाजले दोसर्या लइ स्वर्गबटहइ मुलाइ भुन्यो, ‘जि परमेस्वरले सुद्दु बनाया छन् तइलाइ तु असुद्द जनमाणइ।’ 10तिनबेरसम्म तसोइ भयो, रे तन सप्पइ अज स्वर्गतिर लइयो। 11तसइबेला कइसरिया सहरबटहइ मुलाइ बोलाउन पठाइया तिन जना मान्सन मु बस्या घरमि आइपुग्या। 12पबित्तर आत्माले तन मान्सनसित नहिचकिचाइबर जानाइलाइ मुलाइ भुन्यो। मुसित हुन्या छइ जना प्रभुमि बिस्वास अद्द्या दाइभाइ लइ मुसित आया रे हाम सप्पइ कर्नेलियसका घरभितर गया। 13कर्नेलियसले हामुलाइ बतायो, कि एक स्वर्गदुत उनरा घरमि कल्लिबर यसो भुन्नारया उनुले सुण्यो, ‘योप्पामि मान्स पठाइबर पत्रुस भनिन्या सिमोनलाइ बोला। 14उनुले तमलाइ परमेस्वरको बचन सुणाउन्या छन्। जइबटहइ तम रे तमरा पुराइ परिवारले मुक्ति पाउन्याछउ।’ 15जस्याइ मु बोल्ल लाग्या, तबइ सुरुमि जसेरि पबित्तर आत्मा हाम्मि आया थ्या, तसेरि तिनुनमि लइ पबित्तर आत्मा आया। 16तबइ प्रभुले भुण्या त्यो बचन मुलाइ याद आयो, ‘युहन्नाले त पानिले बप्तिस्मा दियो, तर तमुले त पबित्तर आत्मामि बप्तिस्मा पाउन्याछउ।’ 17जसेरि हामले प्रभु इसु ख्रिस्टमि बिस्वास अर्या रे परमेस्वरबटहइ पबित्तर आत्मा पाया, तसेरि तन अउरजातिनले लइ उनमि बिस्वास अरिबर उनबटहइ पबित्तर आत्मा पायो। तबइलाइ परमेस्वर आफुले पबित्तर आत्मा दिनाहान् भुन्या मुइले उनलाइ कसेरि रोक्द्या?”
18यो कुरा सुण्यापाछा प्रभुमि बिस्वास अद्द्या यहुदि दाइभाइनले पत्रुसलाइ दोस्याउन छाड्यो रे “आब त परमेस्वरले अउरजातिनलाइ उनुनका पापबटहइ पस्साताप अद्द रे जिबन पाउनाइलाइ बोलायारइछन” भनिबर परमेस्वरको प्रसम्सा अर्यो।
एन्टिओखियाको मण्डलि
19आब स्तिफनसलाइ मार्यापाछा यरुसलेममि सतावट भयाहुनाले बिस्वासिन चारइतिर छरबट्ट भया। कोइ कोइ फोनिके, साइप्रस रे एन्टिओखियाका इलाकासम्म गया रे यहुदिनलाइ मात्तरइ असल रइबार प्रचार अर्यो। 20तर तिनुनमध्ये कोइ-कोइ साइप्रस रे कुरेनिका मान्सन थ्या। तिनुनले एन्टिओखियामि आइबर ग्रिकनलाइ लइ प्रभु इसुका बिसयमि प्रचार अर्यो। 21प्रभुको सक्ति तिनुनसित भयाहुनाले बिस्वास अद्द्यान भउत प्रभुमि आया।
22जबइ यो रइबार यरुसलेममि भया मण्डलिका बिस्वासिनले सुण्यो, तबइ मण्डलिनका अगुवानले बारनाबासलाइ एन्टिओखियामि पठायो। 23तन ताँ आइबर परमेस्वरले मान्सनलाइ असिस दिया धेकिबर खुसि भया, रे तिनुन सप्पइलाइ सारा ह्रिदयले प्रभुप्रति बिस्वासि भइरनाइलाइ उस्साहा दियो। 24क्यालाइकि बारनाबास निका, पबित्तर आत्माले भरिपुर रे बिस्वासमि बलिया मान्स थ्या। रे उनुले अरन्ज्या भउत मान्सनले प्रभुमि बिस्वास अर्यो।
25तइपाछा साउललाइ खोज्ज बारनाबास टार्ससमि गया। 26जबइ बारनाबासले सावललाइ भिट्यो तबइ उनलाइ एन्टिओखियामि लेया। तबइ पुरा एक बर्ससम्मइ मण्डलिका मान्सनसित तनुनले भेटघाट अरिरया, रे मान्सनको ठुलो समुहलाइ सिछ्या दियो। ख्रिस्टका सिस्यानलाइ पइलिबेर एन्टिओखियाइमि ख्रिस्टयान भुनियो।
27तइ बेला कोइ अगमबक्तान यरुसलेमबटहइ एन्टिओखियामि आया। 28तिनुनमध्ये अगाबस नाउँ भया एक जनो कलिबर #११:२८ सारा सन्सार भन्या रोमि साम्राज्य हो, जो इज्राएलका भुमिमि भन्न्या बुजिन्छ। सारा सन्सारमि ठुलो अनिकाल पड्डा छ भुन्न्या पबित्तर आत्माबटहइ अगमबाणि अर्यो। त्यो अनिकाल रोमि राजा क्लउडियसका सासनकालमि पण्यो। 29तबइ सिस्यान हरेकले आफना आफना छेमताअन्सार यहुदियामि बस्या दाइभाइनकि निउति साहेता पठाउन्या निस्सय अर्यो। 30इसेरि तिनुनले उठाया पइसा बारनाबास रे साउलका हातबटहइ यरुसलेम मण्डलिका अगुवानका वा पठाइदियो।
Currently Selected:
प्रेरित 11: DOTY
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
